Fartaag: Jubbaland marnaba ma ogolaan doonto 4.5, beesha caalamkana waxaan u sheegnay inaan u tanaasulnay…

Wafdi uu hogaaminayey safiir ku xigeenka dowladda Ingiriiska u fadhiya Soomaaliya Mr. Andrew oo booqasho ku tagay magaalada Kismaayo ayaa halkaasi kula kumay madaxda maamulka Jubbaland oo uu ugu horeeyo madaxweynaha maamulkaasi Axmed Madoobe iyo ku xigeenkiisa C/laahi Ismaaciil (Fartaag) iyo xubno ka tirsan golaha wasiirada Jubaland.
Wafdiga ka socday Ingiriiska ayaa madaxda maamulka Jubbaland waxay kala hadleen arrimo ay ka mid yihiin siyaasadda Soomaaliya, dhannaaka doorashada ee ka dhaceysa, arrimaha horumarinta iyo nabadgelyada, Madaxweeyne ku xgieenka Jubaland ayaa warbaahinta u sheegay in wafdiga ay ka wada hadleen arimo ay ka mid tahay siyaasadda dalka iyo geedi socodka doorashooyinka dalka ee sanadkan dhacaya.
Fartaag ayaa sheegay in ka Jubaland ahaan ay marwalba aaminsanyihiin in xalka Soomaaliya uu ku jiro in wax lagu qeybsado hab deegaan, balse ay tanaasul sameeyeen, iyagoo eegaya danta ummadda.
"Beesha caalamka waan u u caddeynay reer Jubaland marnaba inaysan ogoleyn, raalina ka aheyn 4.5, laakiin ummadda Soomaaliyeed danteeda annagoo xeerineyno, anagoo kala tagga Soomaali aan ogolayn, anagoo marwalba u tanaasuleyna Soomaalinimada, ayaa waxaan u cadeeynay annagoo shacabka reer Jubaland aan weli ka dhaadhicin inaan u tanaasulnay oo aan qaadannay wax walba oo dowladda Soomaaliya ay soo jeedisay beesha caalamkuna ku raacday" ayuu yiri Fartaag.
Safiir ku xigeenka dowladda Ingiriiska oo warbaahinta la hadlay ayaa sheegay in Jubaland ay ka wada hadleen arrimo ay ka mid yihiin doorashooyinka dabayaaqada sanadkan ka dhacya Soomaaliya iyo sida loo wajahayo iyo arrimaha siyaasadeed ee dalka, isagoo sheegay in beesha caalamku ay taageereeyso Soomaaliya, lana rajeynayo in sanadka 2020 ay Soomaaliya ka dhacdo doorasho hal qof iyo hal cod.
Wafdiga ayaa sidoo kale kulamo la qaatay qaar ka mid ah odoyaasha dhaqanka degmada Kismaayo, ayagoo ka wada hadlay arimo la xiriira nidaamka 4.5 ee ay ku heshiiyeen madaxda Soomaaliya iyo qaar kamid ah dowlad goboleedyada dalka.

from NEWS AND ENTERTAINMENT http://ift.tt/1nXEHiU
via IFTTT

Madaxweyne ku xigeenka Galmudug: Wadahadalada u dhaxeeya Galmudug iyo Ahlu Sunna meel wanaagsan ayey marayaan

Maamulka Galmudug, ayaa sheegay inuu jiro wada hadal meel wanaagsan maraya oo u dhaxeeya Galmudug iyo Ahlu Sunna, sida uu sheegay Madaxweyne ku xigeenka Maamulka Galmudug Maxamed Xaashi Carabeey, ku xigeenka Madaxweynaha maamulka Galmudug, ayaa tilmaamay in wada hadalkaan oo hada socda ay ka filayaan inay ka soo baxaan natiijooyin wax ku ool ah oo anfaca dadka dega gobolada Mudug iyo Galgaduud sida uu yiri.
Maxamed Xaashi Carabeey, ayaa wuxuu tilmaamay wada hadalka Ahlu Sunna ay kula jiraan inuu yahay mid lagu doonaayo in lagu soo afjaro Isfahamwaaga ka dhex taagan Galmudug iyo Ahlu Sunna, wuxuu tilmaamay qorshaha Galmudug mar waliba inay tahay nabad ku noolaanshaha Bulshada degta Gobolada Mudug iyo Galgaduud, iyadoo taasi laga duulayana Galmudug culeys badan ay saartay sidii Ahlu Sunna ay ula hadli laheyd.
Madaxweyne ku xigeenka oo wareysi siiyey idaacadda goob joog ayaan sheegin masuuliyiinta Ahlu Sunna u matalaysa wada hadalka uu sheegay inuu la yeeshay xubno ka tirsan Ahlu Sunna, ilaa iyo haddana maamulka ahlu sunna ee gobolada dhexe kama hadlin hadalkan cusub ee ka soo yeeray madaxda Galmudug.

from NEWS AND ENTERTAINMENT http://ift.tt/1P7TkH8
via IFTTT

Kenya oo soo iibsatay gaadiid dagaal oo casri ah iyo Al-shabaab oo sheegay in askar Kenyaan ah ay ku dileen gudaha dalkaasi

Sida uu shaaciyay wargeyska Thestar oo kamid ah wargeysyada afka dheer ee kasoo baxa magaalada Nairobi,ayaa sheegay in dowladda Kenya ay soo iibsatay 30 gaadiidka dagaalka oo nooc casri ah kuwaas oo sida wargeysku sheegay loo qaybin doono booliska ka hawlgala deegaanada ay ku badan yihiin weerarada Al-shabaab.
Madaxweynaha Kenya ayaa horay ubalan qaaday in booliska dalka ku xoojin doono diyaarado iyo gawaari gaashaaman si waajibaadkooda u gutaan,sida yiri,iyadoo hubkan cusub ee dowladda Kenya soo iibsatay aan la ogeyn waxa uu ka bedeli karo weerarada xarakada Al-shabaab ay markasta ku qaado ciidamada Kenya.
Dhinaca kale wararka ka imaanaya dalka Kenya ayaa sheegaya in weerar kale oo Lagu Dilay Askar Kenyaati ah uu shalay Ka Dhacay Jaziirada Lamu,kaas oo ay geysteen ciidamo ka tirsan Alshabaab,waxayna warbaahinta Al-shabaab oo dagaalkaasi ka hadashay ay sheegeen in weerarkaasi uu ka dhacay deegaan hoosyimaada magaalada Pandanguo oo ka tirsan Jaziirada Lamu ayna ku dileen askar keenyaati ah oo badan
Dhinaca kale sarkaal la hadlay wargeyska daily Nation ayaa sheegay in uu arkay ilaa saddex ruux oo midkood la gowracay, iyo dhismayaal ay dab qabadsiiyeen al-shabaab. Sarkaalkaas ayaa sidoo kale sheegay in ay jiraan dad dhaawacyo ah oo cagahooda kaga soo bad-baaday weerarka.

from NEWS AND ENTERTAINMENT http://ift.tt/1P7TjD4
via IFTTT

Qodobo khuseeya Soomaaliya oo laga soo saaray kulan gaar ah oo ay Addis Ababa ku yeesheen wasiirada arrimaha dibadda IGAD

Kulan laba maalin socday oo golaha wasiirada arimaha dibada dalalka xubnaha ka ah IGAD ku yeesheen magaalada Addis Ababa ayaa looga hadlay arrimaha dalalka Soomaaliya iyo Koonfurta Sudan, gebagabadii kulanka ayaa laga soo saaray warmurtiyeed ku dhawaad 30 qodob ka kooban oo khuseeya labada dal, iyadoo dhinaca soomaaliya laga soo saaray 8 qodob oo khuseeya arrimaha soomaaliya waxayna kala yihiin sida tan:
1) Goluhu wuxuu soo dhaweeyay balanqaadka dowladda soomaaliya ee ahaa in doorashooyinku ku dhacaan xiligii loo qabtay
2) Goluhu wuxuu taageeray go'aankii dowladda soomaaliya ka soo saartay nooca doorasho ee lagu saleynayo doorashada Soomaaliya daba yaaqada sanadkan iyadoo dalalka IGAD iyo Beesha caalamka laga codsaday in laga hortago qaswadayaasha caqabada ku ah horusocodka Siyaasada iyo amniga Soomaaliya,mana aysan sheegin cidda ay ula jeedaan qodobkan.
3)Goluhu wuxuu go'aan ku gaaray in guddi ka kooban golaha wasiirada IGAD ka caawiyaan dowladda soomaaliya wada hadalada ay la geli doonto dowlddu maamul goboleedyada si loo dhaqan geliyo go'aanka kasoo baxay dowladda soomaaliya .
4) Goluhu wuxuu dowladda soomaaliya ugu baaqay inay dedajiso dhismaha maamul goboleedka Shabeelada dhexe iyo Hiiraan iyo wadahadalada usocda Galmudug iyo Ahlu sunna, goluhu wuxuu bogaadiyay balan qaadka ,dedaalka joogtada ah iyo dhiiranaanta AMISOM iyo SNA iyadoo goluhu cambaareeyay weerarkii Ceelcade.
golaha wasiirada IGAD wuxuu soo dhaweeyay balan qaadka Jabuuti ee ah inay martigelinayso kulanka dalalka ciidamadu ka joogaan Soomaaliya ee Bisha February ka dhici doona Jabuuti kaasoo dib loogu eegi doono howlgalka AMISOM, wuxuu bogaadiyay doorka muhiimka ah ee xafiiska IGAD ee Soomaaliya ka qaadanayo arrimaha amniga ,dib uheshiisiinta iyo dhaqan gelinta hiigsiga dowladda Soomaaliya ee sanadka 2016, goluhu wuxuu soo jeediyay in kulan madaxeedka soo socda ee dalalka IGAD lagu qabto Magaalada Muqdisho.

from NEWS AND ENTERTAINMENT http://ift.tt/1nXEAE8
via IFTTT

Dowladda Soomaaliya oo sheegtay inay baareyso duqeynta diyaaradaha ciidamada Kenya ka geystay gobolk Gedo

Ra'isul Wasaaraha Soomaaliya Cumar C/rashiid Cali ayaa sheegay in xukuumadda ay guddi u saartay duqeyntii diyaaradaha Kenya ay ka geysteen deegaanka Ceelcadde ee gobolka Gedo, R/wasaare Cumar oo la hadlay warbaahinta dowladda ayaa sheegay in dowladda Kenya ay kala hadleen inay joojiso duqeymaha xagga cirka ah ee ay ka fulineyso qaar ka mid ah gobolada dalka, waxaana uu intaa raaciyay in guddi xaqiiqo raadin ah oo uu hogaaminayo Wasiirka difaaca ee Soomaaliya ay dhawaan tegi doonaan deegaanka Ceel Cadde ee gobolka Gedo, si ay u soo qiimeeyaan xaaladda dadka halkaasi ku nool iyo saameynta ay ku yeelatay duqeymaha xagga cirka ah.
"Guddi xaqiiqo raadin ah ayaa tegaya deegaankaasi, waxaana hogaaminaya Wasiirka Gaashaandhigga si ay u soo qiimeeyaan xaaladda dhabta ah ee ka jirta deegaanka, sida aad ogtihiin ciidanka AMISOM way isaga baxeen deegaanka, waxaana qorsheyneynaa in wafdigaasi ay goordhow tagaan Ceel-cadde" ayuu yiir Ra'isul wasaaraha.
Waa markii ugu horeysay ee ay dowlada Soomaliya ka hadasho duqeynta ay ciidamada cirka ka geystay deegaano ka mid ah gobolka Gedo, iyadoo dadka deegaankaasi ay sheegeen in dhibaato xooggan ay ciidamada Kenya u geysteen dadka rayidka ah gaar ahaan duqeymaha ay diyaaradaha Kenya ka wadaan deegaano ka tirsan gobolka Gedo.

from NEWS AND ENTERTAINMENT http://ift.tt/1nXEBaU
via IFTTT

Dowldaha Soomaaliya iyo Ingiriiska oo Muqdisho ku kala saxiixday heshiis ku saabsan ammaanka

Dowladaha Soomaaliya iyo ingiriiska ayaa shalay Heshiis Dhanka Ammaanka ah ku kala Saxiixday Xarunta Safaaradda Britain ee Muqdisho, iyadoo dhanka Soomaaliya uu heshiiskaasi u saxiixay Wasiirka difaaca, C/qaadir Sh. Cali Diini, Halka dhanka Britain ay u saxiixday safiiradda u joogta Soomaaliya, Harriet Mathews.
Saxiixa heshiiska kadib ayuu wasiirka difaaca Soomaaliya sheegay in heshiiskaasi uu wax badan u Tarayo labada dal, isla markaana ka caawinayo inay labada dal iska kaashadaan la dagaalanka kooxaha xagjirka ah ee khatarta ku ah Soomaaliya, gobolka iyo caalamka intiisa kaleba.
"Heshiiskan wuxuu Soomaaliya ka caawin doonaa in awood ay u hesho dhismaha hay'adaha ammaanka iyo sidoo kale in labada Dal ay yeeshaan Wada-shaqayn dhaw oo la Xiriirta Amniga, si aan uga guuleysanno kooxaha Xag-jiriinta ah ee ku haya dhibatada Dalkeenna" ayuu yiri mar kale Wasiir Diini.
Jen. C/qaadir Diini ayaa xusay in Britain keliya aysan ka qayb qaadan xaqiijinta ammaanka dalka, laakiinse ay Soomaaliya ka taageeraan arrimo badan oo ka mid yihiin siyaasadda iyo dhismaha ciidanka qalabka sida waa sida uu yiriye
Ugu dambeyn, Safiiradda dowladda ingiriiska ee Soomaaliya, Harriet Mathews ayaa iyana dhankeeda sheegtay inay mar walba la garab-taaganaan doonaan dowladda Soomaaliya Taageero dhinac walba leh, gaar ahaan xasilinta dalka, iyadoo u Rajeysay dowladda Soomaaliya inay ku guulaysan doonto Qorshayaasheeda kala duwan.

from NEWS AND ENTERTAINMENT http://ift.tt/1nXExrU
via IFTTT

Somaliland oo sheegtay inaysan quseyn go’aanadii ka soo baxay shirkii madasha qaran ee Muqdisho

Wasiirka arrimaha gudaha Somaliland Cali Maxamed Waran-Cadde ayaa sheegay in aanay quseyn go'aanadii ka soo baxay shirkii Madasha wadatashiga qaran ee lagu soo gaba gabeeyay magaalada Muqdisho ee ahaa nooca doorasho ee Soomaaliya ka dhici doona sanadkan.
Wasiir Waran Cadde ayaa wax lala yaabo ku tilmaamay in Soomaaliya oo ay ka go'een 25 sano ka hor sida uu yiri inay sheegtaan, isagoo xusay inay kala yihiin labo dal oo kala madax banaan.
"Waxaa layaab ah in 25-sano ka hor dal aan ka go'nay oo 1960 dowlad isku darsanay, waxaanu aheyn labo dowladood oo kala gumeysan jiray Ingiriiska iyo Talyaaniga, marka waa kala noqonay wada jirkeeni hore, waana wax aad iyo aad layaab u ah beenta iyo waxa ay sheegayaan"ayuu yiri wasiirka arrimaha gudaha Somaliland Cali Waran-Cadde.
Waxaa uu sheegay inaysan jirin cid uga wakiil aheyd shirkii Madasha ee Xamar ka dhacay, isagoo xusay in wixii hadda ka dambeeya sharciyad ka soo saareen arrimaha Soomaaliya iyo isku safarka labada dhinac, "Dal kala noqday dal kale wada jirkeeda inay maanta sheegtaan waa wax lagu qoslo, Waxa ay sheegayaan Somaliland wax ka quseeyo ma jirto, cid ka mas'uul ahna ma jirin, waxaa sharciyad ka soo saarnay in Soomaaliya iyo Somaliland in baasaboor labo dal ah kala leeyihiin oo ay isku safrayaan" ayuu yiri Cali Waran-Cadde.

from NEWS AND ENTERTAINMENT http://ift.tt/1VwDcCY
via IFTTT

Maxkamad ku talla dalka Mareykanka ayaa xukun dheer ku riday nin Soomaali ah

Maxkamad ku taalla magaalada New York ayaa nin Soomaali ah ku xukuntay sagaal sano oo xabsi ah kadib markii uu qirtay inuu taageero u fiidyey xarakada Al-Shabaab oo dagaalka kula jirta Ciidamada AMISOM iyo dowladda Soomaaliya.
Xeerilaalinta Maraykanka ayaa sheegtay in ninkaasi oo lagu magacaabo Mahdi Xaashi kuna dhashay Soomaaliya uu ka tagay waddankii uu ku koray ee Biritan kuna laabtay Soomaaliya isagoo ku biiray Al-Shabaab,waxaana Mahdi Xaashi oo 26 jir ah xukuntay maxkamadda Brooklyn, New York Jimcihii shalay kadib markii uu bishii May ee sanadkii hore qirtay inuu taageero u fidiyey xarakada Al-Shabaab,iyadoo dhinaca kale Isla maxkamaddaasi ay usbuucii hore laba qof oo muwaadiniin reer Sweden ah oo la shaqaynayey Mahdi Xaashi ku xukuntay xabsiyo kala duwan.
Dhinaca kale Mahdi Xaashi oo la qabtay sanadkii 2012-ka xilligaasi oo uu ku sugnaa Bariga Afrika ayaa kadib waxaa loo wareejiyey dalka Maraykanka,waxayna dacwad-oogista mreykanku sheegtay inuu wadashaqayn la lahaa Cumar Xamaami iyo kooxda u dhalatay Maraykanka ee uu hoggaamin jiray.
Wasaaradda Caddaaladda ee Maraykanka ayaa sheegtay in Al-Shabaab ay doonayaan inay qortaan dadka reer galbeedka ah sababtoo ah si dhib yar ayey iskaga gudbi karaan xuduudaha caalamka.

from NEWS AND ENTERTAINMENT http://ift.tt/1Pot9Q6
via IFTTT

Axmed Madoobe: Guul darrada madaxda Soomaaliyeed waxay ka timid in madaxda ay ka hadlayeen danaha u gaar ka ah deegaanka ay ka soo jeedaan

Madaxweynaha Jubbaland Axmed Maxamed Islaam (Axmed Madoobe) oo shalay dib ugu laabtay magaalada Kismaayo ayaa ka warbixiyay Shirkii Wada-tashiga Qaran ee Muqdisho lagu qabtay ee looga doodayay Nooca Doorasho ee dalka ka dhacaysa daba-yaaqada Sanadkaan, Axmed Madoobe ayaa sheegay in Shirkii Kismaayo ka dhacay ee ay Madaxda Dalka isugu timid ee looga hadlayay qaabka lagu soo xulayo baarlamanka iyo Mustaqbalka Doorashada dhaceysa dhamaadka sanadka in uu ahaa mid guul dareystay.
"Waxaan oran karaa waan ku Guul-dareysanay Hoggaamiyeyaashii Soomaaliyeed ee isugu yimid shirkii Kismaayo inay kaga tashadaan oo ay ka go'aan gaaraan mustaqbalka Soomaaliya, qofka inuu guul-dareystay inuu sheego oo ay Arrintaasi Nasiib-darro ahayd ceeb ma ahan," ayuu yiri Madaxweynaha Jubaland.
Sidoo kale, Wuxuu intaas ku daray in Shirkii Muqdisho ay Beesha Caalamka isugu yeertay Hoggaamiyeyaasha Soomaalida lana weydiiyay waxa Shirkoodii kasoo baxay, isagoo xusay in ay halkaasi ka sheegeen in shirarkoodii guul-dareysteen.
"Reer Jubbaland ayaanu mataleynay shirka, waxaan ku adkeysanay hab deegaan oo ay reer Jubbaland doorteen, sidoo kalena madaxdii kale ee gobolada soomaliya midwalaba mowqifkiisii ayuu ku dhagey, kadibna dowladda ayaa lagu yiri idinku go'aan keena, Beesha Caalamkuna waxay tiri go'aanka dowladda ayaan qaadanaynaa, waxay dooratay dowladda waxaanu niri nooma cuntamaan, laakiinse Beesha Caalamku ayaa waxay tiri go'aanka dowladda ayaanu taageeraynaa sidaana waan ku qaadanay" yuu yiri Axmed Madoobe.
Dhanka kale madaxweynaha oo la hadlayay shacabka Reer Jubaland ayaa yiri. "Wixii aad noo dirteen waan ku guul-dareysanay inaan idiin keenno, waxaanan raadinaynaa sidii loo heli lahaa xal Soomaliyeed", Madaxweynaha ayaa ku sababeeyay guul darrada madaxda Soomaaliyeed inay tahay in madaxda ay ka hadlayeen danaha u gaar ka ah deegaanka ay kasoo jeedaan.
"Ma dhahayo hogaamiye hebel waa saa iyo maaha, balse guul darrada waxaa keenay in madaxda ay ka hadlayeen waxa ay rabaan oo kama hadlaynin maxaa noo wada dan ah", Madaxweynaha Axmed ayaa ka jawaabay wararkii ahaa in Kismaayo markale la isugu imaanayo waxaa uuna sheegay in maadaama lagu heshiin waayey shirkii Kismaayo aysan u baahnayn culayska go'aan aysan gaarin madaxda eek or looga keenay.
"Dadka reer Jubbaland waxa ay sugayeen in markale Kismaayo la isugu soo laabto oo go'aan la gaaro, maya diyaar uma nihin gogol kale waayo gogoshii hore ee Soomaalinimo u dhigay hadii go'aan lagu gaari waayay mid kale culeyskeeda ma qaadi karno",madaxweynaha oo ka hadlayay ciidamada AMISOM ee ka baxay deeganno ka tirsan Jubbaland ayaa waxa uu sheegay inay tahay xeelad dagaal oo la isugu diyaarinayo dagaalka Jubba Corridor ama howl galka xoreynta webiga Jubba iyo agagaarkiisa.

from NEWS AND ENTERTAINMENT http://ift.tt/1Pot6Uq
via IFTTT

Aadan Barre Ducaale oo shaaciyey tirada askarta ka soo jeeda Gaarisa ee lagu dilay weerarkii Ceelcadde

Hoggaamiyaha aqlabiyadda baarlamaanka Kenya Aadan Barre Ducaale ayaa shaaca ka qaaday tirada Ciidanka Difaaca Kenya ee ka soo jeeda Gaarisa ee lagu dilay weerarkii dhawaan Al-shabaab ay ku qaadday saldhiggii milateri ee ay ciidamada Kenya ku lahaayeen deegaanka ceel cadde ee Koofurta Soomaaliya.
Isagoo ka hadlayay Jaamacadda Gaarisa, ayuu Aadan barre Ducaale sheegay in toddobo ka tirsan ciidanka Kenya oo ka soo jeeday degmada Gaarisa ay ka mid yihiin askarta lagu laalay weerarkii Ceel-cadde,iyadoo dhinaca kale ay jiraan warar kale oo sheegaya in askar kale oo soomaali ah oo ka soo kala jeeda degmooyinka Wajeer iyo mandheera,islamarkaasna ay tirade ciidamada soomaalida ah ee ka tirsanaa ciidamada Kenya ee weerarkaasi ku dhintay ay kor u dhafayaan ilaa dhowr iyo toban askari.
Hadalka uu sheegay Xildhibaan Aadan Barre Ducaale ayaa imaanaya xilli wali milateriga iyo dowladda Kenya ay ka gaabsanayaan inay sheegaan tirada rasmiga ah ee ciidankooda looga dilay weerarkii Al-Shabaab ay 15-kii bishan ku qaaday deegaanka Ceel-cadde ee gobolka Gedo.
Weerarkii ka dhacay Ceelcadde ayaa la rumaysan yahay inuu yahay kii ugu xumaa ee lala eegtay ciidanka Kenya ee qeybta ka ah howlgalka Midowga Afrika ee AMISOM, waxaana loo maleynayaa in boqolaal askarta ka tirsan ay halkaasi ka soo gaartay dhimasho iyo dhaawac intaba.

from NEWS AND ENTERTAINMENT http://ift.tt/1Pot6ng
via IFTTT

Askari lagu dhex dilay saldhig uu ka howlgalayey oo ku yaala magaalada Burco

Mid kamida Ahaa ilaalada Saldhig boolis oo lagu mgacaabo Maxamed Cali Kuna yaalla magaalada Burco ee maamulka Somaliland ayaa habeen hore lagu dilay gudaha saldhiggii uu ka howlgalayey waxaana sida la sheegay saldhigga ku dhextoogtay nin hubeysnaa oo aan la ogeyn inuu saldhigga ka tirsan yahay iyo inuu banaanka saldhigga ka yimid.
Asakariga la dilay ayaa waxa lagu magaacabi jira Shawqi Cumar Yusuf, waxaana la sheegay in ruuxii dilka geystay isla markiiba ay gacanta ku dhigeen xubno ka mid ahaa Askartii Ilaalada Saldhigga ka aheyd waxaana hadda ku socda baaritaan la xiriira sababta uu askariga ka shaqeynayey saldhigga u dilay.
Ilaa hadda maamulka gobolka togdheer kama hadlin dilkaasi,iyadoo sidoo kale aan ilaa hadda la ogeyn sababta askarigaasi loo dilay iyo waxa uu ahaa nink dilka geystay midna.

from NEWS AND ENTERTAINMENT http://ift.tt/1VwD7PA
via IFTTT

Sheekh caan ah oo ka badbaaday isku day dil iyo faahfaahino dheeri ah oo ka soo baxaya

Sheekh ka mid ah culimaa'udiinka ugu waaweyn magaalada Hargeysa oo lagu magacaabo Sh.Maxamed Cabdi Carab ayaa shalay galabtii ka badbaaday isku day dil kadib markii ay koox dablay ah oo hubaysani rasaas la beegsadeen.
sida warku sheegayo Rag hubeysan oo aan haybtooda la garaneyn ayaa Sheekha rasaas ku furey shalay galinkii danbe, balse nasiib wanaag waa uu ka badbaaday,iyadoo sida la sheegay sheekhaasi lagu weeraray gurigiisa oo ku yaalla degmada Axmed Dhagax ee magaalada Hargeysa.
Ila hadda lama oga sababta loo weeraray sheekhaasi iyo dableyda weerartay waxa ay tahay, iyadoo ilaa hadda aysan jirin cid sheegatay inay iyadu weerarkasi ka dambeysay
Ciidanka sirdoonka Somaliland ayaa ku howlan baaritaan lagu ogaanayo raggii hubeysnaa ee soo weeraray Sheekh Maxamed Cabdi Carab, walow aysan weli ciidanku soo qaban raggii weerarka fuliyey.

from NEWS AND ENTERTAINMENT http://ift.tt/1Kc8ka2
via IFTTT

Madaxweyne Xasan: Waxaan u murugooneynaa, siina macsalaameynaa geesiyaashii Kenya ee dagaalkii Ceelcadde lagu dilay

Madaxweynaha Soomaaliya, Xasan Sheekh Maxamuud ayaa shalay khudbad dareen leh ka jeediyay munaasabadii loogu baroor diiqayay askartii Kenya looga dilay deegaanka Ceelcadde ee gobolka Gedo, "Maanta waa maalin taariikhi ah oo aan u murugooneyno inaan sii macsalaameyno geesiyaashii dagaalka nooga dhintay, sabab bini'aadanimo, anigu hadaan ahay Madaxweynaha Jamhuuriyadda Soomaaliya waxaan safar usoo galay oo haalkaan u imid inaan qoysaska askarta dhimatay iyo dowladda Kenya u muujinno geesiyaashii usoo gurmaday Soomaaliya, islamarkaana aan muujino sidaan ugu faraxsanahay naf-hurida ay Kenya u sameeyeen Soomaaliya, iyo sida qotada dheer ee Soomaaliya la joogteen, Soomaaliya weligood abaal ayey idiinkaga hayn doontaa arrintaasi gudaha Kenya iyo banaankaba" ayuu yiri Madaxweyne Xasan Sheekh,oo isagoo arrintaasi ka sii hadlaya mar kale yiri "Intii aad Somaliya la joogteen waqtigii ugu adkaa gudaha Somaliya iyo halkaan Kenya labadaba, Somaliya weligeed abaal bay idinkaga hayn doontaa, wanaagga aad u sameyseen, kalkaan gudaha Kenya iyo halkaas Somaliya dhexdeeda." Ayuu yiri Madaxweyne Xasan Sheekh Maxamuud.
Madaxweyne Xasan, ayaa intii uu ka hadlayay xuskaasi aan soo hadalqaadin waxyeelada, ay diyaaradaha dagaalka Kenya ku hayaan shacabka Somaliyeed ee ku dhaqan Gobolka Gedo,inkastoo afhayeenka madaxweynuhu sheegay in arrintaasi ay kawada hadlayaan labo guddi oo ka kala socota soomaaliya iyo Kenya,isagoo intaasi ku daray inuu jiri doono kulan gaar ah oo ay yeelanayaan labada madaxweyne ee soomaaliya iyo Kenya kaas oo sida uu yiri arrimo badan looga hadli doono

from NEWS AND ENTERTAINMENT http://ift.tt/1OZmAjm
via IFTTT

Uhuru Kenyatta: Ciidamadeenu way sii joogayaan Soomaaliya ilaa iyo inta la…

Madaxweynaha Kenya Uhuru Kenyatta ayaa sheegay in ciidankiisu ay sii joogidoonaan dalka Soomaaliya, waxaana sida la sheegay uu hadalkaasi uga jawaabayey kadib markii in badan oo shacabka Kenya ka mid ah iyo siyaasiyiinta mucaaradkuba ay dalbadeen in ciidamadooda laga soo saaro Soomaaliya.
Qudbad si toos ay ay shacabka Kenya uga daawanayeen TV-ga isla markaana uu madaxweyne Kenyatta ka jeediyey munaasabad lagu xusayey askar ka badan 100 oo ay dhawaan Al-shabab ku laayeen Soomaaliya, ayuu ku sheegay inay go'aan ku gaareen inay ciidamadoodu kasii mid ahaadaan howlgalka Midowga Africa ee nabada loogu raadinayo Soomaaliya.
"Ma ahan waqtigii aan dhageysan laheyn codadka guuldarada, dagaal ayaanu qaadnay sababtoo danaheena ayaa ku jira, sababtoo ah waxaan rabnaa inaan soo celino nabadda Soomaaliya, waxaan kale oo aan dooneynaa inaan iska difaacno cadawga raba inuu na bur buriyo," ayuu yiri Kenyatta, kuwo baqaya ayaa leh ciidamadeena hala soo celiyo,anaguna waxaan leenahay ciidamadayadu way sii joogayaan soomaliya,mana carareyno,waayo haddii ay ciidamadeenu soo baxaan nagama harayaan kuwa cdowga ah oo halkan ayey inoogu imaanayaan ayuu mar kale yiri madaxweynaha Kenya.
Al-shabab ayaa weerar ay 15-ki bishaan ku qaaday xero ay ciidamada Kenya ku lahaayeen deegaanka Ceelcade oo u dhaw xadka Kenya, waxay ku dileen ciidamo badan oo Kenyan ah, iyagoo dhinaca kale sheegay in ay gacanta ku hayaan kuwo kale oo ay nolosha ku qabteen.

from NEWS AND ENTERTAINMENT http://ift.tt/1OZmzM9
via IFTTT

Madaxweynaha Puntland oo ka soo horjeestay go’aanadii ka soo baxay shirkii madaxda Soomaalida, sheegayna…

Madaxweynaha Puntland Dr.Cabdiweli Maxamed Cali Gaas ayaa xalay shir jaraa'id oo uu ku qabtay xarunta Madaxtooyada Soomaaliya waxa uu kaga hadlay go'aankii ay dawladda federaalku gaartey kaas oo ahaa in aqalka hoose ee baarlamaanka lagu soo xulidoono habka awood qaybsiga beelaha ee ee 4.5, halka aqalka sarena lagu soo xuli doono hab maamul goboleed iyadoo Puntland iyo Somaliland loogu dari doono midkiiba saddex xubnood oo dheeraad ah, go'aankaas oo beesha caalamkuna ay soo dhaweysey.
Madaxweynaha Puntland Dr.Cabdiweli Maxamed Cali Gaas ayaa shirkiisa jaraa'id ku sheegay in go'aanka ay gaartey Dawladda Federaalka ee ku saabsan geeddi socodka Doorashooyinka 2016-ka aanu ahayn mid ay gebi ahaanba Puntland aqbalayso sida uu yiri.
"Waxaan rabaa halkaan inaan ka caddeeyo anigoo ku hadlaya magaca dadka Puntland in aanan aqbalayn go'aankaas, uusanna aheyn go'aankaasi midkii ay ii soo wakiisheen shacabka Puntland, aniguna rabitaankooda ayaan ku shaqaynayaa" ayuu yiri C/weli Gaas.
Madaxweynaha Puntland ayaa sidoo kale xusay shacabka Soomaaliyeed in ay yihiin dad isku dan ah islamarkaana isku baahi ah oo doonaya inay gaaraan horumar iyo caddaalad balse waxa mustaqbalkooda hortaagni uu yahay nidaamka qabiilka ee 4.5 kaas oo aafeeyey horumarkii iyo helitaanka dawladnimadii Soomaaliyeed.
Madaxweynaha Puntland Dr.Cabdiweli Maxamed Cali Gaas ayaa gebagebadii tilmaamay in uu talada ku celin doono shacabka reer Puntland maadaama ay iyagu yihiin cidda iskale go'aanka kama dambaysta ah sida uu yiri.

from NEWS AND ENTERTAINMENT http://ift.tt/1QF7fZC
via IFTTT

Shirkii Wad-tashiga qaran oo la soo gabagabeeyay, laguna go’aamiyey nooca doorasho ee ka dhici doonta Soomaaliya {Qodobada laga soo saaray oo dhameystiran}

War-murtiyeed xalay kasoo baxay Xafiiska Ra'iisul Wasaaraha Soomaaliya ayaa lagu shaaciyay qaabka doorasho ee dalka ka dhicaysa dhamaadka Sanadkan 2016-ka, iyadoo lagu sheegay War-murtiyeedka in iyadoo la eegayo Duruufaha jira ee dhanka amniga ay madaxda Soomaalidu isla garteen in dalka doorasho ay ka dhacdo sanadkan.
Qodobada ku xusan War-murtiyeedka shirka ka soo baxay ayaa Waxaa ka mid ah inaysan jirin wax muddo kordhin loo sameynayo Hay'adaha Dowladda ee hadda shaqeynaya, kuwaasoo Waqtigooda Dastuuriga ahi ku eg-yahay dhamaadka Sanadkan.
Go'aannada lagu gaaray shirkii Wada-tashiga ayaa Waxa ay kala yihiin sida tan: Tirada kuraasta Baarlamanka Hoose ee dalka waa 275-kursi, xildhibaanada baarlamaanka hoose waxaa lagu soo xulayaa qaabka 4.5-ka, haweenka ka mid noqonaya Baarlamaanka hoose waa inay noqdaan 30%, codeynta iyo tirinta codadka waxay ka dhacayaan dhammaan Xarumaha Maamul-goboleedyada dalka oo ay ku jirto Somaliland.
Baarlamaanka sare ee dalka: Aqalka sare ee baarlamaanka waxaa la dhisi doonaa inta aan la dhisin Aqalka Hoose ee baarlamaanka, xubnaha aqalka sare ee baarlamaanka dalka, Waxay ka koobaan doonaan 54-xubnood, 48-xubnood oo ka mid ah xubnaha aqalka sare ee Baarlamaanka si Simman ayaa loogu Qaybinayaa Dhamaan Maamulada Wadanka ka jira, sida Galmudug, Puntland, Jubbaland, Hiiraan/Sh/dhexe, Koonfur-gableed iyo Somaliland.
Lixda xubnood ee soo haray waxaa si siman loogu qaybinayaa Puntland iyo Somaliland, taas oo sabab looga dhigay inta ay dhisanaayeen iyo deegaanadooda oo fara badan, ugu yaraan 30% kuraaska Aqalka sare ee Baarlamaanka Soomaaliya waxaa loo qoondeeyay inay haween noqdaan, xubnaha aqalka sare ee baarlamaanka waxaa laga soo dooranayaa dhamaan deegaanada maamulada federaalka ah ee dalka ka jira.
Ugu dambeyn, Xukuumadda Soomaaliya ayaa sheegtay inay rajeynayso in Dhamaan Madaxda Maamul-goboleedyada dalka, Shacabka Soomaaliyeed iyo Beesha Calaamkuba ay ku qanci doonaan qaabka Doorasho ee lagu heshiiyay, isla markaana halkaas horay looga sii socdo.

from NEWS AND ENTERTAINMENT http://ift.tt/1QF7bZS
via IFTTT

Guddoomiyihii deegaanka Ceelcadde ee gobolka Gedo oo dhaawacmay kadib markii

Guddoomiyaha Degamada Ceel-Cadde ee Gobolka Gedo Cabdi Cali Cabdi Qoorleex ayaa ku dhaawacmay qarax lala eegtay gaari uu saarnaa oo ay lahaayeen ciidamada Kenya kaas oo marayay meel ku dhow deegaanka Likooleey, gudoomiyaha ayaa la socday ciidamada Kenya ee doraad ka guuray saldhigoodii Ceel-Cade ee dhawaan ay ku weerareen Al-Shabaab ayaa la sheegay inuu ka dhaawacmay labada lugood,haattana lagu daweynayo deegaanka wajeer oo ka tirsan gobolda soomaalid ee waqooyi bari Kenya.
Axmed Buulle Maxamed oo ah guddoomiyaha maamulka gobolka Gedo ayaa VOA u xaqiijiyey in guddoomiyaha Ceel-Cadde uu labada lug ka dhaawacmay,haddana ay xaaladiisu ka soo reyneyso sida uu yiri Guddoomiyuhu
Wararku wuxuu intaasi ku darayaa in Ciidamada Kenya ee guddoomiyaha uu la socday sidoo kale lagu qaaday dagaal dhabagal ah ah oo Al-Shabaab ay ku qaadeen, xilli ay marayaan deegaanka Likooleey oo 40 KM u jira deegaanka Ceel-Cadde,waxaana la sheegay in ciidamada Kenya ay hadda gaareen deegaanka Dhamase oo ku dhow xudduudda ay wadagaan soomaaliya iyo Kenya.

from NEWS AND ENTERTAINMENT http://ift.tt/1QF78NG
via IFTTT

Dowladda Kenya oo jawaab ka bixisay hadal ka soo yeeray dowladda Soomaaliya, sheegtayna inaysan…

Dowladda Kenya ayaa jawaab ka bixisay eedayn uga timid dowladda Soomaaliya oo ahaa inay duqeymo aan naxariis laheyn ku heyso dad shacab ah oo aan waxba galabsan, iyo qoraalkii loo gudbiyey baarlamaanka Soomaliya ee ka dhanka ahaa duqeymaa ay waddo.
Afhayeenka ciidamada Kenya Kolonel David Obonyo ayaa sheegay inaysan waxba ka jirin eedaymaha ay soo jeediyeen xildhibaanada barlamaanka Soomaaliya oo ku eedeeyay in diyaaradaha Kenya ay duqeyn la beegsadaan dadka rayidka ee ku nool deegaanada ay Al-shabaab ka howlgalaan ee gobalka Gedo.
Afhayeenka waxa uu isweydiiyey in dadka ay duqeeyeen ciidankiisi ay yihiin dad rayid ah, wuxuuna ku dooday inay ciiddanka Kenya u yimaadeen Somaaliya sida uu yiri sidii ay u badbaadi lahaayeen dadka rayidka ah, wuxuuna intaasi ku daray inay beegsadaan oo keliya Al-shabaab, aysanna ciidankoodu duqeyn dad shacab ah.
Dhinaca kale Kolonel David Obonya waxa uu ka hadlay masiirka askarta Kenya ee ka howlgala Somaaliya, wuxuuna beeniyay war lagu qoray Twitter-ka telefishinka Aljazeera oo lagu xusay inay ciidanka Kenya ay ka baxayaan degmooyin ku yaala Koonfurta Somaaliya, si ay difaac uga dhigtaan degmooyinka ku teedsan xuduudka.
Afhayeenku waxa uu tilmaamay inay ciidanka Kenya sii wadayaan inay ka sii mid noqdaan howlgalka AMISOM, isla markaana aysan jirin wax qorshe ay oo ciidanka Kenya looga saarayo qaar ka mid ah degmooyinka ku yaala Koonfurta Somaliya.
Dhanka kale guddoomiyaha guddiga siyaasadda iyo difaaca barlamaanka Kenya ayaa sheegay inay go'aan ka gaari doonaan inay ciidankooda si madax bannaan uga howlgalaan Somaaliya, iyagoo aan hoos tagi doonin taliska howlgalka AMISOM, waxaana xusid mudan in ciidamada Kenya ay shalay ka baxeen degmada Badhaadhe oo ka tirsan Jubbada hoose iyo deegaanka Ceelcadde oo ka tirsan gobolka Gedo.

from NEWS AND ENTERTAINMENT http://ift.tt/1nmYSpS
via IFTTT

Madaxweynaha Soomaaliya iyo wafdi uu hogaaminayo oo ku sii jeeda dalalka Kenya iyo Itoobiya iyo warar kala duwan oo ka soo baxaya

Afhayeenka Madaxtooyadda dalka Kenya Manoah Esipisu ayaa sheegay inuu Madaxweynaha dowladda federalka Somaliya Xasan Sheekh Maxamuud ka qeyb geli doono baroor diiq iyo Aas qaran ee loo sameynayo askartii Kenyanka ee lagu dilay weerarkii ay Al-shabaab bishan 15-dii ku qaadeen xeradda Ceel-cadde ee gobalka Gedo.
Sida warku sheegayo Madaxweynaha Kenya, Uhuru Kenyatta, Saraakiisha Sare ee Dowladda, Milliteriga iyo Qoysaska Askartii geeriyootay ayaa la filayaa inay maanta ka qeyb galaan Aaska Askartaasi oo lagu qaban doono Xerada Milliteriga ee Moi oo ku taalla Degmadda Eldoret ee Galbeedka Kenya.
Sidoo kale Madaxweynaha dalka Nigeria, Maxamadu Buhaari ayaa lagu wadaa inuu maanta booqasho 3 maalmood ah oo rasmi ah ku tago dalka Kenya,isagoo ka qeyb gali doono munaasabadda lagu aasayo Askarta Kenyanka ee ay Al-shabaab ku dileen Gobalka Gedo.
Dhinaca kale webseti-ka Idaacadda Capital FM ee Nairobi ayaa lagu qoray inay Madaxweynayaasha dalalka Kenya, Somalia iyo Nigeria la filayo inay maalinta Jimcaha si wadajir ah ugu ambabaxaan caasimadda dalka Ethiopia ee Addis Abeba, si ay uga qeyb galaan shirweynaha 26-aad ee Madaxweynayaasha dowladaha Afrikaanka oo furmi doona maalinta Sabtida ee soo socoto.
Ilaa hadda ma jiro war rasmi ah oo ka soo baxay xarunta madaxtooyadda ee dowladda Soomaaliya weli kama soo bixin War ku aadan inuu Madaxweynuhu u ambabixi doono Nairobi, si uu uga qeyb galo Munaasabadda Aaska Askarta Kenyanka ee lagu diley Weerarkii Alshabaab bishan 15-dii ku qaadeen deegaanka Ceel-cadde.

from NEWS AND ENTERTAINMENT http://ift.tt/1nmYPul
via IFTTT

Maxkamadda sare ee Soomaaliya oo ka hadashay dacwad laga gudbiyey R/wasaaraha iyo wasiirka arrimaha gudaha

Guddoomiyaha Maxkamadcda Sare ee Soomaaliya Caydid Cabdullaahi Ilkaxanaf ayaa sheegay in siyaasiyiin iyo muwaadiniin Soomaaliyeed oo doonaya in axsaabta ay samaysteen loo sharciyeeyo ay dacwad kasoo gudbiyeen Ra'iisul Wasaaraha Xukuumadda Cumar C/rashiid iyo Wasiirka arrimaha gudaha C/raxmana Xuseen Odawaa.
Ilkaxanaf waxa uu sheegay in xisbiyadan ay doonayaan in la sameeyo sharcigii axsaabta, ee suurta gelin lahaa in xisbiyada siyaasadda la diiwaan geliyo si ay uga qeybgalaan doorashooyinka soo socda, guddoomiyaha Maxkamadcda Sare ayaa sheegay in dacwadda ra'iisul wasaaraha ay u gudbiyeen qareenka xukuumadda, si ay jawaab uga bixiyaan, kadibna kiiska dacwadda halkaas laga amba qaadi doono.

from NEWS AND ENTERTAINMENT http://ift.tt/1nmYPu6
via IFTTT

Saraakiil ka tirsanaa dowladda Kenya oo lagu dilay qarax ka dhacay magaalada Lamu

Ugu yaraan 5 Sarkaal oo ka tirsanaa Booliska Dowladda Kenya ayaa dhintay, 3 kalena dhaawac ayaa soo gaaray kadib markii Qarax nuuca miinada dhulka lagu aaso lagu dhuftay Kolonyo ay la socdeen Ciidankaasi oo marayay halka loo yaqaano Milimani oo qiyaastii 70km ujirta magaalada Mpekatoni ee Lamu county ee dalka Kenya.
Sida warku sheegayo baabuurka la qarxiyey ayaa waxaa saarnaa ciidamo Boolis ah gaar ahaan kuwa loo yaqaano AP, iyadoo, ciidanka lagu qarxiyay miinada dhulka lagu aaso xilli ay kusii jeedeen saldhigooda oo kuyaala Kiunga oo ku talla xadka ay wadaagaan dalalka Soomaaliya iyo Kenya.
Qaraxa kadib dagaal yahano ka tirsan Xarakada Al-shabaab waxa ay weerar gaadmo ah ku qaadeen Ciidamada Dowladda Kenya oo ku sugnaa halka qaraxaasi lagula eegtay taas oo sii kordhisay waxyeeladii markii hore ciidamada Kenya ka soo gaartay qaraxa.
Afhayeenka Ciidamada Booliska ee Dalka Kenya, ayaa sheegay in ay socdaan baaritaano kale duwan oo uu ku sheegay inay ku doonayaan soo qabashada Dadkii Weerarkaasi ka dambeeyay,mana bixin faahfaahin intaasi dheer.
16-ka Bishii December ee Sanadkii la soo dhaafay, ayey aheyd markii sidan oo kale 3 askari oo uu ku jiray Sarkaal ka tirsanaa Booliska Kenya ay ugu dileen deegaanka Lamu ee dalka kenya kadib markii ay Alshabaab weerar ku qaadeen Kolonyo ay la socdeen ciidamada dalka Kenya.

from NEWS AND ENTERTAINMENT http://ift.tt/1nmYPdE
via IFTTT

Ciidamada Itoobiya oo hub iyo gaadiid dagaal kala degay magaalada Kismaayo

Wararka ka imaanaya magaalada kismaayo ayaa sheegaya in dekedda magaaladaasi uu dhowr maalmood ka hor uu ku xirtay markab gadiid dagaal iyo hub u waday ciidamada itoobiya ee ku sugan magaalada Kismaayo, sida warku sheegayo hubkaasi oo ay ku jiraan taangiyo,beebayaal,rasaas iyo gaadiidka ciidanka lagu daabulo oo dhamaantood ah kuwo cusub ayaa muddo 3 maalmood ah ka degayey dekedda kismaayo,waxaana la sheegay in hubkaasi la geeyey fariisimada ciidamada itoobiya ee kismaayo ku sugan.
Wararku wuxuu intaasi ku darayaa in hubkaasi oo ah mid cusub aan la ogeyn halka laga keenay,balse loo maleynayo in ciidamada Itoobiya ee ka howlgelaya Kismaayo dal dibadda ah looga soo iibshay,iyadoo ciidamadaasi ay ka tirsan yihiin ciidamada AMISOM.
Dhinaca kale warark ka imaanaya kismaayo ayaa sheegaya in laga yaabo in ciidamada itoobiya ee ku sugan kismaayo aad loo kordhiyo,iyadoo la adeegsanayo diyaarado,kadib markii ay soo baxday cabsi la xiriira in weeraro xooggani ka yimadaan dhinac xarakada Al-shabaab iyo ciidamada Kenya ay baneeyaan fariisimo badan oo ay ku leeyihiin gobolada J/hoose iyo gedo inkastoo wararkan dambe aan si rasmi ah loo xaqiijin.

from NEWS AND ENTERTAINMENT http://ift.tt/1nmYOGP
via IFTTT

Shirkii madaxda Soomaalida oo la isku fahmi-waayey iyo beesha caalamka oo soo faragelinaysa

Warar lagu kalosoon yahay oo laga helay xubno ku dhow dhow shirka madaxda soomaalida ee doraad ka furmay magaalada muqdisho ayaa sheegaya in weli ay taagan tahay kala aragti duwanaantii u dhaxaysay madaxda soomaalida taas oo ku aaddan qaabla loo soo xulayo xildhibaanada ka mid noqonaya labada gole ee dowladda soo socota taas oo lagu wado in la soo dhiso dhamaadka sanadkan aynu ku jirno.
Sida warku sheegayo Xubnaha beesha caalamka ka jooga magaalada Muqdisho ayaa kulamo gooni gooni ah la qaatay habeen hore ilaa shalay madaxada Somalida kulamadaasi oo diirada lagu saarayey sidii la isugu soo dhoweyn lahaa fikirada ay kala qabaan dhinacayada siyaasada Soomaaliya,inkastoo ilaa hadda aan laa sheegin wax horumar ah oo kulamadaasi laga gaaray,inkastoo ay weli socdaan dedaaladaasi ayna dhicikarto in waxwaliba si ked ah isu bedelaan lana gaaro heshiis.
Warar kale oo aan si rasmi ah loo xaqiijin ayaa sheegaya in xalay ay xarunta Villa Somalia ay kulan sadex geesood ah ku yeesheen madaxweynaha Puntland, Jubaland iyo Ra'iisalwasaare Cumar C/rashiid, waxaana loomaleynayaa in uu Ra,iisulwasaaruhu isku dayayo sidii uu madaxda maamulada puntland iyo jubba uga dhaadhicin lahaa inay aqbalaan soo jeedinta ka timid dowladda Soomaaliya inkastoo aan la ogeyn inay aqbalayaan iyo in kale.
Dhinaca kale warar kale oo aan la xaqiijin ayaa sheegaya in laga yaabo inuu madaxweyna Jubbaland uu maanta si deg deg ah ugu ambabaxo magaalada Kismayo,kadib markii Ciidamada Kenya ay baneeyeen fariisimo ay ku layeen deegaano ka kala tirsan gobolada J/hoose iyo gedo,ayna soo baxeen warar kale oo sheegaya inay dhici karto in ciidamada Kenya ay baneeyaan fariisimo kale oo ku yalla goboladaasi.

from NEWS AND ENTERTAINMENT http://ift.tt/1SiCObE
via IFTTT

La taliyaha R/wasaaraha ahaana rug cadaa saxaafadeed oo xalay ku geeriyooday Muqdisho

Cabdi Xaaji Goobdoon oo ku geeriyooday Magaalada Muqdisho
Allaha u naxariistee waxaa saaka Isbitaalka Daaru Shifa ee Magaalada Muqdisho ku geeriyooday Marxuum Cabdi Xaaji Goobdon oo ahaa Qabiir Saxaafadeed, lana soo shaqeeyay Xukuumadihii kala duwanaa ee dalka soo maray.

Marxuumka ayaa saaka aroortii ku geeriyooday Isbitaalka Daaru Shifa, xilli halkaasi la geeyay, kadib markii xanuun dhanka wadnaha oo deg deg ah uu ku soo booday.

Abuukar Xaaji Goobdon oo ah Walaalka Marxuum Cabdi Xaaji Goobdoon, ayaa BBC u xaqiijiyay geerida Walaalkiis, wuxuuna sheegay in Xanuun uu ku soo booday, kadibna markii Isbitaalka ay geeyeen uu ku geeriyooday.

Marxuum Cabdi Xaaji Goobdon, ayaa la soo shaqeeyay ilaa Dowladii Maxamed Siyaad Barre.

Xukuumadihii kala duwanaa ee dalka soo maray qaarkood wuxuu ka soo noqday Afhayeen, halka qaarna uu ahaa la taliye dhanka Saxaafadda ah.

Marxuum Cabdi Xaaji Goobdoon, ayaa ka mid ahaa Xubnihii ka shaqeynaayay Sharciga Saxaafadda ee dhawaan Madaxweyne Xasan uu meel mariyay.

Marxuumka ayaa si aad ah u xasuusataa Bahda Saxaafadda Somaliya, maadaama uu ka mid ahaa dadka waxgalka u ah Saxaafadda ee waqtigaan soo gaaray.

from NEWS AND ENTERTAINMENT http://ift.tt/1nkI6rp
via IFTTT

ICG oo ka digtay in Al-shabaab ay dib u qabsato magaalooyinkii horay looga saaray, sheegtayna inay si dardar leh ay…

Hay'adda xasaradaha adduunka ee marka magaceeda la soo gaabiyo loo yaqaano ICG ayaa sheegtay in xarakada Al-shabaab ay ku xidideysatay Soomaaliya, isla markaana ay ku hamineyso inay qabato xukunka dalka, mas'uul u hadlay ICG ayaa ka digay in Al shabaab ay dib qabsato magaalooyin iyo degmooyin ay qabsadeen ciidamada Itoobiya iyo kuwa AMISOM.
"Al-shabaab waxay ku soo baxday dardar dhanka dagaalka ah, waxay weerartay oo ay qabsatay saldhigyo waa weyn oo ay lahaayeen ciidamada Midowga Afrika, runtii waxay dooneysaa inay qabsato dalka Soomaaliya oo ay maamusho" ayuu yiri mas'uul u hadlay ICG.
Warbixin dheer oo uu qoray wargeyska New York Times ayuu ku sheegay in saanado hubka ah oo ciidamada Al-shabaab ay ku qabsadeen dagaalkii degmada Ceel-cadde ay fursad u siineyso inay qaadaan weeraro kale, Al-shabaab ayaa weeraro qorsheysan ka geysatay Soomaaliya iyo dalal ay ka mid yihiin Kenya, iyadoo hadda ay wadaan dardar galin dhanka weerarada ah.

from NEWS AND ENTERTAINMENT http://ift.tt/1nkI6b1
via IFTTT

Shirkii Muqdisho uga furmay madaxda dowladda Somalida iyo kuwa maamul goboleedyada oo khilaaf uu ka dhashay iyo wasiir sheegay in shirka uu burburay

Iyadoo shalay galab ay shir isugu yimaadeen madaxda Somalida iyo beesha caalamka kaas oo la doonayey in mowqif mideysan ay la yimaadaan madaxda soomaalida gaar ahaan qaabka loo dhisi doono golayaasha barlamanka Soomaaliya ee Aqalka sare iyo kan hoose dabayaaqada sanadkan ayaa waxaa soo baxaya warar sheegaya in shirkaasi uu ku bilowday khilaaf cusub oo soo kala dhexgalay dhinacyadii shirka ka qeybgalayey.
Sida warku sheegayo Kulankaasi ayaa markii hore waxaa furey madaxweynaha Soomaaliya Xasan Shiikh isagoo ku timaamey in shirkii magaalada Kismayo ku soo dhamaadey, wuxuuna intaasi ku daray in lagu heshiiyey in aqalka hoose ee Barlamanka lagu soo dhiso 4.5 halka aqalka sare maamulada dalka ka jira ay si siman u qaybsanayaan balse Puntland iyo Somaliland loogu daro min sadex xubnood xildhibaanada aqalka sare madaama gobolo badan hoos yimaadaan,waxaana sida la sheegay ku raacay ra,iisulwasaaraha xukuumadda soomaaliya oo isna shirka ka hadlay.
Warar kale ayaa sheegaya in madaxweynuhu shirka ka sheegay in madaxda federaalka go'aamisey in aqalka hoose lagu soo dhiso 4.5 halka aqalka sare lagu soo dhiso maamulgoboleed balse Puntland iyo Somaliland loogu daro mid sadex xubnood sidaana waxaa sheegay wasiieka deegaanka puntland Cali C/laahi.
Warku wuxuu intaasi ku darayaa in madaxweynaha puntland oo shirkaasi ka hadlay uu ku gacansayray hadalkaasi, isagoo sheegay in hadalkaasi uu yahay mid aan macquul aheyn,islamarkaasna aysan meesha u imaanin inay dhageystaan go,aan ay soo jeedineyso dowldda soomaaliya balse ay u yimaadeen in laga wadahadlo go,aankii la qadaan lahaa sida uu yiri,wuxuuna intaasi ku daray in puntland aysan aqbaleyn wax aan ka aheyn in deegaan ama degmo lagu soo doorto aqalka hoose sidoo kalena aqalka sare lagu soo doorto 18-kii gobol ee uu dalku ka koobnaa markii ay dhacday xukuumaddii hore 1991-dii.
Wasiirka degaanka Puntland Cali C/laahi Warsame oo wareysi siiyey Radio Graowe isagoo ku sugan magaalada muqdisho kana mid ah waftiga madaxweynaha Puntland ee shirka ka qeybgelaya ayaa waxaa uu xaqiijiyey in shirkii uu hakad ku yimid ama uu buburey kadib markii madaxweynaha dowlada Federaalka la yimid goobta go'aan aan lagu heshiin.
Dr. Cali C/laahi waxaa kale oo uu sheegay in go'aankaasi ay ka horyimaadeen maamulada Puntland iyo Jubaland, halka Guddoomiye ku xigeenka labaad ee barlamanka Soomaaliya ahad Cabdalla Cawad uu goobta ka sheegay inaysan ka warheyn heshiiska madaxweynaha Soomaaliya uu shirka ka hor sheegay.
Dhinaca kale madaxweynaha maamulka Galmudug C/kariin Guuleed oo kulanka ka hadlay ayaa isna sheegay inay doonayaan in aqalka hoose lagu soo xulo 4.5, halka kan sarena ay soo xulaan maamul Goboleedada, isla markaasna si siman loo soo xulo xubnaha aqalka sare oo an cidna wax gooni ah loogu darin.
Dhanka kale Madaxweynaha maamulka Koonfur Galbeed Soomaaliya Shariif Xassan Sheekh Aadan ayaa sheegay inuu qabo in labada Aqal lagu soo xulo Nidaaamka 4.5 sidaana loo dayo ilaa inta dalka soomaaliya laga qabanayo doorashooyin qof iyo cod ah
Khilaafka iyo kala aragti duwanaanta uu shirku shalay galay kadib ayaan la ogeyn waqtiga Wadahadalka la isugu soo noqonayo iyadoo wararka qaar sheegayaan in beesha caalamka siisey madaxada Somalida labo maalmood oo kale iney farqigooda ku soo yareeyaan shirkuna uu sii socdo.

from NEWS AND ENTERTAINMENT http://ift.tt/1QxNN10
via IFTTT

Qarax ay ku dhaawacmeen dad ka badan 108-ruux oo ka dhacay dalka Kenya iyo faahfaahino ka soo baxaya waxa uu ahaa qaxaasi

In ka badan 100 qof oo ka tirsan adeegga dhalinyarada qaranka Kenya NYS (National Youth Service) ayaa ku dhaawacmay qarax aan si rasmi ah loo ogeyn wuxuu ka dhashay kaas oo shalay ka dhacay xero ay ku leeyihiin deegaanka Gilgil oo ka tirsan degmada Nakuru ee gobolka Rift Valley, sidoo kale, 10 ka mid ah dhalinyaradaasi dhibowga ku jiray, ayaa dhaawacyadooda lagu Tilmaamay inay yihiin kuwo halis ah; sida uu sheegay Xildhibaanka laga soo doorto Gilgil, Mathenge Nderitu oo booqday dhalinyarada dhaawacantay.
Xildhibaan Mathenge ayaa dhankiisa xusay in qaraxaas uu ahaa mid ka dhashay Koronto, wuxuuna intaas ku daray in xubnaha kale ee ku sugnaa xeradaas ay soo gaareen dhaawacyo aanan aad u khatar badneyn.
Dhanka kale, Isaac Ndirangu oo ah taliyaha machadka tababarka ee uu Qaraxu ka dhacay, ayaa u sheegay Warbaahinta in Dhalinyaradii ku jirtay Xeradaas aysan qaadanin Amarkii madaxdooda, isagoona intaas ku daray in qaar kamid ah dhalinyaradaas ay markii hore isku qariyeen fasaladooda kadibna ay u soo carareen banaanka, taasoo keentay inay isbuurteen dhalinyaradaas oo wada cararaayay.
Ugu dambeyn, Guddiga dhanka Amniga u Qabilsan Degmada Nakuru, ayaa booqday Mac-hadkaas si ay u ogaadaan Xaqiiqada arrinta halkaasi ka dhacday, iyadoo dhinac kale War-fidiyeenada dalkaasi loo diiday iney gudaha u galaan xarunta qaraxu ka dhacay.

from NEWS AND ENTERTAINMENT http://ift.tt/1nkI3vP
via IFTTT

Baarlamaanka Soomaaliya oo loo qaybiyey qaraar ka dhan ah duqeynta Kenya ay ka waddo dalka iyo Ra’isul wasaaraha oo loo yeeray

Xildhibaannada Baarlamaanka Soomaaliya oo kulan ku yeeshay xaruntooda Muqdisho ayaa waxaa loo qaybiyey qaraar looga horjeedo duqeymaha ay diyaaradaha dagaalka Kenya kawadaan qaybo ka mid ah gobolka Gedo ee Koonfurta Somaliya.
Guddoomiye ku-xigeenka Labaad ee Baarlamaanka Somalia, Mahad C/lla Cawad oo Shir-guddoominayay kulankii shalay ayaa sheegay in qaraarka ka dhanka ah Duqeymaha ay Dowladda Kenya kawaddo gobolka Gedo ay ka mid tahay in Kenya ay si deg-deg ah duqeymaheeda u joojiso iyo in Guddi xaqiiqo-raadin ah loo diro gobolka Gedo, kuwaasoo u kuur-geli doona xaaladaha gobolkaas.
Sidoo kale, Baarlamaanka ayaa u yeeray ra'iisul wasaaraha Somalia, Cumar C/rashiid Cali Sharmaake inuu ku horyimaado Baarlamaanka ugu dabmeyn illaa 30-ka bishaan Jannaayo, si wax looga weydiiyo duqeymaha ay dowladda Kenya kawado gobolka Gedo.
Kulanka oo ay soo xaadireen 148-xildhibaan; ayaa furitaankiisii waxaa lagu dhaariyay laba xildhibaan oo bedelaya laba xildhibaan oo midkood uu dhintay iyo mid kale oo iska casilay ka mid ahaansha Baarlamaanka Federaalka Soomaaliya.
Xildhibaanada shalay la dhaariyay ayaa waxay kala ahaayeen; Cabdi Shire Ciyaar-jacel iyo Cabdicasiis, iyadoo dhaarinta xildhibaanada kadib ay warbixin ka dhexgeysteen xildhibaanada baarlamaanku guddiga gaadiidka, garoomada ee baarlamaanka Soomaliya, kuwaas oo howlo shaqo u tagay deegaanada maamulka Koonfur-galbeed, isla markaana golaha u sharxay waxyaabihii ay soo arkeen.
Dhanka kale xildhibaanada Baarlamaanka ayaa akhrintii koowaad mariyey shalay sharciga Liil-tirka iyo Deeqaha ay yeelanayaan Siyaasiyiinta; kaasoo ay soo diyaariyeen Guddiga xeer hoosaadka baarlamaanka Soomaaliya, guddoomiye ku xigeenka labaad ee Baarlamaanka Soomaaliya Mahad Cabdalle Cawad ayaa ugu baaqay Xildhibaannada ku maqan Goballada iyo dalka dibaddiisa inay soo Xaadiraan kulamada baarlamaanka, maadaama ay baarlamaanka horyaalaan ajandayaal muhiim ah.
Ugu dambeyn, xildhibaanada baarlamaanka Somalia ayaa loo qaybiyay Qaraar ku saabsan Duqeynta ay Dowladda Kenya ay kawaddo qaybo ka mid ah Gobolka Gedo, Halkaasoo ay dhibaato xooggan kasoo gaartay dad xoolo dhaqata ah.

from NEWS AND ENTERTAINMENT http://ift.tt/1nkI5DR
via IFTTT

Guddoomiye ku xigeenka koowaad ee gobolka Banaadir oo si rasmi ah loo magacaabay

Madaxweynaha Soomaaliya Xasan Sheekh Maxamuud ayaa xeer uu soo saaray shalay ku magacaabay guddoomiye ku xigeenka koowaad ee maamulka gobolka Banaadir, xeerka madaxweynaha ayaa Ismaaciil Macalin Cabdi Guure loogu magacaabay Guddoomiye ku xigeenka koowaad ee maamulka gobolka Banaadir, ahna guddoomiye ku xigeenka maamulka iyo maaliyadda gobolka.
Xeerkaan cusub ayuu ku xusay Madaxweyne Xasan inuu soo saaray markii uu Garowsaday baahida loo qabo in la magacaabo mas'uul xilkan qabta, mas'uulkan la magacaabay Ismaaciil Macallin Cabdi Guure ayaa horay uga mid ahaa ku xigeenada maamulka gobolka Banaadir.

from NEWS AND ENTERTAINMENT http://ift.tt/1QxNFOX
via IFTTT

Xildhibaan Magan: Hadalka Uhuru Kenyatta waa mid uu ku baneysanayo xasuuqa ay ciidankiisu ku hayaan dadka Somaliyeed

Xildhibaan Maxamuud cali magan oo ka tirsan Mudanayaasha Baarlamaanka soomaaliya oo ka jawaabayay eedeyn beeshiisa uu shalay usoo jeediyey madaxweynaha Kenyatta Uhuru Kneyata, kaasi oo beesha mareexaan ku eedeeyey in ciidankiisa weerarkii lagu xasuuqay ay kaalin weyn kulaheyd beeshaasi sida uu ku dooday.
Xildhibaan magan oo wareysi siinayay Idaacadd Goobjoog ee Magaalada muqdisho ayaa ku nuuxnuuxsaday in eedeynta uhuru ay tahay mid aan masuuliyad ku dheehneyn, Magan ayaa sidoo kale ku tilmaamay hadalka Madaxweyne uhuru mid uu ku baneysanaayo dhiiga shacabka gedo oo ay dhawaanahanba duqeymo ba'an ciidamadiisa ku hayeen waa sida uu hadalka u yiri.
Ugu dambeyntiina wuxuu sheegay in hadalka uhuru uusan aheyn mid uu agaasime xitaa ku hadli karo isakaba daa madaxweyne dal dhan xukumo in uu sidaas u hadlee, wuxuu sheegay inay dhab tahay in colaad waqtigeedu fogaaday in uu ka dhaxeeyo Beelaha Ogaden yio mareexaan Balse aysan taasi macnaheeda aheyn in Kenya iyo Ogaden ay isleeyihiin, taas badalkeedane Uhuru uu qirtay buu yiri dhibaato ciidankiisa ay beesha Marexaan horay ugu geysteen.

from NEWS AND ENTERTAINMENT http://ift.tt/1nkwVPt
via IFTTT

C/weli Gaas: Waxaan shacabka uga digayaa hadalada siyaasiyiinta fashilmay inay qaataan, waayo…

Madaxweynaha Puntland C/weli Maxamed Cali Gaas weerar afka ah ku qaaday siyaasiyiin dhaliilay qaabka ay Puntland uga qaybgaleyo madasha lagu kala aragti duwanyahay ee looga wada xaajoonayo habka loo raacayo doorashada, wuxuuna tilmaamay inay yihiin kuwaas siyaasiin fashilmay jaahwareerinaya sida uu yiri bulshada,wuxuuna yiri isagoo arrintaasi ka sii hadlaya "Waxaan shacabka puntland uga digayaa hadalada ay jeedinayaan siyaasiyiinta fashilmay ee warbaahinta ka jeedinaya dacaayadda iyo been abuurka" ayuu yiri c/weli gaas oo aan magacaabin siyaasiyiintaasi uu ku sheegay kuwa fashilmay.
Sida warku sheegayo hadalka uu jeediyey Madaxweynaha puntland ayaa u muuqda inuu ula jeedo siyaasiyiin ka tirsan puntland kuwaas oo dhawaan warbaahinta gudaha ka sheegay in Madaxweyne Gaas lagu qanciyay qaadashada nidaamka wax ku qabsiga beelaha islamarkaana uu ogolaaday.
Dhawaan ayey aheyd markii Cali Xaaji oo horey u ahaa wasiirka waxbarashada dowlada Cabdiweli Maxamad Cali Gaas sheegay in heshiis laga gaarey nidaamka 4.5 islamarkaana Puntland aqbashey.
dhawaan ayaa la filayaa in magalada muqdisho uu kafurmo shir looga hadlayo habraaca doorashada iyo qaabka lagu soo xuli doono Xildhibaanada dowladda soo socota, inkastoo ay weli jirto kala aragti duwanaan xooggan oo dhexeysa dhincyada shirka ka qeybgalaya gaar ahaan maamulada dalka ka jira oo qaarkood ay doonayaan in hab deegaan wax lagu qeybsaday halka kuwa kale ay doonayaan in wax lagu qeybsado hannaanka uu hdda ku dhisan yahay baarlamaanka Soomaaliya ee 4.5-ka.

from NEWS AND ENTERTAINMENT http://ift.tt/1UlnwSx
via IFTTT

Afhayeenka Issimada Puntland: Madaxda Puntland ha caddeeyaan mowqifkooda ku aadan dagaalada ka socda G/Sool iyo Cayn

Qaar kamid ah Isimadda Puntland ayaa ugu baaqay maamulka Puntland in uu cadeeyo mawqifkiisa ku aaddan arrimaha dagaalada ee hadda ka socda Gobalada Sool & Cayn oo labaduba kamid ah dhulka Puntland sida ay yirahdeen isla markaasna maalmihii ugu dambeyeey ay ku dagaalamayeen Maleeshiyo ka tirsan maamulka khaatimo & Ciidamada Maamulka Somaliland oo dhaq dhaqaaqyo Ciidan sameynayay.
Garaad Cabdulaahi Cali Ciid oo ah Afhayeenka Isimada Puntland ayaa ugu baaqay madaxda puntland in ay cadeyso siyaasadeeda ku aaddan arrimaha dagaaladaasi soo noqnoqday iyo soo celinta gobalada maqan ee Puntland oo dhan iyadoo la fulinayo dastuurka Puntland iyo midnimada Puntland.
Afhayeenka isimada Puntland ayaa sheegay in aysan marnaba u dulqaadan karin duulaanka lagu hayo shacabka gobalada Sool & Cayn, isagoo sheegay in la gaaray xilligii ay puntland gudan lahayd waajibaadka Dastuuriga ah ee ka saaran dalka.
Hadalkan ayaa imanayo iyadoo mas'uul ka tirsan Khaatumo uu sheegay in ay iyagu mas'uul ka ahaayeen weeraradii ugu danbeeyay ee dhacayay u jeedkooduna yahay ka bixitaanka Ciidmada Somaliland ee Gobalada Sool iyo Cayn.

from NEWS AND ENTERTAINMENT http://ift.tt/1ZXYRKG
via IFTTT

Guddomiyaha Baarlamaanka Soomaaliya oo qudbad ka jeediyay shirka baarlamaanada Islaamka

Guddoomiyaha Baarlamaanka Soomaaliya Maxamed Sheekh Cusmaan "Jawaari" oo wafdi uu hogaaminayo ay Soomaaliya uga qeybgalayaan shirka Baarlamaannada dalalka Iskaashiga Islaamka ee ka socda magaalada Baqdaad ee dalka Ciraaq ayaa shalay khudbad ka jeediyey shirkaasi.
Shirka waxaa si rasmi ah u furay Madaxweynaha dalka Ciraaq waxaana isaga iyo Guddoomiyaha Baarlamaanka Ciraaq khudbado ay shirka ka jeediyeen wadajir ugu soo dhaweeyeen wufuudda ka socota dalalka Iskaashiga Islaamka Baqdaad iyo guud ahaanba dalka ciraaq ayagoo sidoo kalena ka hadlay muhiimadda ay dowladda Ciraaq u leedahay marti gelinta shirkan.
Guddoomiyaha Baarlamaanka Federaalka Soomaaliya Maxamed Sheekh Cusmaan {Jawaari} oo khudbad ka jeediyey shirka ay u mahad celiyey dowladda iyo shacabka Ciraaq sida ay u soo dhaweeyeen isaga iyo wafdiga uu hogaaminayo waxaana dhanka kale uu khudbaddiisa oo aheyd af Carabi uga hadlay hormarka ay Soomaaliya ku tallaabsatay iyo halka la hiigsanayo mustaqbalka soo socda ay oo ugu horeyso sida ay Soomaaliya ugu diyaarsan tahay iney ka faa'ideysato kheyraadka uu Alle ku maneystay, sidoo kalena waxa uu ku booriyey dalalka Islaamka iney Soomaaliya maalgashi ku sameystaan.
Shirka Baarlamaannada dalalka Iskaashiga Islaamka ee PIUC ayaa soo gebageboobi doona maanta oo ay bishu tahay 25ka January ayadoo gebagebadiisana laga soo saari doono war murtiyeed ay ku cad yihiin qodobbadii shirka looga hadlay.

from NEWS AND ENTERTAINMENT http://ift.tt/1ZXYNL3
via IFTTT

Axmed Madoobe iyo wafdi uu hogaaminaayo oo soo gaaray magaalada Muqdisho, lana kulmay wakiilka Qaramada Midoobay ee Soomaaliya

Madaxweynaha maamulka Jubaland Axmed Sheekh Maxamed islaan (Axmed Madoobe) ayaa shalay galab soo gaaray magaalada Muqdisho ee Caasimada Soomaaliya si uu uga qayb galo shir ay isugu imaanayaan dhamaan madaxda dowladda iyo maamul goboleedyada dalka.
Madaxweyne Axmed Madoobe ayaa socdaalkiisa waxaa ku wehliyey Wafdi kala duwan oo ka kala tirsan labada Gole ee maamulkiisa wuxuuna intii uusan ka soo ambabixin garoonka Kismaayo uu Saxaafaddaa u sheegay in ujeedka socdaalkiisa uu yahay in magaalada Muqdisho ay uga qeybgalayaan shirka wadatashiga aayaha Somalia,waxaana markii uu muqdisho soo gaaray uu la kulmay wakiilka xoghaya guud ee Qaramada Midoobay u qaabilsan arrimaha soomaaliya,lamana faahfaahin waxyaabihii laga wada hadlay inkastoo loo maleynayo arrimaha shirka iyo murka ka tagaan qaabka loo soo xulayo golayaasha dowladda soo socota gaar ahaan labada gole.
Shirka la filayo in madaxda soomaalidu isugu timaado ayaa sida wararka lagu helayo waxaa qeyb weyn ku leh wakiilada Beesha caalamka oo horay usoo saaray qoraal madaxda Soomaaliyeed ku dhiirigelinaya in heshiis gaaraan ka hor 28/01/2016.
Madaxweeyne Axmed Madoobe ayaa sheegay in uu rajeeynayo in shirkaasi kasoo baxaan go'aano waxtar leh islamarkaana lagu dhameyn doono waxyaalaha dhiman,isagoo xusay in koh shirka uu kulamo kala duwan la yeelanayo wakiilka xoghayaha guud ee qaramada midoobay ee soomaaliya iyo xubnaha kale ee beesha caalamka.
Ugu danbeyntii si rasmi ah looma sheegin xiliga uu shirku Furmayo, waxaana Madaxweyne Axmed Madoobe kaga soo horeeyay magaalada Muqdisho Madaxweynaha maamulka Puntland C/wali Gaas,iyadoo la filayo in xubnaha hadda maqan ee ka kala tirsan madaxda maamulada dalka ka jira iyo madaxda dowladda soomaaliya la filayo inay muqdisho soo gaaran saacadaha soo socda.

from NEWS AND ENTERTAINMENT http://ift.tt/1ZXYMXD
via IFTTT

Wasiirka arrimaha dibadda Soomaaliya oo ka qaybgalay shirkii dalalka Carabta iyo Hindiya ee lagu qabtay

Wafdi uu hogaaminaayo Wasiirka Arrimaha Dibadda Soomaaliya, C/salaam Hadliye Cumar ayaa shalay ka qayb-galey shir ay isugu yimaadeen wasiirada arrimaha dibadda ee dalalka Carabta iyo Dowlada Hindiya, kaasoo ka furmay magaalada Manama ee Boqortooyada Baxreen.
Shirkan ayaa looga hadlay sidii loo horumarin lahaa is-kaashiga ka dhexeeya wadamada Carabta & Hindiya, qodobada lagu heshiiyay waxaa ka mid ahaa: Is-kaashiga dhinacyada siyaasada, dhaqaalaha iyo ganacsiga, tamarta, dhawrista bay'ada, beeraha, isku filaanshaha wax soo saarka, tayeynta kaabayaasha waxbarashada iyo dhaqanka, warbaahinta, horumatinta adeegyada bulshada iyo caafimaadka.
Wasiirka Arrimaha Dibadda xukuumadda Soomaaliya oo ka hadlay shirkaasi ayaa ka hadlay xiriirka Taariikhiga ah ee ka dhexeeya Dowladda Hindiya iyo Carabta, isagoo ku baaqay in si wadajir ah loo waajaho waxa uu ugu yeeray argagixisada caalamka.
Sidoo kale, wasiirka ayaa sheegay in maanta ay Soomaaliya isbedel ballaaran ka sameesey dhinaca Ammaanka iyo deggenaanshaha dalka sida uu yiri, wuxuuna intaasi ku daray in iskuullada si caadi ah loo tago, suuqyadana ay buuxaan oo si caadi ah looga adeegto ,iyadoo Soomaalidii dibadaha dalka ku nooolaa ay dib Soomaliya ugu soo noqonayaan si ay ugu qayb-qaataan dib u dhiska dalkooda.
Xiriirka u dhexeeya Dalka Hindiya iyo kuwa Carabta ayaa lagu tilmaamay inuu yahay mid aad u qoto-dheer, waxaana la og-yahay in ka badan lix Milyan oo shaqaale ah oo u dhashay dalka Hindiya ay ka shaqeeyaan dalalka Carabta, gaar ahaan kuwa Khaliijka.
Wafdiga Wasiirka Arrimaha Dibadda Soomaaliya, C/salaan Hadliye ayaa Waxaa ka mid ahaa; Safiirada Somalia ee Hindiya, Ebyan Ladane Saalax, ahna guddoomiyaha safiirada Carabta ee Hindiya iyo Saalim Macoow Xaaji oo ah la taliyaha koowaad iyo ku xigeenka Danjiraha Soomaaliya ee dalka Sacuudiga.
Shirka waddamada Hindiya iyo Carabta ayaa wuxuu kusoo dhamaaday guul iyo is-afgarad, waxaana lagu iclaameyay si wadajir ah qodobadii shirka kasoo baxay loo meel-mariyo,iyadoo Manama Declaration ay noqotay Shirkii ugu Horeeyey ee Wasiirrada Cabarbta iyo Hindiya ay kuwada kulmaan.

from NEWS AND ENTERTAINMENT http://ift.tt/1UlnslW
via IFTTT

C/weli Gaas, Axmed Madoobe, Shariif Xasan iyo C/kariin Xuseen Guuleed oo saacadaha soo socda ku soo wajahan magaalada Muqdisho iyo warar sheegaya inay u imaanayaan sidii ay…

Madaxda maamulgoboleeyda dalka ka jira ayaa la sheegay inay saacadaha soo socda ay ku soo wajahanyihiin magaalada muqdisho oo lagu wado inuu ka dhaco shir kale oo looga hadlayo hanaanka loo soo dooranayo xildhibaanada ka mid noqonaya labada Aqal ee la qorsheeey inay yeelato dowladda soo socota ee la dhisayo dhamaadka sanadkan.
Kulanka oo lagu wado inuu todobaadkan gudihii ka furmo magaalada muqdisho ay daba jooga go'aan ay beesha caalamka kaga dalbatey madaxda Soomaalida iney go'aan kaga gaaraan mustaqbalka siyaasdeed ee Soomaaliya gaar ahaan qaabka loo soo xulanayo xildhibaanada Barlamanka aqalka hoose iyo sare ee dowladda soo socota.
Sida warku sheegayo wadahadalada madaxda soomaalida ayaa beesha caalamka rabtaa in go'aan rasmiya uu kasoo baxo inta aan la gaarin kulanka golaha amaanka qaramada midoobey isugu imaanyaan 28 January, 2016 kaas oo looga arrinsanyo arrimaha Soomaliya.
Dhinaca kale warar aan la xaqiijin ayaa sheegaya in madaxweynaha maamulka Puntland C/weli Gaas oo Maanta muqdisho soo gaaraya inuu doonayo in inta aanu kulanka Muqdisho furmin uu codsan doono inuu kulan la yeesho ergeyga gaarka ah ee qaramada midoobey u qaabilsan Soomaaliya, kaas oo dhawaan dalka soo gaaray,halka warar kale sheegayaan in ergayga qaramada midoobay ee soomaaliya uu doonayo in inta aysan wadahadaladu furmin uu kulamo gooni gooni ah la yeesho madaxda maamulada dalka ka jira maadaama uu horey u soo arkay madaxda dowladda soomaaliya ugu sareysa,kuwaas oo kala ah madaxweyne Xasan Sheekh, Guddooye Jawaari iyo R'isul wasaare Cumar C/rashiid.

from NEWS AND ENTERTAINMENT http://ift.tt/1TeQIw8
via IFTTT

Madaxweyne Xasan Sheekh oo amar duldhigay hay’adaha ka shaqeeya gudaha Soomaaliya, shacabkana ugu baaqay inay…

Madaxweynaha Somaaliya Xasan Sh. Maxamuud ayaa sheegay in ummad kasta ay horumar ku gaari karto oo keliya markii ay awoodooda isugu saarto adeegsiga luqaddeeda iyo dhaqankeeda, Xasan Sheekh ayaa hadalkan ka sheegay munaasabadda sanad guuradii 43-aad ee ka soo wareegtay markii la dhaqan geliyey qorista Af-soomaaliga oo lagu qabtay xarunta akadeemiyada cilmiga, dhaqanka, suugaanta iyo fanka Somaliyeed ee Muqdisho.
"Qorista afka Soomaaliga wuxuu ka mid yahay guulaha ay dadka Soomaaliyeed ku faani karaan, go'aanka lagu hirgeliyey qorista afkeena 43 sano ka hor waxaa ku jirta fikir ah in marka la helo nidaam iyo kala dambeyn wax walba iyo horumar kasta la gaari karo, waan ognahay in muddo dheer ay socdeen dedaalo la doonayey in lagu qoro afka Soomaaliga, laakiin sanadkii 1973-dii uu noqday sanadkii dowladdii Kacaanka hirgelisey riyadaas ay mudada dheer qabeen shacabkeena waana ku amaaneynaa, waxaa dhammaanteen waajib inaga saaranyahay inaan xoogga saarno xoojinta Af Soomaaliga, aana ku faanno hiddaha & dhaqanka qaniga ah ee aanu leennahay" ayuu yiri Xasan Sheekh.
Sidoo kale madaxweynaha Somaaliya ayaa intaas ku daray in dowladda Somaaliya oo la kaashaneysa hay'adaha kala duwan ee jira ay diyaar u tahay in afka Soomaaliga la xoojiyo, iyadoo si gaar ah loo tix-gelinayo muhimada afka uu u leeyahay dalka iyo siduu wax uga tari karo horumarka iyo adkeynta midnimada.
Madaxweynaha wuxuuu bogaadiyey tallaabadii dhawaan uu qaaday maamulka Gobolka Banaadir ee aheyd in dhammaan boorarka goobaha ganacsiga Muqdisho suran lagu qoro Afka Soomaaliga, isagoo dhanka kalena xusuusiyey shacabka inay xil weyn iska saaraan ilaalinta iyo kobcinta afkooda, maadaama hay'adda Q/Midoobay u qaabilsan culuunta, dhaqanka iyo sayniska ee UNESCO ay sheegtay inuu afka Soomaaligu ka mid yahay afafka khatarta ugu jira inay ka dabar go'aan dunida.
Madaxweyne Xasan ayaa ku amray dhamaan hay'adaha ka howl-gala dalka sharciyada ay ku shaqeynayaan lagu qoro afka Soomaaliga, wuxuuna ugu baaqay Qurba-joogta Soomaaliyeed ugu baaqay inay ka shaqeeyaan sidii ay u bari lahaayeen carruurtooda afka Hooyo, Hiddaha iyo Dhaqanka Soomaaliyeed, wuxuu dhanka kale madaxweynaha Somalia uu ammaanay ammaanay doorka wanaagsan ee uu kobcinta Af Soomaaliga ka qaatay Madaxweynaha Jabuuti, Ismaaciil Cumar Geelle.

from NEWS AND ENTERTAINMENT http://ift.tt/1ZICUda
via IFTTT

Dowladda Kenya oo shegtay in duqeyn ay ku dileen taliyihii Al-shabaab ee hogaaminayey weerarkii Ceel-cadde

Taliyaha ciidamada Kenya Jen. Samson Mwathethe oo shir jaraa'id ku qabtay Nairobi ayaa sheegay in duqeyn ay gudaha Somaaliya ka geysteen ku dileen taliyihii hogaaminayey ciidamada Al-shabaab ee Weeraray Saldhigga Ceel-cadde ee gobolka Gedo Jen. Mwathethe ayaa sheegay in Macalin Janoow oo horkacayay ciidamada Al-shabaab iyo saraakiil kale ay ku dileen duqeyn cirka ah; ayna sidoo kale dileen tiro kale oo ka mid ah xoogagga Al-shabaab.
Sidoo kale taliyaha oo ka hadlayey weerarkii lagu qaaday saldhigga cidamadoodu ay ku sugnaayeen gobolka Gedo ayaa xusay inuu ahaa qarixii ugu horeeyay mid ka weyn sedex jibaar qaraxyadii lagu weeraray safaaradda Maraykanka ee Nairobi sanadkii 1988-kii.
Taliyaha ayaa wuxuu xusay inay adag tahay in lagu ogaado barista DNA-da meydadka dadka ku dhintay qaraxyada. Isagoo xusay inay weli la' yihiin askar badan oo ka tirsan ciidankooda, isagoo diiday inuu sheego tirada ciidamada kaga dhintay weerarkaas.
Ma jiraan warar ka madax-bannaan Kenya oo xaqiijinaya geerida taliyihii hoggaaminayay weerarkii lagu qaaday saldhigga Ceel-cadde ee gobolka Gedo, kaasoo ahaa kii ugu xumaa eee lagu qaado ciidanka Kenya tan iyo 2011-kii markaasoo ay soo galeen Somaaliya.

from NEWS AND ENTERTAINMENT http://ift.tt/1TeQC83
via IFTTT

Xildhibaan ka tirsanaa baarlamaanka Galmudug oo ku dhintay weerarkii Liido iyo madaxda maamulkaasi oo ka hadlay

Weerarkii habeen hore lagu qaaday Baararka Beach View iyo Liido Sea Food ee ku yaala Xeebta Liido ee Magaalada Muqdisho ayaa dadkii ku dhitay waxaa kamid ahaa Xildhibaan katirsanaa Baarlamaanka Maamulka Galmudug, Bille Maxamuud Diiriye oo ka mid ahaa xildhibaanada Baarlamaanka Maamulka Galmudug ayaa la xaqiijiyay in uu kamid noqday dadkii tirada badnaa ee ku dhintay Weerarkii Al-Shabaab habeen hore ku qaadeen xeebta Liido.
Madxweynaha maamulka Galmudug C/kariin Xuseen guuleed iyo Gudoomiyaha Baarlamaanka Maamulka Galmudug Cali Gacal Casir ayaa si kulul u canbaareeyay weerarkii habeen hore ka dhacay Xeebta Liido, iyagoo xaqiijiyey in hal Xildhibaan oo ka tisran baarlamaanka Galmudug uu weerarkaasi ku geeriyooday waxayna tacsi u direen ummadda Soomaaliyeed gaar ahaan xildhibaankaasi iyo dadkii kale ee ay eheladoodu ku dhinteen Weerarkii habeen hore ka dhacay xeebta Liido.
Weerarkii habeen hore lagu qaaday Baarar kuyaala xeebta Liido ee Magaalada Muqdisho ayaa waxaa ku dhintay dad ku dhaw 30-qof ,waxaana ku dhaawacmay tiro intaasi ka badan,kuwaas oo dhaawacyadooda la kala dhigay cusbitaalada Muqdisho.

from NEWS AND ENTERTAINMENT http://ift.tt/1TeQDsC
via IFTTT

Warar kala duwan oo ka soo baxaya safar uu dalka Ciraaq ku tagay guddoomiyaha Baarlamanka Soomaaliya iyo wafdi uu hogaminayo

Guddoomiyaha Baarlamaanka Soomaaliya, Maxamed Sheekh Cusmaan (Jawaari) iyo wafdi uu hoggaaminayo ayaa gaaray magaalada Baghdad ee caasimadda dalka Ciraaq; halkaasoo si weyn loogu soo dhaweeyay, wafdiga Jawaari ayaa waxaa kusoo dhaweeyey Garoonka Diyaaradaha ee magaalada Baqdaad Guddoomiyaha Baarlamaanka Ciraaq, Salim Abdallah al-Jabouri, Xildhibaanno ka tirsan baarlamaanka Ciraaq iyo safiirka Soomaaliya ee u fadhiya dalka Ciraaq, Khadija Maxamed Almakhzumi.
Magaalada Baghdad ayaa waxaa horay ugu sugnaa xildhibaanno baarlamaanka Soomaaliya ugu jira Baarlamaanka Wadamada Iskaashiga Islaamka ee PUIC iyo Xog-hayaha guud ee baarlamaanka Somalia, C/kariin Xaaji Cabdi (Buux), iyadoo uu socdo shirarkii guddiyada kuwaasoo lagu diyaarin doono ajandayaasha shirka guddoomiyeyaasha baarlamaanada ee dalalka Iskaashiga Islaamka.
Ugu dambeyn, guddoomiye Jawaari ayaa hadal ka jeedin doona shirka Guddoomiyeyaasha baarlamaannada Wadamada Iskaashiga Islaamka ee PUIC oo Rasmi u bilaaban doona 24-ka bishan oo ku began Axadda beri ah.

from NEWS AND ENTERTAINMENT http://ift.tt/1TeQANn
via IFTTT

Ex. R/wasaare Raila Odinga: Waa inaan u Midowno sidii aan ula dagaalami laheyn ururka Al-shabaab

Ra'iisul wasaarihii hore ee Kenya ahna hogaamiyaha Isbahaysiga Mucaaradka ah ee CORD, Raila Odniga ayaa ku baaqay in shacabka Kenya ay u midoobaan sidii loola dagaalami lahaa Al-shabaab sid uu yiri, hadalkaan ayuu Raila Odinga sheegay kadib markii isaga, Madaxweynaha Kenya, Uhuru Kenyatta, madaxweyne ku xigeenka William Ruto iyo mas'uuliyiin kale ay booqdeen qaar ka mid ah ciidamadii Kenya ee ku dhaawacmay Weerarkii ay Jimcihii hore Al-shabaab ku qaadday xero ay ku lahaayeen deegaanka Ceel-cadde ee gobolka Gedo.
Mas'uuliyiinta xisbiyada mucaaradka iyo Muxaafadka Dalka Kenya ayaa ugu baaqay guud ahaan shacabka, hoggaamiyeyaasha diimaha iyo siyaasiyiinta inay u midoobaan sidii ay ula dagaallami lahaayeen Al-shabaab oo ay ku tilmaameen cadow xasuuqay ciidamadooda.
"Cadwogeenna waa inaan si wanaagsan u fahannaa. Waana inaan u is-taagnaa si midnimo Qaran ah. Taasoo aan lahayn Xisbiga Talada haya, Mucaarad, Muslimiin iyo Masxiiiyiin, waana inaan noqonnaa Keenyaan isku duuban" ayuu Kenyatta ka yiri goobta.
Uhuru Kenyatta oo sii hadlayay ayaa wuxuu intaas ku daray "Ma noqon doonno fulayaal, waanan la dagaalamaynaa Al-shabaab, waanan ka guuleysan doonnaa", sidoo R/wasarihii hore ee Kenya, Raila Odinga ayaa sheegay in xilligan ay tahay in shacabka Kenya oo dhan ay midoobaan ayna ka hortagaan falalka cadowtooyada ku dhisan ee Al-shabaab sid uu yiri.
"Xaaladdu marka ay sidan oo kale tahay waa inaan Keenyaan ahaan u is-taagno, mana jirto wax la yiraahdo xukuumad iyo mucaarad, waa in aanu is-taagno sidii innagoo ah Shacab Keenyaan ah" ayuu hadalkiisa ku daray Raila Odinga.
Madaxweyne ku xigeenka Kenya, William Ruto ayaa isagana tilmaamay ciidamadii Kenya ee lagu laayay saldhigooda Soomaaliya iyo kuwii lagu dhaawacay in ay ahaayeen geesiyaal ka shaqeynayay nabadda.
Dhanka kale taliyaha guud ee ciidamada Kenya Samson Mwathethe ayaa yiri "Waxaan Shacabka Kenya oo dhan u Xaqiijinayaa in Dhiiggii daatay ee ciidamadeenna uusan noqon doonin mid minco la'aan ah. Al-shabaab waxaan ku beegsan doonaa meel Walba oo ay ku dhuumanayaan, waana ka aar-ugudanaynaa dhiiggii ay ciidamadeena ka daadiyeen".

from NEWS AND ENTERTAINMENT http://ift.tt/1TeQAgp
via IFTTT

Wafdiyo ay kala hogaaminayaan Ra’isul wasaarayaasha Jabuuti iyo Soomaaliya oo maanta safar ku tagaya magaalada B/weyne

Wararka ka imaanaya magaalada B/weyne ee xarunta gobolka hiiraan ayaa sheegaya in maanta oo khamiis ah lagu wado inay magaaladaasi gaaraan Ra,iisulwasaarayaasha dalalka Jabuuti iyo soomaaliya iyo wafdiyo ay kala hoggaaminayaan
Sida warku sheegayo socdaalka labada ra,iisulwasaare ayaa ujeedadoodu tahay inay qaybgalaan xaflad sagootin ah oo loo qabanayo ciidamada iyo saraakiisha dalka jabuuti ee qeybta ka ahaa Howlgalka AMISOM kuwaas oo dhameystay mudadii ay ka howlgalayeen dalka soomaaliya,iyadoo ciidamadii badelilahaa ay dalka soo gaareen.
Sidoo kale labada ra,iisulwasaare ayaa kulamo kala duwan la yeelanaya saraakiisha kala duwan ee hoggaamisa ciidamada AMISOM ee ku sugan gobolka hiiraan,kuwaas oo ay kala hadlayaan howladda Ciidamada AMISOM.
Warku wuxuu intaasi ku darayaa in aad loo adkeeyey ammaanka Magaalada B/weyne,halkaasi oo lagu wado inay maanta gaaraan wufuudaasi ka kala socota labada dal,iyadoo dhinca kale lagu wado in wufuudda labada labada dhinac ay ka wadahadlaan arrimaha labada dal iyo xaaladihii ugu dambeeyey.
Socdaalka Ra,iisulwasaaraha dalka Jabuuti ayaa haddii uu tago B/weyne sida la qorsheeyey waxa ay ku soo aadeysaa iydoo wasiirka arrimaha dibadda itoobiya oo baydhabo u tagay doraad ka qeybgalka caleema saarka guddoonka cusub ee baarlamanka maamulka K/galbeed uu booqasho ku tagay xeryaha ciidamada Itoobiya ee ku yaalla Magaalada baydhabo,isagoo kulamo kala duwan kula yeeshay halkaasi saraakiisha hoggaamisa Ciidamada itoobiya ee qeybta ka ah AMISOM

from NEWS AND ENTERTAINMENT http://ift.tt/1OyhzQK
via IFTTT

Qaramada Midoobay oo digniin u jeedisay dadka Soomaaliyeed, kana dalbatay inaysan…

Hay'ada qaxootiga Qaramada Midoobay ee marka magaceeda la soo gaabiyo loo yaqaano UNHCR ayaa ka digtay khatarta in badda ay maraan Soomaali badan oo dooneysa inay dib ugu noqdan dalka Yemen, kuwaas oo ay sheegtay inay nafsadooda qatar geliyaan.
Afhayeenka hay'addaasi Andirian Edwards ayaa sheegay in 36-qof ay ku dhinteen marin biyeedka horaantii sanadkaan waa marin biyeedkii ay sanadii tagtay ay ka gudbeen 92-kun oo Soomaliya iyo Ethiopian iskugu jira oo tagay Yemen.
Afhayeenka waxa uu hadalkiisa intaa ku daray in tirada Soomalida iyo kuwa Ethiopian ee Muhajirinta ay si kordheen ayna ku abuureyso walaac xoogan, mas'uulkaan ayaa xukuumadaha Soomaaliya iyo Ethiopia ku booriyay in ay ka hor istaagan kooxaha wax tahriibiya sii wadista dhaq dhaqaaqyadooda dadka ku tahriibinayaan.

from NEWS AND ENTERTAINMENT http://ift.tt/1Oyhzju
via IFTTT

Guddoomiyaha Gedo: Shacabka Gedo ciidamadii lumay ee Kenya ayey badbaadiyeen, balse duqeyn ayaa loogu bedelay

Gudoomiyaha Maamulka Gobolka Gedo, Axmed Buule Maxamed, ayaa waxaa uu shalay shaaca ka qaaday in shacabka reer Gedo, ay soo badbaadiyeen 33 ka mid ah Ciidanka Kenya, ka dib markii ay ku firxadeen weerarkii Degmada Ceelcadde, guddoomiyaha, ayaa marka hore sheegay inay ka xun yihiin dhibaatada ay diyaaradaha Kenya ku hayaan shacabka ku dhaqan deegaanada hoos-tagga Degmada Ceelcadde.
"Waxaan ka xunahay Dowladda Kenya inay kala garan weydo cidda ay la dagaalameyso. Cidda ay la dagaalameyso waa Al-shabaab, meesha ay duqeymaha ka wado ee Gobolka Gedo waxaa degan dad shacab ah" ayuu yiri Gudoomiyaha.
Gudoomiyaha, ayaa yiri "Shacabka dhibaatada la gaarsiinaayana waa shacabkii la shaqeeyay Ciidanka Kenya oo badbaadiyay 33 askari oo Kenyan ah. Waxay tuseen wadooyinkii ay mari lahaayeen, biyihii ay cabi lahaayeen ayay siiyeen, illaa dalkooda Kenya ay ka galaan, dad Somaliyeed oo shacab ah ayaa u gurmaday".
Axmed Buule Maxamed, ayaa Dowladda Kenya ugu yeeray inay joojiso waxyeelada ay ku hayso shacabka, ayna ka xun yihiin in la dhibaateeyo dadkii la shaqeeyay Ciidanka Kenya, "Marka Kenya inay dhibaatayso shacabkii la shaqaynaayay aad ayaan uga xunahay, haddii aan nahay masuuliyiintii Gobolka, Kenya waxaan ugu baaqaynaa inay joojiso duqeymaha ka dhanka ah rayidka" ayuu yiri Axmed Buule Maxamed.
Gudoomiye Buule ayaa waxaa uu shalay hadalkan ka sheegay xarunta gobolka Gedo ee Magaalada Garbahaarey oo lagu qabtay kulan looga hadlayey duqeymaha ay Kenya ka wado gobolkaasi.

from NEWS AND ENTERTAINMENT http://ift.tt/1nzr7Ca
via IFTTT

C/weli Gaas: Puntland marnaba ma ogolaan doonto in wax lagu qeybsado nidaamka 4.5, dadka ku dheganna way…

Madaxweynaha Puntland oo waraysi siiyey idaacadda VOA ayaa mar kale ku celiyey in aan shirkii Kismaayo bur-burin ee hadalku meel wanaagsan gaarey dhamaystirna rabo, isaga oo soo xiganaya hadalkii Raysalwasaaraha Soomaaliya Sharmaarke.
Madaxweynaha Puntland oo si toos ah loo weydiiyey in Puntland ay ka soo debecdey ama ka tanaasushey Aqalka hoose in deegaan lagu soo xulo isla markaana ogolaadey 4.5, laakiin lagu kala kacay qaabka loo soo xulayo Xildhibaanada Aqalka sare, ayaa ku tilmaamey mid aan jirin oo aysan Puntland marna ka tanaasulin in deegaan lagu soo xulo Xildhibaanada.
Madaxweynaha ayaa la weydiiyey inay jireen wax uu ka tanaasuley, waxa uu ku jawaabey waxaan haysanaa Mandate aan gor-gortan ku galno oo ay na siiyeen shacabka Puntland, wuxuu meesha ka saaray in go'aamada qaar la isaga kacaayo ama la isaga tanaasualayo.
Kadib shirkii natiijo la'aanta ee Kismaayo ayaa warar ka soo baxay sheegeen in Puntland iyo Jubaland ay ogolaadeen in Aqalka hoose lagu soo xulo 4.5 iyo deegaan isku dhafan halka Aqalka sare lagu soo xulo 18-kii gobol ee Soomaaliya ay lahayd ka hor 1991, kaas oo dastuurkuna qabo.
Madaxweynaha Puntland ayaa sheegay in aysan jirin weli goor iyo goob sax ah oo dib loogu ballamey, isla markaana aysan weli helin wax marti qaad ah, laakiin ay maqleen in shir labaad la isugu imaanayo oo ay tegayaan iyaga oo ilaalinaya maslaxadda umadda Soomaaliyeed.

from NEWS AND ENTERTAINMENT http://ift.tt/1OyhvjS
via IFTTT

Taliyii ciidamadii Kenya ee Ceel-cadde oo gacanta u galay dagaalyahanada Al-shabaab. Lana weysanyahay meel ay la aadeen

Taliyihii madaxda ka ahaa ciidamadii Kenya ee lagu weeraray Jicihii hore deegaanka ceel cadde ayaa la sheegayaa in nolol iyo geeri aan midna lagu heynin ilaa hadda sidaasina waxaa sheegay qaar ka mid ah askartii ciidamada Kenya ee weerarkaasi ka badbaaday.
Taliyaha oo aan ilaa hadda la ogeyn inuu dhintay iyo in kale ayay warar kale sheegayaan inuu kamid yahay ciidamo iyo saraakiil gacanta u galay xarakada Al-shabaab oo weerarkaasi iyadu ku qaaday ciidamadii Kenya ee saldhiggaasi ku sugnaa.
Saraakiisha Al-shabaab ayaa horey u sheegay inay nolol ku hayaan 12 askari oo isugu jira saraakiil iyo ciidamo caadi ah kuwaas oo ka tirsanaa ciidamada dalka Kenya,kuwaas oo ay ku qabteen weerarkii ay jimcihii la soo dhaafay ku qaateen saldhigii ciidamada Kenya ee deegaanka Ceel-cadda,inkastoo aysan si cad u sheegin in iyagu ay gacanta ku hayaan taliyihii ciidamada Kenya ee saldhigga Ceel cadde.
Dhinaca kale waxaa weli gaaraya gudaha dalka Kenya qaar kamid ah askartii firxatay ee ka carartay dagaalkii Ceel cadde,waxaana dhowr askari oo kamid ahaa ahaa askartaasi ay shalay gaareen deegaano hoostaga degmada Ceel waaq ee gobolka gedo halkaasi oo ay xaduudka uga gudbeen dhinaca dalka kenya,mana jirto ilaa hadda cid si rasmi ah u xaqiijin karta taliyahaasi maqani halka uu jiro iyadoo dowladda Kenya aysan weli arrintaasi ka hadlin.

from NEWS AND ENTERTAINMENT http://ift.tt/1Oyhwo3
via IFTTT

Madaxweynaha Galmudug: Ciddii rabta inay kuraas badan hesho ama leh dadkeyga ayaa badan ha sugato waqtiga la istirinayo ee…

Madaxweynaha maamulka Galmudug oo shalay dib ugu laabtay xurunta KMG ah ee Maamulka Galmudug ayaa sheegay in looga hadlayo nooca doorashada ee soomaaliya ka qabsoomaya marka la gaaro dhamaadka sanadkan gaar ahaan qabka loo soo dooranayo xildhibaanada labada aqal ee la qorsheeyey inuu dalku yeesho ayaa sheegay in shirkaasi dib loo bilaabi doono dhawaan, isla markaasna ay weli jirto kala aragtidi duwanaan ka dhaxaysa madaxda soomalida ee qeybgaleysa shirkaasi balse uu ku rajo weyn yahay in go,aan mida ah la gaari doono.
C/kariin Xuseen Guuleed waxa uu sheegay in isaga iyo xubno kale ay qabaan in habkii soomaalida horey wax loogu qeybiyey ee 4.5 lagu soo xulo xildhibaanad labada gole habkasi oo ahaa mid ay soomaalidu kawada dhexmuuqatay golayaasha dowladda loona baahan yahay in dadka soomaaliyeed la isku wado.
Mar uu ka hadlayey xubnaha ka mid ah madaxda soomalida ee qaba in deegaan iyo degmo lagu qeybsado xildhibaanada labada gole ayuu sheegay inay kula talinayaan xubnahaasi inay sugtaan waqtigeeda iyo markii la gaaro doorasho qof iyo cod ah,wuxuuna isagoo arrintaasi ka sii hadlaya uu yiri "ciddii rabta inay kuraas badan hesho ama leh dadkeyga ayaa badan ha sugato waqtiga la istirinayo ee dalka laga qabanayo doorasho qof iyo cod ah,inta ka horeysana waxaan qabnaa in arrintaasi nidaamka hadda wax loo qeybsado ee 4.5 loo daayo"ayuu yiri C/kariin guuleed oo dhinaca kale sheegay in kulamo kale la isugu imaan doono dhawaan,inkastoo aanu sheegin waqtiga ay kulamadaasi dhacayaan.
Madaxda soomaalida ayaa dhawaan kulan socday 5 maalmood waxa ay ku yeesheen magaalada kismaayo,kaas oo aan wax natiijo ahi ka soo bixin kadib markii xubnihii ka qeybgelayay ay ku kala aragti duwanaadeen habka loo dooranayo xildhibaanada labada gole ee dowladda soo socota.

from NEWS AND ENTERTAINMENT http://ift.tt/1WwqHsa
via IFTTT

Dowladda Kenya oo sheegtay inay baareyso in Daacish ay ku lug laheyd weerarkii Ceel-cadde

Saraakiisha milatariga Kenya ayaa wada baaritaano ku aadan in kooxda la magacbaxday khilaafada Islaamka ee ka dagaalanta dalalka Ciraaq iyo Suuriya ay gacan ku laheyd weerarkii Jimcihii la soo dhaafay lagu qaaday saldhigga ay ciidanka Kenya ee AMISOM ka tirsan ay ku lahaayeen deegaanka Ceel-cadde ee gobolka Gedo.
Taliyaha guud ee ciidamada booliska Kenya Joseph Boinet ayaa bishii December ee 2015-kii shaaciyay in Al-shabaab ay laba garab u kala jabtay kuwaasoo midkood uu daacad u yahay kooxda ISIS halka kooxda kalena ay gacan saar la leeyahay shabakadda Al-qaacida, sidoo kale ilo madax bannaan oo soo xigtay milateriga Kenya ayaa sheegay in weerarkii Ceel-cadde loo fuliyay habka ay xoogaga ISIL, weerarada uga fuliyaan wadamada Ciraaq, Suuriya iyo waddamo kale.
Waxaa socda baaritaano ay millateriga Kenya ku sameynayaan lugtii ay ku laheyd Daacish weerarkii lagu laayey askar ka tirsan ciidamada Kenya, kuwo kalena ay ku dhaawacmeen, waxaana dhanka kale socda waxaa socda howlagallo lagu samata-bixinayo ciidankii ay weerarkaas kaasoo gaareen dhiashada iyo dhaawaca, kaasoo ay mas'uuliyadiisa sheegatay Al-shabaab; iyadoo qeyb ka mid ah askarta la dilay iyo kuwii la dhaawacay la geeyay magaalada Nairobi.
Diyaaradaha dagaalka dalka Kenya ayaa duqeymo la beegsaday deegaano ay dad shacab ah ku nool yihiim, gaar ahaan deegaano Ceel-cadde aan ka fogeyn, taas oo daba socotay hanjabaadii ay millateriga Kenya ku sheegeen in Al-shabaab ay ka aarugudi doonaan ciidamadii looga dilay weerarkii saldhigga Ceel-cadde.

from NEWS AND ENTERTAINMENT http://ift.tt/1T3oTXH
via IFTTT

Madaxda dowladda Soomaaliya oo wejigabax kala kulmay beesha Caalamka, loona sheegay inaan waqti korarsi loo sameyn doonin

Beesha caalamka ayaa sheegtay inay ka fileyso hogaamiyayaasha Soomaaliya inay si degdeg ah ugu soo gudbiyaan go'aan ku saabsan hab doorasho oo la isku raacsanyahay oo ay Soomaaliya qaadaneyso, isla markaana dowladda aan waqtiga loo kordhin doonin.
Bayaan laga daabacay website-ka xafiiska Q/Midoobay ee Soomaaliya UNSOM ayaa lagu sheegay in kulan ay madaxweyne Xasan Sheekh, Ra'isul wasaare Cumar C/rashiid iyo Guddoomiye Jawaari la yeesheen wakiilo ka socday Q/Midoobay, IGAD, Midwoga Yurub, Mareykanka, UK, Sweden iyo Italy ay hoosta kaga xariiqeen rajadooda ah in hogaamiyayaasha Soomaaliya ay maalmaha soo socda soo gudbiyaan hanaan doorahso oo la isku raacsan yahay.
Waxay sidoo kale sheegeen inay ka filayaan qorshe fulineed iyo qariidad siyaasadeed oo Soomaaliya loo dejiyo 2016 illaa 2020, taasi oo ah waxa ay hogaamiyayaasha Soomaalida isku raaceen intii uu socday kulankii madasha wadatashiga qaran ee 16-kii December ka dhacay Muqdisho, beesha caalamka waxa ay sheegtay inay soo dhoweeneyso wada-hadalladii Kismaayo iyo farqiga u dhaxeeya madaxda Soomaalida ee sii yaraanaya, marka ay timaado habka doorashada ee 2016.
"Waxay aheyd arrin wanaagsan in hogaamiyayaasha Soomaaliya ay dhowr maalmood ku bixiyeen ka hadalka habka ugu wanaagsan uguna haboon ee doorashada Soomaaliya ee sanadkan" ayaa lagu yiri qoraalka xafiiska Qaramada Midoobay ka soo baxay, sidoo kale beesha calamaka waxay sheegtay in inkastoo ay ka niyad jabsan tahay inaan wax heshiis ah lagu gaarin Kismaayo, haddana ay soo dhaweyneyso in horumar laga sameeyey wada-hadalada.
Kulankii wakiilada caalamka ay la yeesheen hogaamiyayaasha dowladda federaalka Soomaaliya, waxa ay hoosta kaga xariiqeen inuusan jiri dooonin wax waqti ah oo loo kordhinayo hay'adaha dowladda ee iminka jira, sida golaha sharci dejinta iyo golaha fulinta, beesha caalamka, waxa ay ugu baaqday madaxda Soomaalida inay danta qaranka wax walba ka hormariyaan.

from NEWS AND ENTERTAINMENT http://ift.tt/1Qdtfca
via IFTTT

Uhuru Kenyatta: Shacabka Kenya ha u diyaar garoobaan dagaal ka dhan ah Al-shabaab, waayo waxaan…

Madaxweynaha Kenya Uhuru Kenyatta oo khudbad u jeediyay shacabkiisa, ayaa ka hadlay xaalada weerarkii Al-shabab ku qaaday ciidamada dalkiisa ee ku sugnaa xerada ku taala degaanka Ceelcade ee Gobolka Gedo oo qasaare baaxad leh ka soo gaaray ciidamada dalkiisa.
Kenyatta ayaa ciidamadiisa ku amaanay geesinimo ay muujiyeen kadib weerarkii al-shabaab ku qaaday sida uu yiri, wuxuuna intaas ku daray in ciidamada Kenya ay Soomaaliya u joogaan inay difaacaan qaranka Kenya iyo dowladda.
"Geesiyadeena dhintay waxaa lagu soo celinayaa dalka, kuwa dhaawaca ah waxay ku jiraan baxnaano, waxaan nahay qaran is heysta oo xoog badan, mana na cabsi gelin karaan Al-shabaab" ayuu yiri Madaxweynaha Kenya, wuxuuna xusay madaxweynaha Kenya in xilliga uu hadlayo in ciidamada Kenya ay wadaan howlgallo balaaran oo isugu jira badbaadin, baadigoob iyo dagaal… wuxuu ku goodiyey in Alshabaab laga qaadi doono tallaabo adag oo ay ka shalayn doonaan dembiyadii ay geysteen sida uu yiri
"Ciidamadeena dhiigga ka daatay kuma bixin meel eber ah, sanado badan waxaan taageereynay dadka iyo dowladda Soomaaliya si loo jebiyo Alshabaab" ayuu yiri Uhuru Kenyatta, wuxuu Alshabaab ku sheegay inay yihiin caddowga nabadda iyo dimoqraadiyadda ay u dagaalameen, wuxuuna ku dhaartay inay sii wadi doonaan dagaalka ay kula jiraan Alshabaab ilaa inta laga burburiyo sida uu yiri.
Al-shabaab oo sheegay inay ciidamada Kenya kaga dileen weerarkii Ceel Cadde in ka badan100 askari,kuwo kalena sheegay inay nolosha ku hayaan ayaan weli ka hadlin hadalka ka soo baxay madaxweynaha dalka Kenya oo ku hanjabay inuu tallaabo adag ka qaadi doono Al-shabaab.

from NEWS AND ENTERTAINMENT http://ift.tt/1T3oQLq
via IFTTT

Qaar ka mid ah beelaha Hiiraan iyo Sh/dhexe oo ka horyimid qaabka loo qeybiyey odayaasha soo xulaya ergada

Qaar ka mid ah beelaha dega gobolada Sh/dhexe iyo Hiiraan ayaa ka biyo diiday qaabka ay u qeybisay Wasaaradda Arrimaha Gudaha oday dhaqameedyada soo xulaya ergada ka qeybgalaysa shirka maamul u sameynta Labada Gobol.
Wasiirka Arrimaha gudaha dowlada federalka Soomaaliya C/maan Maxamed Xuseen Odowaa oo gaaray gelinkii dambe ee doraad magaalada Jowhar oo shirar kala duwan la yeeshay oday dhaqameedyada iyo mas'uuliyiitna maamulka labada gobol ayaa hordhigay qaabka ay u qeybsanayaan beelaha oday dhaqameedyada soo xulaya ergada ka qeybgalaysa shirka.
Kulankii wasiirka arrimaha gudaha iyo wasiirada kale ee ay la yeesheen odayaasha dhaqanka ayaa ku dhamaaday buuq, waxaana dib u dhac ku yimid shir jaraa'id lagu soo bandhigi lahaa habka ay u qeybisay Wasaaradda tirada odayaasha soo xulaya ergada, waxaana taa bedelkeed la qeybiyay qoraalo ay ku qoran yihiin habka beelaha loogu qeybiyay.
Qaar kamid ah beelaha goboladaasi ayaa k horyimid qaabka loo qeybiyey odayaasha la doonayo inay soo xulaan ergada shirka waxayna sheegeen inay tahay caddaaladdarro aan la aqbali karin,iyagoo ku hanjabeen inay shirkaasi isaga baxayaan gabi ahaantiis haddii aan la sixin qaabka wax loogu qeybiyey beelaha dega labada gobol sida ay yiraahdeen
Hadaba waxaa halkan idinku soo gudbinaynaa shax tilmameysa sida beelaha labada gobol loogu qeybiyay xubnaha Odayaasha ee soo xulaya ergooyinka: Abgaal 15 xubin, Xawaadle 11xubin, Gaaljecel 6 xubin, Gugundhabe 6 xubin, Jareerweyne 6 xubin, Habargidir 5 xubin, Udeejeen 2 xubin, Moobleen 2 xubin, Dir 2 xubin, Shiikhaal 2 xubin, Reer Owxasan 2 xubin, Hilibi 2 xubin, Yaxar 2 xubin iyo Carab 1 Xubin

from NEWS AND ENTERTAINMENT http://ift.tt/1QdtbsS
via IFTTT

Wasiirka arrimaha dibadda Itoobiya oo sheegay in Kenya uga aargudi doonaan weerarkii Al-shabaab

Wasiirka Arrimaha Dibadda Itoobiya Dr, Tedros Adhanom oo shalay ka qeyb galay munaasabadii caleema-saarkii Guddoomiyaha Baarlamaanka Koofur Galbeed ee ka dhacday Baydhabo ayaa sheegay in Kenya ay uga aar-gudi doonaan Al-Shabaab sida uu sheegay.
Tedros Adhanom ayaa sheegay in Dowladda Itoobiya ay diyaar u tahay in ay Al-Shabaab Jab gaarsiiso si ay ugu aar-gudo Ciidamada Kenya, waxaana uu xusay in xilligan Al-Shabaab la wiiqay, ayna sii wadi doonaan dagaalka ka dhanka ah.
Waxa uu sheegay in Ciidamada Soomaaliya ka taageerayaan, sidii Al-Shabaab looga saari lahaa meelaha ay ka sugan yihiin dalla soomaaliya,wuxuuna intaasi ku daray in mar walba ay diyaar u yihiin in dowladda soomaaliya ay taageeraan, isagoo xusay in ammaanka deegaanada Koofur Galbeed uu muhiim u ahaa Itoobiya sida uu yiri.
Al-Shabaab ayaa jimcihii la soo dhaafay weerar culus ku qaaday deegaanka Ceel-Cadde oo saldhig u ah Ciidamada Kenya, halkaas oo lagu dilay askar ka badan 100-askari, waxaana uu ahaa khasaarihii ugu ballaarnaa ee soo gaara Ciidamada Kenya tan iyo markii ay soo galeen Soomaaliya sanadkii 2011.

from NEWS AND ENTERTAINMENT http://ift.tt/1QdtcNr
via IFTTT

Madaxda Soomaalida oo dhaawan shir kale isugu imaanaya iyo dowladda Soomaaliya oo sheegtay inay martigelineyso shirkaasi

Warar ku dhow dhow madaxda soomaaliya ee dhawaan shirkii ay ku yeesheen kismaayo ku soo kala tagay ayaa sheegaya in mar kale ay shir ka yeelanayaan sidii ay u qaadan lahaayeen mowqif mideysan oo ku saabsan qaabka loo dooranayo Xildhibaanada labada gole ee dowladda soo socota taas oo ay hadda ku kala aragti duwan yihiin madaxda soomaalida gaar ahaan maamulada iyo madaxda dowladda sare intaba, iyadoo qaar kamid ah madaxda maamulada dalka ka jiraahi ay doonayaan in qaab deegaan ama degmo lagu soo xulo aqalka hoose ee baarlamaanka ,aqalaka sarena lagu saleeyo xubnaha ka mid noqonaya 18 gobol ee dalka ,halka maamulada ee arrintaasi diidani ay iyagu doonayaan in xildhibanada labada aqalba lagu soo xulo nidaamka 4.5 ee soomaalidu wax ku qeybsaneysay 16 sano ee la soo dhaafay.
Sida warku sheegayo madaxda soomaalida ayaa lagu wadaa inay kulan isugu yimaadan magaalada muqdisho kulan kale inta aysan dhamaanin bishan hadda lagu jiro oo hadda mareysa 20 maalmood inkastoo aysan jirin waqti go'an oo la xaqiijiyey inuu shirkaasi furmayo.
Dhinaca kale madaxweynaha Soomaaliya Xasan Shiiikh ayaa shalay magaalada baydhabo oo uu uga qeybgalay caleemasaarka guddoonka sare ee baarlamaanka maamulka G/galbeed waxa uu ka sheegay in aan la dhihi karin shirkii kismaayo laguma heshiin,isagoo yiri shirkaasi waa la isku afgartay,maamalaha soo socda ayaadna ogaandoontaan go,aamada ka soo baxa ,inkastoo waqtiga ay madaxda soomaalidu shirka isugu imaanayso haddana waxa uu sheegay dhowrka beri ee soo socda la arki doono go,aanada ka soo baxa madaxda Soomaalida.
Wadahadalkii magaalada Kismayo ayaa waxaan kasoo bixin hadal rasmiya oo qeexaya khilaafka lagu kala tagey inkastoo qaar ka tirsan madaxda maamulada Somalia markii ay ku noqdeen degaanadooda ay rajo wanaagsan ka muujiyeen inuu guul ku dhamaandoono
Madaxweynaha maamulka putlanad Cabdiweli Maxamad Cali Gaas oo hadal ka jeediyey garoonka diyaaradaha magaalada Bosaso kadib markii uu ka laabtay kismaayo ayaa waxa uu sheegay in aan la dhihikarin shirkaasi waa fashilmay, halka Ra'isul wasaaraha oo qoraal soo saaray shirka dib uu sheegay in shirkaasi intiisa badan la isku afgartay,laakiinse ay jiraan waxyaabo yar yar oo farsamo ahaan aan weli la isla meel dhigin,islamarkaasna ay dhaawan dowladda dhexe martigelineyso shir ay isugu imaan doonaan dhinacyadii ka qeybgalay shirkii kismaayo inkastoo aanu isna waqti sheegin.

from NEWS AND ENTERTAINMENT http://ift.tt/1T3oK6u
via IFTTT

Ra’isul wasaaraha Itoobiya oo sheegay in ciidankooda ay joogayaan Soomaaliya

Ra'isul wasaaraha Itoobiya Hayla Maryam Desalin ayaa sheegay in dalkiisa uu sii wadi doono taagerada ay siinayaaan Xukuumadda Soomaaliya oo la dagaalameysa Xarakada Al-shabaab, Desalin ayaa hadalkan ka dhawaajiyey kadib kulan uu la qaatay Madaxa guddiga xiriirka arrimaha dibadda ee golaha sanadka Mareykanka Id Rowis.
Wakaaladda wararka Itoobiya ayaa soo xiganeysa hadalka Ra'iisul wasaraha oo tilmaamay marnaba inay hakin doonin dagaalka Al-shabab, mas'uulka Mareykanka ayaa dhinaciisa ku amaanay Ethiopia taagerada ay siineyso xukuumada Somaliya, Itoobiya ayaa ciidamadeedi waxa ay kamid yihiin kuwa AMISOM ee nabad ilaalinta u jooga dalka Soomaaliya.

from NEWS AND ENTERTAINMENT http://ift.tt/1JeqJTx
via IFTTT

Dowladda Kenya oo sheegtay in 80-askari looga dilay weerarkii Al-shabaab ay ku qaadeen xero ay ku lahaayeen gobolka Gedo

Dowladda Kenya ayaa shaacisay markii ugu horreysay in 80-askari oo ka tirsan ciidamadooda ay ku waxyeeloobeen weerarkii ay Al-shabaab ku qaaday Jimcihii la soo dhaafay saldhigga ciidamada Kenya ee Ceel-cadde oo ka tirsan gobolka Gedo, waxayna sheegtay in 80 ay isugu jiraan dhimasho iyo dhaawac intaba.
Inta badan ciidankan ayaa la sheegay inay weli maqan yihiin, kuwaas oo aan la ogeyn meel ay jaan-iyo-cirib dhigeen, balse waxaa socda baaritaanno la sheegay in lagu baadi-goobayo oo ay ka qayb-qaadanayaan ciidamada Cirka Kenya, sidoo kale qaar ka mid ah Ciidanka maqan ee Kenya ayaa waxay sheegtay Al-shabaab inay gacanta ku heyso iyagoo nool , kuwaas oo ay sheegtay inay gacanta ku dhigeen intii uu socday weerarkii ay ku qaadeen saldhigga Ceel-cadde ee gobolka Gedo.
Wasiiradda gaashaandhigga Kenya Rachael Omamo oo warbaahinta kula hadashay Nairobi ayaa sheegtay in weerarka saldhigga ciidamadooda ay ku lahaayeen Soomaaliya loo adeegsaday qaraxyo is-miidaamin ah oo aad u khatar badnaa, waxayna tiri "Ciidamada Kenya ee ku waxyeeloobay weerarka waxay ka tirsanaayeen kuwa AMISOM ee Soomaaliya".
Saldhigga AMISOM ee Ceel-cadde ayaa la sheegay inay ku sugnaayeen ciidamo Kenyan ah oo tiradooda lagu sheegay ilaa 250 askari, iyadoo Al-shabaab ay sheegeen inay dileen ku dhawaad 100-askari oo ka mid ahaa, 12 askari oo kalena ay gacanta ku dhigeen iyagoo nool, Recael Omamo ayaa xustay in howlgalka lagu baadi-goobayo ciidamadooda ka maqan uu billowday tan iyo markii weerarku dhacay ilaa iyo haddana uu sii socdo, uuna socon doono illaa lasoo badbaadinayo dhammaan ciidamada ka maqan.
Wasiiradda oo sii hadleysay ayaa xustay in weli xaaladda deegaankii u weerarku ka dhacay ay tahay mid khatar ah, ciidamada maqanna ay ku sugan yihiin xaalad khatar ah oo aan la Qiyaasi karin, iyadoo tiri "Qoysaskii ay askarta waxyeeladu soo gaartay ayaan marka hore u gudbinaynaa warbixin ku aadan khaaaraha sida uu u soo kala gaaray, markaas kadib ayaanan shacabka Kenya u soo gudbin doonnaa".

from NEWS AND ENTERTAINMENT http://ift.tt/1QaIcMb
via IFTTT

Shariif Xasan: Ilaa inta laga gaarayo tirakoob cadaalad ah, dalkana kala dambeyntii lagu soo celinayo waxaa wax lagu qeybsanayaa 4.5

Madaxweynaha mamulka koonfur galbeed Somaliya Sharif xasan sheekh aadan oo shalay dib ugu laabtay magaalad baydhaba, kadib markii uu ka qeybgalay shirkii kismaayo ee fashilka ku dhamaaday ayaa sheegay in wax aaan aheyn nidaamka 4.5 aysan aqbaleynin in dadka soomaaliyeed wax loogu qeybiyo ila inta laga helayo nidaam caddaalad ah oo dalka ka hirgala.
shariif xasan oo garoonka diyaradaha baydhbo kula hadlay war baahinta, ayaa waxa Uu kawar bixyay shirka ka dhacay magaalada kismaayo ,wuxuuna sheegay in ilaa laga gaaro tirakob cadaalad ah oo la is tiriyo, dalkana dhamaantiis nabaddii iyo kala dambeyntii lagu soo celiyo wax lagu qeybsanayo nidaamka 4.5 oo soomaali ku kala badbaadey 16 sano la soo dhaafey, sidaas owgeed marnaba ma aqbalayno wakhtigani in deegaan wax lagu qeybsado.
dhinaca kale madaxweynaha K/galbeed ayaa shalay magaalada baydhabo kaga guddoomay safiirka imaaraadka Carabta gadiid ay dowladda Imaaraadku ugu deeqday maamulka K/galbeed kaas oo isugu jiray noocyo kala duwan.

from NEWS AND ENTERTAINMENT http://ift.tt/1QaIbaT
via IFTTT

Xildhibaano ka tirsan baarlamaanka Kenya oo ku baaqay in ciidamada dalkaas laga soo saaro Soomaaliya

Xildhibaan ka tirsan dalka Kenya oo lagu magacaabo Stephen ayaa ugu baaqay dowladda Kenya in Ciidamadeeda ay kala baxdo gudaha Soomaaliya si loo badbaadiyo Askar cusub oo kaga geeriyoota Soomaaliya, Mr. Stephen ayaa sheegay in dowladda ay ceeb weyn ku tahay inay daawato dhibaatada ay ku sugan yihiin ciidamadeeda Jooga Soomaaliya.
Xildhibaanka ayaa ka hadlay weerarkii ugu dambeeyay xarakada Al-shabaab ay ku qaadeen fariisin Ciidamada Kenya ay ku lahaayeen deegaanka Ceelcade ee Gobolka Gedo halkaas oo lagu dilay inkabadan 60 Askari oo ka tirsanaa Askarta Kenya.
Mr. Stephen ayaa Madaxweynaha Kenya ugu baaqay in uu cashir ka barto dowladda Maraykanka oo horay Soomaaliya ugala baxday Ciidmadeeda oo ka mid ahaa Nabad ilaalinta Qaramada Midoobay.

from NEWS AND ENTERTAINMENT http://ift.tt/1QaIanq
via IFTTT

Madaxweynaha Soomaaliya oo kulankii ugu horeeyay la yeeshay wakiilka cusub ee Qaramada Midoobay u qaabilsan Soomaaliya

Madaxweynaha Soomaaliya, Xasan Sheekh Maxamuud ayaa shalay xarunta madaxtooyada ku qaabilay ergayga cusub ee Xoghayaha Guud ee QM uga wakiilka ah arrimaha Soomaaliya, Michael Keating, Xasan Sheekh ayaa ergayga cusub uga warbixiyay xaalada dalku marayo, wuxuuna si gaar ah diiradda u saaray horumarka laga sameeyay, arrimaha siyaasadda, amniga, iyo dib u dhiska dalka.
Ergayga cusub ee Xoghayaha Guud ee Q/Midoobay Keating oo isagana kulanka hadal ka jeediyay ayaa sheegay inuu ku faraxsan yahay inuu ka hawlgalo Soomaaliya, isagoo intaa ku daray in QM ay sii wadayso taageerada ay u fidiso Soomaaliya, inta uu xilka hayana uu dardar-gelin doono mashaariicdii ay Qaramada Midoobay ka waddey Soomaaliya,waxaana kulanka Madaxweynaha Soomaaliya iyo ergayga Qaramada Midoobay ee arrimaha Soomaaliya, goob-joogayaal ka ahaa mas'uuliyiin ka kala socday dowladda federaalka Soomaaliya iyo Qaramada Midoobay.
Sidoo kale Ergayga cusub ee Xoghayaha Guud ee QM, Keating waxaa uu kulamo gooni gooni ah la yeeshay guddoomiyaha baarlamaanka soomaaliya Prof.maxamed sheikh cusmaan Jawaari iyo ra,iisulwasaaraha xukuumadda Dr.Cumar C/rashiid Cali wuxuuna kala hadlay xalaadda dalka iyo qorshihiisa ku aaddan inuu bilaabayo howlaha qaramada midoobay ee Soomaaliya.
Micheal Keating oo shalay soo gaaray Muqdsho ayaa ah siyaasi u dhashey Britain, wuxuuna beddelay danjire Nichoals Kay oo ahaa wakiilkii hore ee Qaramada Midoobay ee arrimaha Soomaaliya kaas oo ay dhammaatay muddadii uu xilka haynayey.

from NEWS AND ENTERTAINMENT http://ift.tt/1JeqF6j
via IFTTT

C/weli Gaas: Lama oran karo shirki Kismaayo guul darro ayuu ku soo dhamaaday, waayo…

Madaxweynaha Puntland C/weli Maxamed Cali Gaas oo shalay dib ugu laabtay deegaanada uu ka taliyo maamulka puntland gaar ahaan magaalada Boosaaso ayaa shir jaraa'id oo uu ku qabtay halkaasi kaga hadlay shirkii natiijo la'aanta ku soo dhamaaday ee Madaxda Soomaalida ku yeesheen magaalada Kismaayo, C/weli Gaas ayaa sheegay in aan la dhihi karin shirkii Kismaayo guuldaro ayuu ku soo dhamaaday, isagoo xusay in ugu dambeyn la gaari doono heshiis dan u ah dhamaan Soomaalida sida uu yiri.
"Lama oran karo shirka guuldaro ayuu ku soo dhamaaday, waxa laga hadlayay waa masiirka dalka, wax sahlan ma ahan, mararka qaar go'aamo deg deg lama gaari karo, is jiid jiid iyo doodo dheer iyo wada tashiyo badan waa jirayaan, laakiin waxaa aaminsanahay in wax un Soomaali dan u ah, Puntland dan u ah inay ka soo bixi doonaan wada hadalada dambe ee loo balansan yahay" ayuu yiri Madaxweynaha Puntland.
C/weli Gaas ayaa sheegay in Puntland ay mowqifkeeda la tagtay shirka, isla markaana ay wakiisheen shacabkeeda, isagoo xusay in cid walba aysan heli doonin 100% wixii iyadu rabtay, ayna lagama maarmaan noqon doonto in wixii danta Soomaalida ay ku jirto tanaasul laga sameeyo.
"Anaga mowiqfka shacabka reer Puntland ayaa meesha geynay, shacabkuna cod dheer ayay ku hadleen, dabcan shacabka Puntland waxay inoo wakiisheen inaan Soomaali ka go'eyn, wixii Soomaali dan u ah oo ka suurta geli karo wixii tanaasulaad ah ayaa meesha geynay"ayuu yiri Madaxweyne C/wali Gaas.
Shirka Madasha ee Kismaayo ku soo dhammaaday iyo kulamadii kale ee ka horeeyey ayaa looga hadlayay habka lagu soo xulayo xildhibaanada cusub ee baralamanka Soomaaliya, waxaana Puntland ay dooneysaa in hab degmo lagu saleeyo.

from NEWS AND ENTERTAINMENT http://ift.tt/1OtDh8l
via IFTTT

IGAD oo sheegtay inaysan wax muddo kororsi ah sameysan karin madaxda dowladda Soomaaliya

Wakiilka IGAD u qaabilsan arrimaha dalka Somaaliya Maxamed Cabdi Afey ayaa sheegay inaysan jirin wax muddo kororsi ah oo ay sameyn karaan madaxda hadda shaqeysa ee dowladda Federalka Somaliya, danjire Afey waxa uu tilmaamay muddo kordhin loo sameeyo Madaxda dowladda in go'aan ay ka gaartay beesha caalamka muddo hada laga joogo hal sano, taasina ay tahay qaraar meel yaalo.
Waxa uu sheegay qaraarkaasi inuu ahaa in beesha caalamka iyo shacabka Somaaliyed aysan taageerin muddo kororsi ay sameystaan hay'adaha dowladda ee hadda shaqeeya.
"Arrinta muddo korarsi go'aan waxaa ka gaaray beesha caalamka, muddo hadda sanad laga joogo ayaa laga gaaray, waxaa ka gaaray Golaha Ammaanka Qaramada Midoobay, wax IGAD ay gaartay ma'ahan wax aniga shaqsi ahaan Maxamed aan gaaray ma ahan ee waxaa qaraarka uu ahaa go'aankana uu ahaa beesha caalamka iyo shacabka Somaliyed lama soo dhaweyn doono in Hay'adaha hada dhisan waqti loogu darro" ayuu yiri Afey.
Danjire Afey ayaa sidoo kale sheegay inaysan hada muuqan sabab keeni karta in Madaxda dowladda ay sameystaan waqti kordhin maadaama horay ay u haysteen waqti hadana ay haystaan waqti kale, wuxuuna yiri "Sabab ay ugu darsan karaan iima muuqato, maadaama qaraarka uu yaalo, wax daruuri ah oo degdeg ah oo hadda suurtagelin kara in lagu darro ma jirto waqti ayey heystaan waqti horaan bay heysteen, haddey talada u fadhiyaan markaas wax sabab ah oo keeni karta inay waqti lagu kordhiyo, maadaama qaraarkii United Nation uu yaalo haddiise waqti ku darsi uu yimaado waxay noqoneysaa in isbedel rasmi ah oo qaraarkaasi qaraar kale la soo saaro, maadaama hadda ay inoo muuqato doorasho qof iyo cod inaan la qaban karin, laakiin qaraarka noo yaalo waxaa waaye waqti laguma dari karo".

from NEWS AND ENTERTAINMENT http://ift.tt/1lmgfWy
via IFTTT

Askari Kenyaan ah oo gacanta ugu jira Al-shabaab oo ka hadlay weerarkii degmada Ceelcadde

Askari Kenyan ah oo ka mid ah ciidamadii ay Al Shabaab ku qabteen dagaalkii deegaanka Ceelcadde ee gobolka gedo ayaa markii ugu horeysay ka hadlay dagaalkaasi iyo cidda gacanta ku haysa hadda, askarigaasi oo lagu magacaabo Lawrence Rinui Kamau, ayaa ka mid noqday 12 askari oo ay gacanta ku dhigeen Al Shabaab, markii ay Jimcihii cagta mariyeen Xeradii ay ciidamada Kenya ku lahaayeen Degmada Ceelcadde Ee Gobolka Gedo.
Lawrence Rinui, ayaa sheegay inuu ka soo jeedo Gobolka Kiambu Ee Bartamaha Kenya, isagoo Warbaahinta Al Shabaab u sheegay in uu ka dhashay qabiilka/beesha Kiyuyu, oo uu ka dhashay Madaxweynaha Kenya, Uhuru Kenyatta.
"Magaceygu waa Lawrence Rinui Kamau, waxaan ahay muwaadin Kenyan ah oo ka tirsan Ciidanka Difaaca Kenya (KDF), waxaan ka soo jeedaa Gobolka Bartamaha Kenya ku yaala ee Kiambu County, waxaana ka dhashay qabiilka Kikuyu. Sidoo kalana waxaan ahay nin xaas iyo caruur leh, da'deydu waa 30 jir, muddo toddobo sano ah ayaana ka tirsanaa Ciidanka Kenya. Waxaan Somaliya ku sugnaa muddo laba todobaad ah" ayuu yiri Lawrence Rinui Kamau.
Mar uu ka hadlaayay qaabka uu ugu gacanta galay Al Shabaab, ayaa wuxuu sheegay in 5-tii subaxnimo maalintii Jimcaha, ay Al Shabaab weerar ballaaran ku soo qaadeen Xeradoodii, ayna Shabaabku cagta mariyeen fariisimihii uu ku sugnaa sida uu yiri.
"15-kii bishii January 2016-kii ayay weerar culus nagu soo qaadeen Al Shabaab, iyagoo noo awood sheegtay, cagtana mariyay Saldhigii ciidan ee aan ku sugnaa. Inta badan saxibadey waala laayay, qaarna waa dhaawacmeen, aniga iyo qaar kalana waxaan ku dhacnay gacanta Al Shabaab, ka dib markii dagaalka nalagu soo qabtay. Weerarku wuxuu nagu bilowday abaarihii 5-ta subaxnimo, iyadoona ay Ciidanka Al Shabaab inoo awood sheegteen." Ayuu yiri askariga maxbuuska ah.
Askarigan, ayaa Dowladda Kenya iyo Amisom ugu baaqay inay ka shaqeeyaan, sidii uu kaga soo bixi lahaa gacanta Al Shabaab, si isaga iyo askarta kale ee lala soo qabtayba, ay u hellaan nolol nabadgelyo leh.
"Waxaan rabaa inaan dhambaal farriin ah gaarsiiyo Dowladda, shacabka Kenya iyo sidoo kale Amisom, waxaana ka dalbanayaa inay ka shaqeeyaan, sidii si nabadgelyo ah la'igu sii dayn lahaa, si ay noogu suurtagasho inaan u helno nolol nabadgelyo leh, dibna aan ula midoobi lahayn qoysaskeena. Haddii ayba suurtagal tahay." Ayuu yiri Lawrence Rinui.

from NEWS AND ENTERTAINMENT http://ift.tt/1lmgfpw
via IFTTT

Mareykanka oo sheegay inay xoojinayaan xiriirka Diplomaasiyadeed ee ay la leeyihiin dalka Soomaaliya

Waaxda arrimaha dibadda Maraykanka ayaa sheegtay in danjiraha cusub ee Maraykanka ee dhawaan loo soo magacaabay dalka Soomaaliya, Stephen Michael Schwartz inay isaga iyo Ergadda Diplomaasiyiinta la socota si KMG ah uga hawlgeli doonaan Safaaradda ay Maraykanka ku leeyihiin caasimadda dalka Kenya ee Nairobi.
Bayaanka ayaa lagu sheegay in sababo dhinaca Ammaanka uusan haatan Safiirka uga hawlgeli karin magaaladda Muqdisho ama guud ahaan Soomaaliya, sababo la xiriirta dhinaca ammaanka.
Bayaanka waxaa kale oo lagu fasiray in soo magacaabista Danjire Stephen Michael Schwartz looga dan leeyahay sidii caadi looga dhigi lahaa Xiriirka Diplomaasiyadeed ee ay la leeyihiin dalka Soomaaliya Bishii Janaayo ee sanadkii 2013-kii, ayey Dowladda Maraykanka ku dhawaaqday inay aqoonsan tahay Dowladda Federalka Somalia, iyadoo uu Xoghayaha Arrimaha Dibedda Maraykanka, John Kerry booqasho 3 sacaadood ah ku yimid magaalladda Muqdisho bishii May ee sanadkii hore.
Dowladda Maraykanka waxay Taageero Diplomaasiyadeed, mid Dhaqaale iyo mid Milliteri siiyaan Dowladda Federalka iyo Howlgalka AMISOM ee dagaalka kula jirta Xarakadda Alshabaab, xiriirka dowladda Maraykanka la leedahay Somalia ayaa waxa uu go'ay sannadkii 1991-kii, kadib, markii ay burburtay Dowladdii Kacaanka ee Somalia, isla markaana ay Somalia madaxa la gashay dagaallo sokeeye oo muddo badan socday

from NEWS AND ENTERTAINMENT http://ift.tt/1ZFU28I
via IFTTT