Qarax khasaare kala duwan geystay ayaa xalay ka dhacay magaalada Kampala ee dalka Uganda,waxaana qaraxaasi oo ahaa mid xoogan uu ka dhacay garooon kubadda lagu cayaaro oo ku yaala Magaalada Kampala ee caasimadda dalka Uganda, xili halkaasi ay ka socdaan ololaha cod bixinta doorashada Madaxtinimo ee dalkaasi.
Ugu yaraan 3 Ruux ayaa ku dhintay, 6 kalaena dhaawac helis ah ayaa soo gaaray qaraxaasi dad ku sugnaa Deganka Mengo ee Magaalada Kampala,waxaana jira in dadka wax ku noqday qaraxaasi ay ku jiraan caruur,iyadoo dadkii ku dhaawacmay qaraxaasi loo qaaday Isbitaalka Mulago si loogu daaweeyo.
Sida warku sheegayo Ciidamada Booliska Uganda ayaa deg deg ku tagay goobtii uu qaruxu ka dhacay waxayna xireen waddooyinka soo gala,iyagoo goobtaasi ka bilaabay baaritaano kala duwan oo la xiriira qaabka uu u dhacay qaraxaasi iyo cidda geysatay.
Qaraxaasi xalay ka dhacay xaafad ka tirsan magaalada kampala ee dalka ugandha ayaa ku soo aadaya iyadoo saacado un ay ka harsan yihiin u dareerista cod bixinta doorashada Madaxtinimo ee Dalka Uganda taas oo saaka oo khamiis ah ka bilaabaneysa guud ahaan dalka Ugandha, ilaa iyo hadda ma jirto cid sheegatay Mas'uuliyada Qaraxan khasaaraha geystay oo xalay ka dhacay magaalada Kampala ee caasimadda dalka Uganda.
from NEWS AND ENTERTAINMENT http://ift.tt/1Q2JY3j
via IFTTT
No comments:
Post a Comment