Dablay aan la garanayn ayaa shalay weerar ku qaaday mid ka mid ah goobaha ay Shacahku iska Diiwaan-galinayaan oo ku taalla Degmada Lugahaya ee Gobolka Awdal; iyadoo Dableydaasi ay si gaar ah weerarkooda ula beegsadeen Xarun diiwaan-gelin oo ku taalla deegaanka Saba-wanaag oo Degmada Lughaya ka tirsan.
Warku waxa uu intaas ku darayaa in dablaydaasi oo watay Gawaari, ay rasaas ku fureen mid ka mid ah goobaha ay Diiwaan-galintu ka socotay, Waxayna Goobta la Weeraray ay 30-KM dhinaca Bari ka xigtaa degmada Lughaya ee Gobolka Awdal,waxayna dableydaasi ay hhasaare u geysteen gaadiid ay lahaayeen Komishanka Doorashooyinka Somaliland iyo Gaadiid ay lahaayeen dad kale oo Shacab ah, kuwaasoo tiradooda lagu sheegay afar gaari,iyagoo dhaawacay askari katirsanaa booliskii ilaalada ka ahaa goobtaasi la weeraray, kaas oo la sheegay in dhaawiciisu uu fudud yahay.
Wararkii ugu dambeeyey ee ka imaanaya halka uu weerarkaasi ka dhacay ayaa sheegaya in dablayda weerarka qaaday ay qaateen gabi ahaanba qalabkii diiwaan-galinta ee lagu shaqaynayay, balse waxaa laga badbaadiyay shaqaalihii ka shaqaynayay deegaanka Saba-wanaag oo ah halka uu Weerarkani ka dhacay oo ka tirsan degmada Lughaye.
Illaa hadda ma cadda ujeedada dablaydaasi weerarka ku qaaday mid ka mid ah goobaha diiwaan-gelintu ka socotay ee gobolka Awdal, waxaase jira warar aan si rasmi ah loo xaqiijin oo sheegaya in dableydaasi ay ka soo horjeeday in deegaanka saba-wanaag oo ah halka uu weerarku k dhacay la hoosgeeyo degmada lughaya,inkastoo aanay iyagu weli hadlin.
Guddoomiyaha Guddiga Doorashooyinka Somaliland Cabdulqaadir Iimaam Warsame ayaa u xaqiijiyay warbaahinta in dableydii weerarkan soo qaadday ay goobta ka baxsadeen, illaa haddana aan la ogayn halka ay aadeen,inkastoo maamulka Somaliland uu sheegay inay ku Daba-jirta dablaydii Weerarka ku qaaday mid ka mid ah Xarumaha Diiwaan-galinta degmada Lughaya ee Gobolka Awdal gaar ahaan deegaanka saba-wanaag.
from NEWS AND ENTERTAINMENT http://ift.tt/1Wt0LwQ
via IFTTT
No comments:
Post a Comment