Waxaa maalmaha soo socda dalka Turkiga ka furmaya Shir la sheegay in ay ka qeyb galayaan Madaxda Soomaalida oo lagu soo gunaanadayo nooca doorashada la doonayo inay ka dhacdo dalka Soomaaliya, iyadoo shirkaasi oo lagu wado inuu furmo magaalada istanbuul 22 bishan haddii aan wax iska bedelin qorshihii shirkaasi ,waxaana sida la sheegay ka qeybgelaya Madaxda dowladda soomaaliya iyo madaxda maamulada gobolada soomaaliya ,iyadoo qorshuhu yahay in lagu meelmariyo doorashada ka dhacaysa dalka sanadkan 2016-ka.
Lama oga in madaxweynaha maamulka puntland C/weli Maxamed Cali Gaas oo diiday nidaamkii ay soojeedisay dowladda soomaaliya ayna qaateen maamulada kale uu ka qeybgelayo shirka turkiga maadaama sida la sheegay lagu saxiixayo dalka turkiga Nooca doorasho ee ay soomaalidu qaadatay,waxaana jira warar sheegaya in dowladda itoobiya ay isku dayeyso inay madaxweynaha puntland ka dhaadhiciso inuu ogolaado nidaamka ay soomaalida inteeda badan qaateen uuna shirka ka qeybgalo,laakiin ilaa hadda lama oga in soojeedinta itoobiya uu ogolaaday C/weli Gaas.
Dhinaca kale qaar kamid ah wufuuda dowladda Soomaaliya uga qeybgelaya shirka Turkiga ayaa lagu wadaa inay maanta ka ambabaxaan magaalada muqdisho,waxayna warar aan si rasmi ah loo xaqiijini sheegayaan in wafdiga maanta ka Ambabaxaya muqdisho uu hoggaaminayo Ra,iisulwasaaraha Xukuumadda soomaaliya C/rashiid, iyadoo ay wafdigaasi xubno ka yihiin xubno ka tirsan xukuumaddiisa inkastoo aan la fahfaahin
Sidoo kale madaxda maamulada dalka ka jira ayaa lagu wadaa inay dalka turkiga gaaraan dhawaan, iyadoo sidoo kale ay ku biirayaan shirkaasi xubno kale oo ka socda dowladda Soomaaliya.
from NEWS AND ENTERTAINMENT http://ift.tt/1L0tZCG
via IFTTT
No comments:
Post a Comment