Kulan aan caadi aheyn oo lagu waday inay xalay yeeshaan Golaha Wasiirada ayaa dib u dhac ku yimid, iyadoo kulankaasi la doonayey in lagu magacaabo Ilaa 12 Safiir oo dowladda Soomaaliya u matali lahaa dalal ku yaala Caalamka,halka qaar kale la doonayey in dalalka ay ka shaqeeyaan la isku bedelo,sidoo kalena kuwo kale xilka laga qaado.
Si rasmi ah looma waxa sababay in shirka ay yeelanlahaayeen golaha wasiirada xukuumadda soomaaliya uu baaqdo, waxaana jira warar kala duwan oo ka soo baxaya sababaha shirkaasi dib u dhigtay iyo sababta loo baajiyey.
Wararka qaar ayaa sheegaya in dib u dhaca ku yimid kulankii xalay lagu waday inay yeeshaan golaha wasiirada soomaaliya ay salka ku heyso, is qab qabsi ka jira Safiirada qaar iyo in wali ay u baahan tahay wada tashi, inkastoo wasaaradda arrimaha dibadda intooda badan safiirada soo gudbisay, xafiiska Ra'iisul Wasaaraha ayaa maalmihii la soo dhaafay ku howlanaa kala bedel lagu sameynayo Safaaradaha qaar iyo safiiro cusub oo la doonayo in loo magacaabo Safaaradaha dalal ku yaala qaaradaha Yurub, Asia iyo Afrika.
Wararka ayaa intaa ku daraya in Safaaradaha is bedelka lagu sameynayo ay ka mid yihiin Safaaradda Soomaaliya ee Kuwait, Safaaradda Masar oo dhawaan uu ka geeriyooday Safiirkii joogay, Kuuriyada Koofureed, Turkiga, Itoobiya iyo kuwo kale oo aan inoo suura gelin inaan magacyadooda helno.
Safaaradaha sida deg degta ah is bedelka lagu sameynayo ayaa waxaa ka mid ah Safaaradda Soomaaliya ee Turkiga oo bartamihii sanadkii hore loo magacaabay C/llaahi Maxamed Cali (Sanbaloolshe) oo la sheegay inuu boorsooyinkiisa ka soo xir-xirtay Turkiga, isla markaana uu damac kale oo siyaasadeed ku jiro.
Waxaa kaloo lagu wadaa in Safiir cusub loo magacaabo Safaaradda Soomaaliya ee magaaladaAddis Ababa, oo xilkaas sanad ka hor isaga tagay Amb, Axmed Cabdisalaan, waxaana xilkaasi sii hayey hayay qof Si Haye ah.
Xukuumadda iyo Madaxtooyada soomaaliya ayaa maalmihii u dambeeyay waday qorshayaal safiiro loogu magacaabayo dalal dhowr ah, iyadoo Wasaaradda Arrimaha Dibadda ay soo jeedisay in qaar ka mid safiirada caalamka soomaaliya u fadhiya is bedello lagu sameeyo,sidoo kalena xubno cusub la magacaabayo.
Lama oga xilliga iyo goorta lagu dhawaaqi doono Safiiradan cusub, waxaase lagu wadaa in lagu dhawaaqo marka laga soo laabto shir ka dhacaya dalka turkiga kaas oo lagu saxiixi doono nooca doorasho ee sanadkan 2016 ka dhici doonta Soomaaliya.
from NEWS AND ENTERTAINMENT http://ift.tt/1otST39
via IFTTT
No comments:
Post a Comment