Wasiirka amniga gudaha C/risaaq Cumar Maxamed iyo Taliyaha ciidamada Nabadsugidda Qaranka C/raxmaan Maxamed Tuuryare ayaa markii labaad shalay ka baaqsaday inay hortagaan Baarlamaanka Soomaaliya oo sugayay inay su'aalo ka weydiiyaan arrimaha ammaanka dalka iyo tacadiyo loo geystay xildhibaanno ka dhoofayay Garoonka diyaaradaha Muqdisho.
Xildhibaano mooshin keenay Baarlamaanka ayaa ka dalbaday guddoonka inay hor yimaadaan Baarlamaanka wasiirka iyo taliyeyaasha NISA iyo Booliska, laakiin fadhigii ugu danbeeyay waxaa cudurdaar u diray wasiirka Amniga oo sheegay inuu Baarlamaanka tegi karo wixii ka danbeeya 25-ka Febraayo, taasoo haddana shalay baaqatay,inkasta oo uu balanqaaday inuu maanta oo talaado ah hortayo baarlamaanka.
Wasiirka amniga ayaa shalay markale qoraal u diray baarlamanka, isagoo ka cudurdaartay inaysan imaan karin Baarlamaanka isaga iyo taliyeyaasha oo ay leeyihiin shirar dhinac amniga ah. basle 1-d bisha maarso oo maanta ku began ay hor imandoonaan Barlamaanka,waxaana sidaasi Baarlamaanka u sheegay Guddoomiye ku xigeenka labaad ee Baarlamaanka oo shirka guddoominayay.
Dhinaca kale guddoomiye ku xigeenka 2-aad Baarlamaanka Somaliya, Mahad Cabdalla Cawad, oo ka hadlay hadal ka soo yeeray wasiirka amniga oo sheegay in baarlamaanka ay ka sugayaan inuu ansixiyo shrciga la dagaalanka waxa loogu yeero Argagisada ayaa laamaha ammaanka ugu yeeray inay adeegsadaan Xeerka Ciqaabta Somaliyeed, illaa iyo inta uu baarlamaanku go'aan ka gaaraayo sharciga la dagaalanka waxa loogu yeero argagaxisada.
"Xeer ciqaabta Somaliyeed wuxuu qabaa qodobo badan oo lagula dagaalamo argagaxisada, inta sharciga la dagaalanka argagaxisada uu baarlamaanka ka soo dhammaanayo, waxaa laga rabaa Wasaaradda amniga inay adeegsato xeer ciqaabta Somaliyeed" ayuu yiri Mahad Cabdalla Cawad.
from NEWS AND ENTERTAINMENT http://ift.tt/1neR1uh
via IFTTT
No comments:
Post a Comment