Warar kala duwan oo ka soo baxaya qodobada looga hadlayo shirka madaxda dowladda Soomaalida iyo kuwa maamulada dalka ee berri Turkiga ka furmaya

Shir caalami ah oo looga hadlayo arrimaha Soomaaliya looguna magac daray High-Level Partnership Forum oo ah kii saddexaad ayaa qabanqabadiisa ka socotaa magaalada Istanbuul ee dalka Turkiga, iyadoo wufuud Soomaali iyo ajnabi ah ay ku sii qulqulayaan dalka Turkiga si ay uga qeybgalaan shirkaasi.
Shirka waxaa ka qeyb galaya madax ka socota ilaa 40 dal oo Soomaaliya taageera kuwaas oo ay isugu jira wasiiro arrimo dibadeedyo iyo madax kale, waxaana shirka iska xaadirinaya dhammaan madaxda dowlad goboleedyada iyo dowladda Federaalka Soomaaliya iyo weliba xubno kale oo ka socda qeybaha bulshada.
Sida laga soo xigtay qaar kamid ah xubnaha ka qeybgalaya Shirkaasi waxaa shirkaasi loogu talo galay inay isku arkaan dhinacyda madaxda mamulada dalka, dowladda dhexe, iyo beesha caalamka waxaana inta uu socdo lagu gorfeynayaa xaalada dalka soomaaliya gaar ahaan hab sami u socodka hanaanka loo jeexay doorashada 2016.
Waxaa jira warar kale oo aan si rasmi loo xaqiijin kuwaas oo sheegaya in dowladaha Soomaaliya iyo Turkiga ay shirka ku saxiixi doonaan 6 heshiis oo labada dowladood wada galayaan, kuna saabsan arrimaha Dhaqaalaha, Kaluumeysiga, Ciidamada, Beeraha iyo heshiiyo kale oo si hordhac ah loo saxiixay,inkastoo aan labada dal midna laga helin jiritaanka heshiisyadaasi,sidoo kale shirkaasi ayaa waxaa ka qeybgelaya, xubno ka socda ganacsatada soomaaliyeed iyo wakiilo ka socda qurba joogta Soomaalida, waxaana lagu wadaa in Dalal badan oo shirka ka qeybgalayaa ay halkaasi kaga dhawaqaan balanqaadyo ku saabsan dib u dhiska iyo kaalmada Soomaaliya.
Shirka ayaa ku soo beegmaya iyadoo hanaanka doorshada 2016 la isla qaatay kaas oo inta badan maamulada dalka ka jira iyo dowladda dhexe ay isku afgarteen in lagu galo doorashada nidaamka 4.5 inkastoo uu diiday maamulgoboleedka puntland oo sidoo kale aan ilaa hadda la ogeyn inuu shirkaasi ka qeybgelayo, waxaana jira warar sheegaya in madaxweynaha maaulka puntland C/weli Cali Gaas oo hadda ku sugan dalka Itoobiya uu safar talaadada soo socota ugu ambabaxayo dalka Mareykanka inkastoo aan la faahfaahin waxa ay salka ku heyso ,mana jirto ilaa hadda war rasmi ah oo ka soo baxay mamaulka puntland kaas oo ku saabsan inay ka qeyb gelayaan shirka turkiga iyo in kale.

from NEWS AND ENTERTAINMENT http://ift.tt/21k11S9
via IFTTT