Wasiirada arrimaha dibadda dalalka ka jooga ciidamadooda Soomaaliya ayaa shir uga furmay dalka Jabuuti, kaas oo looga hadlayo xoojinta la dagaallanka argagixisada ah, kulanka oo uu shir guddoominayey wasiirka arrimaha dibadda Soomaaliya C/salaan Hadliye Cumar ayaa diiradda lagu saaray xaaladaha ammaan ee Soomaaliya iyo sidii wadamada uga qeyb qaadan lahaayeen dar dargelinta dagaalada lagula jiro argagixisada Al-shabaab.
Wasiirka ayaa si wada jir ah u cambaareeyay qarixii habeen hore ka dhacay Muqdisho, kaas oo ay ku dhinteen dad u badan shacab iyo ciidankii naftooda u huray inay ka difaacan duulaankii Al-shabaab, waxaana ay ka tacsiyadeen dadkii ku dhintay iyo kuwii ku dhaawacmay.
Dhanka kale wasiirada difaaca ee wadamada ay ciidamada ka soo joogaan Soomaaliya ayaa shir ku leh dalka Jabuuti, kaas oo uu shir guddoominayo Wasiirka Gaashaandhigga ee Jabuuti, waxaana uu qeyb ka yahay shirarka looga hadlayo arrimaha ammaanka ee Soomaaliya.
Wasiirka difaaca ee dalka Nigeria ayaa tilmaamay in dhankooda ay Soomaaliya u soo dirayaan ciidamado hor leh oo qeyb ka noqdo howlgalka AMISOM ee lagula dagaalamayo Al-Shabaab, si dib loo soo celiyo guud ahaan ammaanka Soomaaliya.
from NEWS AND ENTERTAINMENT http://ift.tt/1QPskST
via IFTTT
No comments:
Post a Comment