Hogaamiyaha maamulka kumeel-gaarka ah ee Koonfur galbeed Shariif Xasan Sheekh Aadan iyo wefdi uu hoggaaminaayo ayaa ku sugan dalka Itoobiya, kadib markii sida la sheegay ay dowladda itoobiya u yeertay, inakstoo aan la faahfaahin sababaha loogu yeeray.
Sida warku sheegayo Shariif Xasan Shiikh Adam ayaa shalay kulan gaar ah la qaatey wasiirka arrimaha dibadda ee dalka Itoobiya Tedros Adhanom, waxayna Labada dhinac ka wada hadley arrimaha doorashooyinka Soomaaliya sanadkan 2016, iyo arrimo kale oo la xiriira amaanka iyo iskaashiga ka dhexeeya labada dhinac.
Hogaamiyaha Koonfur Galbeed Shariif Xasan kulankaasi ka hadlay ayaa dalka Itoobiya uga mahadceliyey sida ay Soomaaliya uga taageertey la dagaalanka al-Shabaab sida uu yiri, waxaana uu ka codsadey, in kor loo qaado taageerada dhanka Mileteri, sida lagu yiri qoraal ka soo baxay wasaaradda Arrimaah Dibadda ee Itoobiya.
Wasiirka arrimaha dibadda Itoobiya Tedros Adhanom oo isna halkaasi ka hadlay ayaa dhankiisa sheegay in Itoobiya ay ka go'an tahay taageerada Soomaaliya, si loo helo nabad iyo deganaansho, madaxweynaha maamulka K/galbeed ayaa horey u taageeray go'aankii dowladda Federaalku ka gaartey nooca doorashooyinka, soomaaliya ka dhacaya, isagoo saxiixay in nidaamka 4.5 lagu galo doorashada, isagoo sheegay inaysan marnaba aqbaleynin wax aan ka aheyn nidaamka 4.5 ilaa inta la iska tiranyo dalka nabadii lagu soo celinayo.
Itoobiya waxaa weli ku sugan wefdigii Madaxweynaha Puntland Dr. Cabndiweli Cali Gaas oo iyaguna kulamo la qaatey madaxda Itoobiya sida Wasiirka Arrimaha Dibadda waxaana ay ka wada hadleen nidaamka doorashooyinka dalka soomaaliya inkastoo aan la ogeyn in wax iska bedeleen qaabkii uu doonayey in loo galo doorashooyinka soo socda kaas oo ahaa nidaamka degaanka iyo gobolada
Ma cadda in doorka Itoobiya uu yahay dhex-dhexaadin labada dhinac ee kala hogaaminaayo nidaamka degmooyinka iyo kan beelaha ee 4.5 oo hadda Adis Ababa kuwada sugan,lamana oga in wax kulan ahi dhexmaray madaxda labada maamul ee puntland iyo K/galbeed kuwaas oo si weyn isugu khilaafay nooca doorasho ee soomaaliya ay qaadaneyso marka la gaaro dhamaadka sanadkan 2016-ka
from NEWS AND ENTERTAINMENT http://ift.tt/1L0tWGT
via IFTTT
No comments:
Post a Comment