Maamulka Jubbaland ayaa xabsiga dhigay laba oday dhaqameed, kuwaas oo kala ah: Suldaan Maxmuud Geelle iyo Caaqil Cabdulaahi Saciid Bile, maamulka ayaa odayaasha dhaqanka ku eedeeyay inay yihiin Al-shabaab, beelaha ay ka soo jeedan oday dhaqameedyada la xiray ayaa ku eeedeeyay maamulku inuu wado caburin iyo kelitelisnimo, lala beegsaday beelaha qaar.
Xariga odayaashan ayaa imaanaya kadib markii ay qoraal ka dhan ah wasiirka arrimaha gudaha maamulkaasi Gen. Maxamed Darwiish soo saareen, kaas oo ay ku sheegayeen inuu kalsoonidii beesha si khaldan u isticmaalayo, xarig iyo handaadaadna uu ku hayo isla beesha kalsoonida siisay, waxayna taasi keentay in labadaasi oday xarigooda kadib laga musaafuriyo magaalada Kismaayo.
Odayaasha dhaqanka ayaa loo diiday inay kulankooda ama shirkooda ku qabsan karaan goobaha loogu talagalay shirarka, sidoo kale waxaa warbaahinta looga digay inay baahiyaan codkooda, nabadoonada iyo waxgaradka shirka isugu yimid ayaa si shuruud la'aan ah uga codsaday maamulka Jubaland inay ka laabtaan musaafurinta odayaashan.
Wararkii ugu dambeeyay ee ka soo baxay arrinka odayaashan ayaa sheegaya in wasiirka arrimaha gudaha Jubbaland uu labadaas oday ka masaafuriyey Kismaayo, kuwaas oo shalay laga soo dejiyey magaalada Muqdisho oo ay hadda ku suganyihiin, nabadoon Bile ayaa sheegay in amarka lagu masaafuriyey labadaasi oday uu bixiyey Axmed Madoobe.
from NEWS AND ENTERTAINMENT http://ift.tt/1T3d8lJ
via IFTTT
No comments:
Post a Comment