Madaxweynaha maamulka Somaliland Axmed Maxamed Maxamuud (Siilaanyo), ayaa shalay magacaabay guddida ictiraaf raadin Somaliland kuwaas oo ka hawlgeli doona fududaynta sidii Somaliland beesha caalamka aqoonsi uga heli lahayd sida uu yiri,waxayna sidoo kale wafdigaasi qaabilsanaan doonaan ka talo bixinta wadahadalada u dhexeeya dowladda soomaaliya iyo maamulka Somaliland.
Gudiga uu magacaabay Axmed siilaanyo oo ka kooban 18-xubnood, ayaa ka kooban siyaasiyiin hore, golaha wasiirrada, goloaha guurtida, aqalka wakiilada iyo xisbiyada mucaaridka ah, iyadoo sidoo kale uu ku jiro xubin hore uga tirsanaa baarlamaanka soomaaliya balse iska casilay xilkaasi kaas oo ah Prof Axmed Ismaaciil samatar ,wuxuuna madaxweynaha Somaliland uu sheegay in guddigaasi ay diiradda saari doonaan sidii loo diyaarin lahaa qorshihii Somaliland ictiraaf ku heli lahayd, sidoo kale gudigaasi ayaa howshiisa waxaa ka mid ah.
Guddidaasi uu magacaabay madaxweynaha Somaliland ayaa magacyadoodu kala yihiin sida tan: wasiirka wasaaradda arrimaha dibadda iyo iskaashiga Caalamiga ah, Dr. Sacad Ali Shire guddoomiye, wasiirka Madaxtooyada Somaliland Maxamuud Xaashi Cabdi, La taliyaha Madaxweynaha Somaliland ee arrimaha ictiraaf raadinta iyo wadahadalka Somaliland iyo Soomaaliya, Amb. Xuseen Cali Ducaale (Cawil), la taliyaha Madaxweynaha ee arrimaha dibadda Cabdoo Axmed Aayar, wakiilka wareega ee Somaliland Raabi Axmed Mohamed, wakiilka Somaliland ee Turkiga Cali Axmed Cismaan
from NEWS AND ENTERTAINMENT http://ift.tt/1Q1HUFt
via IFTTT
No comments:
Post a Comment