Madaxweynaha soomaaliya Xasan sheikh maxamuud oo ka qeygalay shirkii Turkiga ee lagu soogabagabeeyey magaalada Istanbul ayaa la sheegay inuu safari kale ku tagayo inta aanu dalka dib ugu soo laaban dalalka Jabuuti iyo Sweden,isagoo ku horeyn doona dalka jabuuti oo uu maalmaha soo socda uga qeybgalayo shirka ay yeelanayaan madaxda dalalka ay ciidamadu ka joogaan soomaaliya ,shirkaasi oo looga hadlayo dib uhabeyn lagu sameynayo qaabka ay u howlgalaan Ciidamada AMISOM iyo sidii ay dalalkaasi u taageerilahaayeen dhismaha ciidamo xooggan oo ayeelato dowladda soomaaliya ,islamarkaasna loo diyaariyo ciidamada dowladda sidii ay ula wareegilahaayeen sugidda ammaanka dalka marka ay dalka ka baxaan Ciidamada AMISOM.
Sida uu sheegay Afhayeenka madaxtooyada soomaaliya Daa,uud aweys Shirka Jabuuti kadib waxa uu madaxweynaha soomaaliya u safri doonaa dalka Sweden halkaasi oo uu ku tagi doono booqasho rasmi ah oo uu ka helay dowladda Sweden,waxaana la sheegay inuu kala hadli doono xaaladda dalka soomaaliya iyo sidii ay dowladda Sweden ay soomaaliya u siin laheyn taagro dhinacyo kala duwan leh inkastoo aan la shaacin taageeradaasi.
Dhinaca kale madaxweynaha soomaaliya ayaa ka hadlay ka maqnaanshaha ay madaxda puntland ka maqnaadeen shirkii turkiga wuxuuna madaxweynuhu sheegay in ay aad uga xunyihiin in Puntland ay shirakaasi ka maqnaato maadaama aan shirkaasi looga hadlaynin arrimo siyaasadeed oo cad kaliyana looga hadlay arrimaha horumarka iyo waxyaabihii ka qabsoomay balanqaadkii ay beesha caalmku siisay kal hore dalka Soomaaliya.
"Maqnaanshiyaha Puntland ee shirka waa sabab siyaasadeed dowladda fedeeaalka ah iyo caalamkuna waxay ku dedaalayaan in tabashooda la xaliyo puntland-na waan tageynaa waan la hadleynaa dabacan waa xubin ka tirsan dowladda Soomaaliya" ayuu yiri madaxweynaha soomaaliya oo intaasi ku daray in loo baahan yahay in laga wadashaqeeyo waxa ay danta ummaddu ku jira.
from NEWS AND ENTERTAINMENT http://ift.tt/20WoZ3O
via IFTTT
No comments:
Post a Comment