Wakiilka IGAD u qaabilsan Soomaaliya Maxamed Cabdi Afeey ayaa sheegay in dhibaatada Soomaaliya aan lagu eedeyn karin dowladaha Deriska ah ee Kenya iyo Itoobiya,balse ay soomaalidu iyadu mas,uul ka tahay waxa ka dhacaya dalkooda, "Intii dalalka deriska iyo Ajnabiga la eedi lahaa, waa inay Soomalidu eedo madaxdeeda, burburka Soomaaliya waxaa isu keenay Soomali, waayo waxa isdilay waa soomaali,waxa burburiyey ciidamadii dowladda soomaaliya ee qabill qabiil ka dhigay waa Soomaali" ayuu yiri Mudane Afey oo difaacay dowladaha deriska ah ee Kenya iyo Itoobiya oo lagu eedeeyo inay faragelin ku hayaan Somaliya.
Haddii ay jirto hanti badbaaday halka ay ku badbaaday waa dalalka dariska ,haddii la qaxay halka lagu qaxay waa dalalka dariska ,hadda waxa ciidamada u diray soomaaliya ee dhiiggoodu ku daadanayo waa dalalka dariska ah markaa yaan la eedeynin dalalka dariska ah ee soomaalidu iyadu ha is eedeeyeen,hala xisaabtameen madaxdooda,waxaa loo baahan yahay in la helo dowlad shaqeysa oo soo celisa nidaamkii dowladnimo ee soomaaliya ayuu yiri Maxamed Cabdi afeeyey.
from NEWS AND ENTERTAINMENT http://ift.tt/1LN2aZs
via IFTTT
No comments:
Post a Comment