Maamulka Somaliland iyo wafti ka socda dalka Ethiopia ayaa shalay dekedda Berbera wada jir uga dhagax dhigay barxad ay yeelan doonto dekedda Berbera oo gaar u ah qalabka iyo badeecada kala duwan ee dowladda itoobiya kala soo degayso dekedda Berbera, dhigax dhiga dhulkaasi iyo dayr lagu wareejin doono ayaa qayb ka ah wada hadalkii 4-aad ee Somaliland iyo Ethiopia dhex mara oo ka furmay shalay magaalada Berbera,waxaana kulankaasi oo soconaya 3 maalmood lagu wadaa in lagu soo gabogabeeyo wadahadallo u socday labada dhinac sanadihii la soo dhaafay.
Somaliland ayaa sheegtay inay isha ku hayso sidii dalka Itoobiya oo dad ku dhaw 90 Milyan ku nool yihiin wax ugala soo degilaheyd dekedda Berbera,waxayna labada dhinac ay sanadihii u dambeeyay ka wada hadlayeen heshiis lagu casriyaynayo dekedda Berbera laguna dhisayo jidka isku xira Ethiopia iyo Berbera, mashruucaasi oo la yiraahdo Berbera Coridor.
Dhinaca kale safiirka Itoobiya u qaabilsan ganacsiga dibadda Ambasador Salebaan oo weftiga itoobiya ka socda hoggaaminayay ayaa tilmaamay muhiimadda xiriirka labada dhinac ee Somaliland iyo itoobiya iyo heshiiska socda waxaana uu yiri isagoo arrintaasi ka sii hadlaya"Waxaanu halkan u joognaa dhagax dhigga Dayrka muhiimka ah ee Kaargooga Itoobiya. Muhiim uma aha oo kaliya dekedda laakiin waxay muhiim u tahay xiriirka laba geesoodka ah ee Somaliland iyo Itoobiya. Waxay sidoo kale ka turjumaysaa xiriirka wanaagsan iyo horumarka wada jirka ah iyo iskaashiga ammaanka gobolka kaliya maaha labadeena dal ee gobolka oo dhan" ayuu yiri ambasadorku.
from NEWS AND ENTERTAINMENT http://ift.tt/1LN2cAD
via IFTTT
No comments:
Post a Comment