Rasaas culus, ayaa waxaa xalay laga dhex maqlay xero ciidanka difaaca Kenya, ay ku leeyihiin bartamaha magaalada Garissa ee gobolka waqooyi bari Kenya, ciidan fara-badan, ayaa rasaasta ka dib soo buuxiyay wadooyinka Magaalada Gaarisa, iyadoo aan illaa iyo hadda macluumaad rasmi ah laga haynin waxa sababay rasaastaasi.
Warbaahinta Kenya, ayaa qortay in xoogaga ammaanka ay si buuxdo gacanta ugu hayaan ammaanka magaalada, isla markaana ay wadaan baaritaano ku aaddan rasaasta dhacday oo aysan ilaa hadda sheegin waxa sababay in rasaas xooggan ay ka dhacdo xerada dhexdeeda, dadka deegaanka, ayaa dhacdadaasi ka dib waxay ku xaroodeen guryahooda, waxaana albaabada loo laabay goobaha ganacsi ee ku yaala xarunta gobolka Waqooyi Bari.
Nin degan agagaaraha Xerada Militariga Barack, ayaa sheegay in dadka deegaanka ay baqdin xoog lihi ka muujiyeen rasaas iyo qaraxyo uu sheegay in Xeradaasi laga dhex maqlay, ninkan ayaa sheegay in 10 illaa 20 daqiiqo ay rasaastu ka socotay gudaha Xerada, balse wuxuu xusay inaysan jirin cid illaa iyo hadda sheegi karta, sida ay wax uga dhaceen Xerada Militariga Kenya.
Saraakiisha Booliska & Militariga ee ku sugan Magaaladaasi Garissa, ayaan weli wax war ah ka soo saarin, in Xerada Barack la soo weeraray iyo in kale, Al-shabaab oo weeraro joogto ah ka gaysta gudaha Kenya, ayaa marar badan weeraro ka fuliyay Garissa, weerarkii ugu dhimashada badnaa, ayaa ahaa kii 2-dii bishii April ku qaadeen Gaarisa University.
from NEWS AND ENTERTAINMENT http://ift.tt/1PUmAnl
via IFTTT
No comments:
Post a Comment