Madaxweynaha maamulka Jubaland Axmed Maxamed Islaam ayaa beeniyay warar qaar kamid ah saxaafada Soomaalidu aad u qaadaa dhigtay isbuucyo dhawayd oo ku saabsanaa in diyaaradaha Kenya dad shacab ah ku laayeen gobolka Gedo.
Madaxweyne Axmed madoobe oo wareysi siiyay wariye telefishinka Somali cable ayaa wararka sheegaya in diyaaradaha Kenya shacab ku xasuuqeen gobolka Gedo ku tilmaamay been iyo borobagaando isagoo xusay in dagaal ka dhacay Ceelcade ay ku dhinteen 3 ruux iyo 4 xoolo sida uu yiri.
Axmed madoobe wuxuu hoosta ka xariiqay haddii lasoo cadeeyo in diyaaradaha Kenya shacab ku xasuuqeen gobolka Gedo uu isagu masuuliyada qaadayo sida uu yiri.
Dhinaca kale xildhibaano katirsan baarlamaanka soomaaliya ayaa sheegay inay wadaan mooshin ka dhan ah duqeymaha ay dowladda Kenya kawado gobolka gedo mooshinkaasi oo ay sheegeen inay horgeyndoonaan baarlamaanka soomaaliya
Xildhibaan Cismaan Cilmi boqore ayaa u sheegay qaar kamid ah warbaahinta gudaha in dhawaan ay baarlamaanka horgeyn doonaan mooshin ka dhan ah duqeymaha ay dadka rayid ah ee gobolka gedo u geysanayaan diyaaradaha Kenya ,wuxuuna intaasi ku daray in uu dhageystay hadalada mas,uuliyiin ka tirsan gobolka gedo oo xaqiijiyey duqeymahaasi loo geysanayo dadka shacabka ah eek u nool gobolka gedo arrinataasina ay tahay mid aan laga aamusi karin.
from NEWS AND ENTERTAINMENT http://ift.tt/1oFDoFu
via IFTTT
No comments:
Post a Comment