Ra’isul wasaaraha Soomaaliya oo sheegay inuu jawaab degdeg ah ka bixinayo is hortaagii ay Kenya ku sameysay isaga iyo…

Ra'iisul wasaaraha Soomaaliya Cumar C/rashiid Cali Sharma'arke oo magaalada Istanbuul ee dalka Turkiga uga qaybgalaya kulan looga hadlayo Xiriirka Ganacsi ee Soomaaliya iyo Turkiga ka dhaxeeya ayaa hadlay xayiraaddii maalmo ka hor loogu geystay isaga iyo wafdigiisa Garoonka Diyaaradaha Jomo Kenyatta ee magaalada Nairobi ee dalka Kenya,wuxuuna sheegay in muddo saacado ah uu ku jiray Garoonka Jomo Kenyatta, isagoo intaas ku daray inuu jawaab cad arrintaasi ka bixinayo ayna baarayaan sababta garoonka Nairobi loo xanibay.
"Sida Warbaahintu ay u qortay warbixinta arrintan ku saabsan oo ahayd in uu isagu ka mid ahaa xubnaha la xanibay waa mid been abuur ahayuu yiri ra,iisulwasaare cumar oo intaasi ku daray in sababtii uu isagu garoonk u joogay ay aheyd inuu kala hadlo Saraakiisha Garoonka Jomo Kenyatta in Xildhibaanada la sii daayo oo ay galaan Nairobi, wuxuuna R/ wasaaruhu dhinaca kale xusay in isaga lagu qanciyey in marka hore uu ka baxo garaoonka, kadibna ay sii deyn doonaan xubnaha wafdiga intooda kale," ayuu yiri Ra'iisul wasaaruhu.
Isagoo sii hadlaya ayuu Ra'iisul wasaare Sharmar'akre sheegay inay xukuumadda Kenya in ay uga baxday in xildhibaanadii iyo xubnihii kale ee garoonka ku jiray ay kasoo saarto, kuwaasoo ku jiray garoonka maalintii iyo habeenkii xigay, taasoo uu ku Tilmaamay mid ka baxasan xeerarka dublamaasiyadeed ee u dhaxeeya labada dal, uuna tallaabo cad oo ka dhan ah falkaas qaadi doono.
Sabtidii lasoo dhaafay ayay ahayd markii Garoonka diyaaradaha Jomo Kenyatta ee Nairobi lagu xanibay muddo saacado ah wafdiga Ra,iisulwasaaraha Soomaaliya oo isugu jiray xildhibaanno,wasiiro iyo ganacsato dhamaantood kusii jeeday magaalada istanbuul ee Dalka Turkiga oo ay kaga Qayb-galayaan shirka horumarinta Soomaaliya kaas oo maanta si Rasmi ah uga Furmaya Magaalada istanbuul.
Dhanka kale Xukuumaddda Kenya ayaa ku andacootay dhankeeda in Diyaaraddii Wafdiga uu hoggaaminayay Ra,iisulwasaaraha Soomaaliya siday aysan soo marin Degmada Wajeer-Kenya ayna uga shakiyeen arrimo la xariira Ammaanka, laakiin Ra,iisulwasaare Sharma'arke ayaa sheegay inay labada dal horey ugu heshiiyeen in diyaaradaha Mas'uuliyiinta Soomaalida sida aysan soo marin garoonka degmada Wajeer, maadaama ay yihiin mas'uuliyiin dowladeed.

from NEWS AND ENTERTAINMENT http://ift.tt/1T3dclr
via IFTTT