Guddoomiyaha Baarlamaanka Soomaaliya Maxamed Cusmaan (Jawaari) ayaa magaalada Muqdsho kusoo xeray shir uga socday xarunta Villa Hargeysa ee magaalada Muqdisho Golayaasha baarlamaanada muulada dalka ka jira kaas oo socday intii u dhaxeysay 17-20 February 2016.
Guddoomiye Jawaari oo ka hadlay furitaanka Munaasabadda shirka lagu soo xiray ayaa tilmaamay in golayaasha baarlamaanada gobolada ay isla ogolaadeen qorshe ay ka mid tahay in marka guddiga Baarlamaanka Federaalka u xil saaran arrimaha Dastuurka ay baxayaan oo Dastuurka ay geynayaan Golayaasha baarlamaanada dowlad goboleedyada ay raacaan sidoo kale dhammaan Xildhibaanada deegaan doorashadooda loo socdo ee heer federaal waxaana uu dhanka kale ballan qaaday in Guddoonka Baarlamaanka Federaalka uu wada shaqeyn joogto ah la yeelan doono goleyaasha baarlamaanada dowlad goboleedyada dalka.
Sidoo kale Guddoomiyaha Baarlamaanka Galmudug Cali Gacal Casir, Guddoomiyaha Baarlamaanka Jubbaland Sheekh Cabdi Maxamed Cabdiraxmaan iyo Guddoomiyaha Baarlamaanka Koonfur Galbeed Cabdulqadir Shariif Sheekhunaa oo iyaguna ka hadlay Munaasabadda ayaa uga mahad celiyey Guddoonka Baarlamaanka Federaalka Soomaaliya sida uu muhiimad u siinayo wadatashiga golayaasha baarlamaanada dowlad goboleedyada waxaana ay si wadajir ah u sheegeen iney raacsan yihiin heshiis is afgarad oo la xiriira mabaadii'da hagaya iskaashiga iyo wada shaqeynta u dhaxeysa golayaasha baarlamaanada ee dowladda dhexe ee Soomaaliya iyo kan maamulada.
Ugu dambeyn Guddoomiyaha Baarlamaanka Soomaaliya Maxamed Sheekh Cusmaan {Jawaari} oo si rasmi ah ugu dhawaaqay in shirkii ugu horeeyey ee Golayaasha baarlamaanada gobolada Soomaaliya uu ku dhammaaday guul waxuuna inataasi ku daray inuu rajeynayo in Baarlamaanada oo wadajira ay wada saxiixdaan heshiis is afgarad ah.
from NEWS AND ENTERTAINMENT http://ift.tt/1Op6L3L
via IFTTT
No comments:
Post a Comment