Guddoomiyaha kooxda dabalgalka cunaqabateynta saaran Soomaaliya iyo Eritrea Rafael Darío Ramirez Carreño ayaa sheegay in dowladda Eritrea aysan xilligan wax taageero ah siin Xarakadda Al-shabaab, Rafael Darío waxa uu sheegay in xog ururintii ugu dambeysay ee ay sameeyeen ay ku ogaadeen in Eritrea aysan ku lug laheyn amaan darida dalka ka jirta Soomaaliya, wuxuuna xusay inaysan jirin wax xiriir ah oo ka dhaxeeya dawladda Eritrea iyo Xarakada Al-shabaab.
Sargaalkaan madaxda ka ah guddiga Qaramada Midoobay u xilsaartay inay kormeeraan cunaqabataynta Soomaaliya iyo Eritrea ee UN Monitoring group waxa uu hadalkan sheegay mar uu ka qeyb galayey shir ay xubaha golaha ammaanka ee UN-ku yeesheen.
"Xukuumadda Asmara inkastoo aysan kooxdeena xiriir la laheyn haddana waxaa jira in baaritaankii ugu dambeeyay aanu ku ogaanay inuusan hadda jirin wax xiriir ah oo Al-Shabab iyo Eritrea ka dhaxeeya sedexdii sano ee la soo dhaafay" ayuu yiri Rafael Darío oo madax u ah guddiga warbixintaan diyaarshay, Dario waxa uu sheegay inay hayaan xog kale oo sheegaysa in dawlada Eritrea ay ay taageerto koox hubeysan oo la dagaalama dawlada Ethiopia.
from NEWS AND ENTERTAINMENT http://ift.tt/2167H9S
via IFTTT
No comments:
Post a Comment