Hogaamiyaha maamulka Puntland, C/wali Maxamed Cali Gaas ayaa shalay kula kulmay Xarunta Itoobiya ee Addis Ababa wasiirka arrimaha dibadda ee Itoobiya Tedros Adhanom iyo saraakiil kale oo xukuumadda itoobiya ka tirsan, wasiirka Arrimaha Dibadda Itoobiya, Adhanom ayaa kulanka kadib sheegay in isaga iyo Madaxweynaha Puntland ay kulankooda kaga hadleen nooca doorasho ee ka dhici doonta dalka Soomaaliya dhamaadka sanadkan lagu jiro ee 2016-ka.
Sidoo kale Tedros Adhanom ayaa wuxuu intaasi ku daray in Xukuumadda Itoobiya ay Gacan muuqata ka geysanayso sidii Soomaaliya ay Xasillooni buuxda uga dhici lahayd, isla markaana ay taageerayaan doorashooyinka sanadkan ka dhici doona Soomaaliya sida uu yiri.
Adhanom ayaan sheegin nooca doorasho ee ay kawada hadleen isaga & madaxweyne Gaas iyadoo la Xusuusto in Madaxweynaha Puntland uu horay u diiday in uu Aqbalo in dalka ay ka dhacdo doorashada nooca 4.5-ka ah, taas oo uu xusay in dadka Puntland aysan ogoleyn doorashada noocaas ah.
Dhanka kale hogaamiyaha Puntland ayaan Faahfaahin ka bixin Qodobadii ay kulankan uga Wada-hadleen isaga iyo wasiirka arrimaha dibadda dalka Itoobiya Tedros Adhanom iyo weliba Saraakiisha kale ee ka tirsan Xukuumadda Itoobiya ee ay wada kulmeen.
Todobaadkii lasoo dhaafay ayay ahayd markii Mas'uuliyiinta Puntland ay ka diideen wafdi ka Socda beesha calaamka oo booqday magaalada Garoowe ee xarunta Puntland inay ka Aqbalaan inay qaataan nidaamka doorasho ee 4.5-ka ah, iyadoo fashil uu ku dhammaaday kulammadii Puntland iyo Xubnihii k socday Beesha Caalamka.
from NEWS AND ENTERTAINMENT http://ift.tt/1Q2K2A0
via IFTTT
No comments:
Post a Comment