Shirka deg deg ah oo ay isku yimadeen xubnaha golaha Wasiirada ee Xukumadda Soomaaliya loogana hadlayey dar-dar galinta aminga dalka iyo sida wax looga qaban lahaa weerarada Al-Shabaab ka geysanayaan qaar ka mid ah gobolada dalka ayaa xalay lagu qabtay magaalada Muqdisho.
Shirkii xalay ka dhacay madaxtooyada Soomaliya ayaa waxaa shir guddoominayey Madaxweynaha Soomaliya Xasan Sheekh Maxamuud oo ka soo laabtay dalka Jabuuti, iyadoo sidoo kale ay kulanka ka qayb galeen taliyeyaasha ciidamada booliska, Nabdsugida iyo guddiga amniga qaranka, iyadoo sida la sheegay warbixinno la xariirta xaladda amniga dalka iyo qaraxyada ka dhacay magaalooyinka Muqdisho iyo Baydhabo ee gobolada Banaadir iyo Bay.
Shirka golaha Wasiirada ee xukumadda Soomaaliya oo qaatay saacado badan ayaa lagu go'aamiyey in dowladda Soomaaliya ay qaadi doonto howlgal balaaran oo lagula dagaalamayo Al-shabaab, kaas oo ay horumuud ka noqoyaan Madaxda sare ee dalka sida warka lagu yiri.
Wasiirka Warfaafinta, dhaqanka iyo Dalxiiska ee Xukuumadda Soomaaliya Maxamed Cabdi Xayir Mareeye oo shirka kadib la hadlay Warbaahinta dowladda ayaa sheegay in shirka la isku raacay in la qaado howlgallo lagu badbaadinayo shacabka, laguna cirib tirayo Al-Shabaab sida uu yiri, wasiika warfaafinta ayaa tilmaamay in xukuumadda Soomaaliya ay ka tacsiyadeyneyso dadkii ku dhintay weerarkii xalay ka dhacay magaalada Baydhabo ee lagu gumaaday dad shacab ah.
Madaxweyne xasan sheikh oo shalay shir uga qeybgalay dalka jabuuti ayaa si deg deg gabaldhicii xalay dalka dib ugu soo laabtay,iyadoo markii hore lagu waday inuu socdaal ku tago dalka Sweden uu ka helay martiqaad,lamana oga inuu safarkii uu tagilahaa Sweden uu baajiyey iyo inuu waqti kale u ambabaxayo.
dhinaca kale ra,iisulwasaaraha soomaaliya Cumar C/rashiid Cali sharmaarke ayaa isna shalay dib ugu soo laabtay magaalada muqdisho kadib markii uu ka soo qeybgalay shirkii arrimaha soomaaliya ee dhacay dalka turkiga ,sidoo kalena uu dalka giriigga kula soo kulamay madaxda dalkaasi kuwaas oo aan la faahfaahin waxyaabaha ay kawada hadleen
from NEWS AND ENTERTAINMENT http://ift.tt/21uLiTK
via IFTTT
No comments:
Post a Comment