Dowladda Kenya ayaa shalay si fool xun oo ka baxsan habka diplomaasiyadda ula dhaqantay wafdi ballaaran oo uu hogaaminayey ra'iisul wasaaraha xukuumadda federaalka ah ee Soomaaliya, wafdigaan oo ka koobnaan wasiiro, xildhibaano iyo ilaalada mas'uuliyiintaasi kuwaas oo kusii jeeday magaalada Stanbul ee dalka Turkiga, halkaas oo dhawaan lagu qaban doono shir ku saabsan hiigsiga 2016 ee doorashooyinka Soomaaliya.
In ka badan Afar saac ayaa lagu hayey gudaha Garoonka diyaaradaha Joma Kenyatta halkaas oo wafdigu ay u taageereen inay garoonka kasii gudbaan iyo in qaarkood ay gudaha u galaan magaalada Nairobi oo ay kasii raaci lahaayeen diyaarado dalka Turkiga u socda.
Ra'iisul wasaaraha xukuumadda Soomaaliya Cumar C/rashiid Cali Sharmaake ayaa ka mid ahaa masuuliyiinta Baasaboorada laga qaatay ee in ka badan afar saac garoonka qaybta VIP-da ee madaxda ku xayirnaa,inkastoo markii dambe loo ogolaaday isaga iyo qaar kamid ah wasiiradii la socday inay gudaha u galaan magaalada Nairobi,halka intii kale ee wafdiga ra,iisulwasaaraha ay weli ku xaniban yihiin gudaha garoonka.
Xildhibaan Cabdullaahi Jaamac oo ka mid ah Baarlamaanka Soomaaliya kana mid ahaa masuuliyiintii lagu bahdilay oo lagu xanibay garoonka diyaaradaha Joma Kenyatta ee magaalada Nairobi, ayaa sheegay in si fool xun loola dhaqmay isagoo xusay inaysan arrintaan ka hari doonin oo ay baarlamaanka horgayn doonaan.
Wafdiga Ra'iisal Wasaaraha oo lagu wado inay shir kaga qaybgalaan Magaalada Istanbul, ayaa waxaa uu qorshahoodu ahaa inay gudaha u galaan Magaalada Nairobi, sababo ku aadan diyaaraddii u qaadi laheyd dhanka Turkiga, oo Nairobi ka amba baxeysa 11-ka duhurnimo ee Axada maanta ah, xildhibaan C/laahi Jaamac Xuseen oo la hadlay VOA, ayaa tilmaamay inaanan weli loo keenin basabooradooda, oo looga qaaday in loogu soo dhufan doono Fiisihii ay gudaha ugu geli lahaayeen Magaalada Nairobi.
C/laahi Jaamac, ayaa waxaa uu Kenya ugu yeeray inay jawaab cad ka bixiso waxa ku khasbay in sidaan ay u bahdiso Masuuliyiinta Dowladda Somaliya qaarkood,wuxuuna soo hadalqaaday in Magaalada Muqdisho ay jooggaan dad fara-badan oo Kenya u dhashay, kuwaa oo sida uu sheegay aan lagu dhibin Fiisaha, waxaana uu Kenya weydiiyay sababta ay Fiisaha ugu silcisay Madaxdii Qaranka.
Arrintan ayeysan ilaa hadda ka hadlin dowladda soomaaliya,sidoo kalena dowladda Kenya ayaan arrintaasi ka hadlin ,inkastoo saraakiil hoose oo katirsan garoonka diyaradaha Joma Kenyatta laga soo xigtay warar aan la xaqiijin oo sheegaya in diyaaraddii waday wafdigaasi aysan marin magaalada wajeer halkaasi oo lagu baaro diyaardaha ka taga soomaaliya inta aysan tagin garoonka Joma Kenyatta ee magalaada Nairobi.
from NEWS AND ENTERTAINMENT http://ift.tt/1Q1HTBl
via IFTTT
No comments:
Post a Comment