Warar aan si ramsi ah loo xaqiijin ayaa sheegaya in ururka Ahlu Sunna Waljameeca ee gobolada Dhexe ay shalay u diideen in deegaanada ay ka taliyaan inuu booqasho ku tago wafdi uu hogaaminayey siyaasiga Axmed C/salaan Xaaji Aadan gaar ahaan degmooyinka Guriceel iyo D/mareeb.
Sida warku sheegayo wafdiga uu hogaaminayay Axmed C/salaan oo ay qeyb ka ahaayeen Odayaal iyo siyaasiyiin ka soo jeeda gobolada dhexe ayaa ayaa dib u dhigay socdaal ay ku tagi lahaayeen degmooyinka ay maamulaan maamulka Ahlu sunna ee gobolada dhexe kadib markii sida la sheegay ay ahlu sunna diiday socdaalka wafdigaasi.
Wararka ayaa intaas ku darayaan in Ahlu Sunna ay ciidamo fara badan geysay Garoomada diyaaradaha Dhuusa-mareeb iyo Guriceel, si ay is hor-taag ugu sameeyaan, haddii uu wafdigu isku dayo inay amar la,aan ka soo degaan deegaanada ay maamulaan, siyaasiga Axmed Cabdisalaan ayaa ka mid ahaa siyaasiyiinta aadka ugu dhawaa ururka Ahlu Sunna, waxaana uu horay uga qeyb qaatay dadaalo nabadeed oo laga dhex waday Ciidamada dowladda iyo kuwa Ahlusuna ee dagaalamay Guriceel iyo Dhuusa Mareeb.
Ma jiro ilaa hadda war rasmi ah oo ka soo baxay dhinaca maamulka Ahlu Sunna oo ku aaddan sababaha ay uga soo horjeesteen socdaalka wafdigaasi la sheegay inuu hoggaminayey Siyaasiga Axmed Cabdisalaan, iyadoo sidoo kale uusan arrintaasi ka hadlin Siyaasiga Axmed C/salaam,waxaana jira warar kale oo sheegaya in wafdigaasi maanta ay halkaasi tagayaan inkastoo aan la xaqiijin warkani.
from NEWS AND ENTERTAINMENT http://ift.tt/218nUeQ
via IFTTT
No comments:
Post a Comment