Madaxweynaha dowladda soomaaliya ayaa markii ugu horeysay ka hadlay xuquuqda asaasiga ah ee ay leeyihiin dadka ku nool gobolka banaadir, Waxaana uu sheegay in bulshada ku nool gobolka banaadir ay wax la qabaan shacabka kale ee ku nool 18-ka gobol ee dalka, isla markaana la sameyn doono maqaamka gaarka ah ee ay caasimaddu leedahay.
"Gobolka Banaadir waxa uu ka midyahay 18-ka gobol ee dalka, gobolkasta xaqa uu leeyahay ayay leeyihiin bulshada gobolkan, balse waa caasimadda Jamhuuriyadda, Maqaam gaar ah ayay yeelaneysaa, inkasta oo aan weli diyaarsaneyn maqaamka, dowlad goboleedyada qaar dadka ku nool, waxaa ka tiro badan kuwa caasimadda ku nool,markaa in xuquuqdooda la duudsiiyo xaq ma ahan, waxaa socoto qorshe ah in la sameeyo gole deegaan, bulshaduna ay isu abaabusho sidii ay isu dooran lahaayeen" ayuu Madaxweyne Xasan hadalkiisa ku yiri.
Mar uu Madaxweynuhu ka hadlayay Arrimaha garsoorka ayuu sheegay in Nidaamka dowladnimada ee 30-kii sano ee lagu dhaqmayay la bedalay, lana keenay nidaam cusub oo xukunka baahsanyahay, taladu baahsantahay, dastuurka dalka uu qorayo in adeega garsoorka uu ka madax banaanyahay xukuumadda, sameynta guddiga ayaa waqti badan nagu qaadatay, balse meel fiican ayuu marayaa.
Madaxweynaha oo ugu dambeyntii soo xiray barnaamijka daah furka oo ay soo qaban qaaabisay Wasaaradda Maaliyadda, isla markaana ku saabsanaa isla xisaabtanka oo qeybaha bulshada ay su'aalo ku weydiinayeen Madaxweynaha iyo Wasiirka maaliyadda ayaa sheegay in dowladu ay wax badan u qabsoomeen, ayna jiraan waxyaabo kale oo dhiman.
from NEWS AND ENTERTAINMENT http://ift.tt/2167GCQ
via IFTTT
No comments:
Post a Comment