Ugu yaraan 20-ruux ayaa ku dhintay in ka badan 48-kalena way ku dhaawacmeen qaraxyo ismiidaamin ahaa oo gelinkii dambe ee shalay ka dhacay magaalada Baydhabo ee Gobolka Bay, mid ka mid ah labadan qarax ayaa lala beegsaday Maqaayad lagu magacaabo Beder oo ku taalla bartamaha Magaalada Baydhabo taas oo la sheegay inuu isku Qarxiyay ruux ay waxyaabaha qarxa ku xirnaayeen.
Sidoo kale, Qaraxa kale ayaa ka dhacay agagaarka dhismaha Shirkadda Dahab-shiil ay ku leedahay Degmada Baydhabo, halkaas oo ay dad badan ku sugnaayeen xilligaas, kaasoo loo adeegsaday gaari waxyaabaha Qarxa laga soo buuxiyay oo la dhigay agagaarka goobta uu qaraxu ka dhacay, wararkii ugu dambeeyay ee ka imaanaya magaalada Baydhaba ayaa sheegaya in dadka ku dhintay weerarka uu kamid ahaa Wasiir ku xigeenka wasaaradda hub ka dhigista iyo dhaqan celinta ee maamulka Koonfur Galbeed Soomaaliya Xasan Ibraahim.
Wasiirka ayaa la sheegayaa inuu ku jiray dadkii ku dhintay weerarka uu fuliyay ruuxii isa soo miidaamiyay kaas oo lagu qaaday maqaayad ku taallay bartamaha magaalada baydhabo oo lagu magacaabo beder, waxaana sidoo kale jira warar sheegaya in dadka dhintay ay ku jireen qaar ka mid ah ilaalada madaxtooyada maamulka K/galabeed iyo shaqsiyaad kale oo caan ka ah magaalada Baydhaba.
Guddoomiyaha Gobolka Bay C/rashiid C/laahi Maxamed oo la hadlay warbaahinta ayaa xaqiijiyay in labada weerar ay ahaayeen kuwo dhibaato xooggan geystay, islamarkaasna uu ka dhashay khasaare aad u badan.
Dhinaca kale Xarakada Al-Shabaab ayaa sheegatay masuuliyadda qaraxyadii shalay gabaldhicii ka dhacay magaalada Baydhabo , waxayna sheegeen in weerarkaasi ku dileen Masuuliyiin iyo saraakiil katirsan maamulka Koonfur galbeed Soomaaliya, Al-shabaab ayaa sheegatay masuuliyada qaraxyadan gabaldhicii maanta ka dhacay magaalada Baydhabo , waxa ay Kooxda sheegatay in weerarkaasi ku dileen Masuuliyiin iyo saraakiil katirsan maamulka Koonfur Glabeed Soomaaliya.
from NEWS AND ENTERTAINMENT http://ift.tt/1RyZzXF
via IFTTT
No comments:
Post a Comment