Dagaal u dhaxeeyay ciidamo ka tiran Al-shabaab iyo ciidamada AMISOM gaar ahaan kuwa Burundi ayaa shalay ka dhacay inta u dhaxeysa deegaanka Leego iyo Garoonka Diyaaradaha Balli-doogle ee gobolka Shabeelaha hoose.
Sida warku sheegayo dagaalka ayaa ka dambeeyay markii dagaalyahano ka tirsan Al-Shabaab ay wadada u galeen Kolonyada ay la socdeen Ciidamada AMISOM oo ka yimid dhinaca Balli-doogle, kuwaas oo galbinayey gaadiid loogu talo galay Ciidamada Ammaanka Maamulka K/galbeed kuwaas isugu jiray gawaarida looyaqaanno Cabdi bilaha iyo gawaarida ciidamada lagu qaado,waxaana la sheegay in gadiidkaasi uu ahaa mid loogu deeqay maamulka K/galbeed kana soo degay dekedda magalaada muqdisho, kaas oo la doonayey in la geeyo Magaalada Baydhabo oo ah hadda xarunta KMG ah ee maamulka K/galbeed.
Warar lagu qoray baraha Internet-ka ee taageera Al-shabaab ayaa lagu sheegay in Ciidamada Itoobiya ay ka gubeen afar ka mid ah gaadiidka ay wateen, ayna ku xayiranyihiin deegaanka uu weerarka ku qabsaday, dadka deegaanka Leego ayaa sheegaya inay maqlayeen hubka cul culus oo la is weydaarsanayo, lamana oga khasaaraha rasmiga ah ee dagaalka labada dhinac ka soo gaaray.
Taliye ku-xigeenka Ciidamada daraawiishta maamulka K/galbeed ayaa idaacadda VOA-da u sheegay in gaadiidka ay ciidamada AMISOM galbinayeen ay iska lahaayeen maamulka K/galbeed,wuxuuna intaasi ku daray in Ciidamada Burundi ay gadiidkaasi ka soo kaxeeyeen magaalada Muqdisho ayna doonayeen inay soo gaarsiiyaan deegaanka leego halkaaasi oo ay ku sugayeen ciidamo katirsan kuwa itoobiya oo ay ciidamada Burundi kuwareejin lahaayeen gaadiidka ay galbinayeen si iyana ay baydhabo u gaarsiiyaan.
Al-shabaab ayaa muddooyinkii u dambeeyay kordhisay weerarada ay ku qaadayeen saldhigyada Ciidamada dowladda iyo kuwa AMISOM, iyadoo 15-kii bishii hore ay aheyd markii Al-Shabaab weerar askar badan looga dilay Ciidamada Kenya ku qaaday deegaanka Ceel-Cadde ee Gobolka Gedo.
from NEWS AND ENTERTAINMENT http://ift.tt/1OrGVw1
via IFTTT
No comments:
Post a Comment