Wararka ka imaanaya magaalada Kismaayo ee xarunta gobolka Jubbada hoose ayaa waxay ku soo waramayaan in ciidamo ka tirsan kuwa Itoobiya ee qeybta ka ah howlgalka AMISOM inay a wareegeen Mas'uuliyadda sugida ammaanka garoonka diyaaradaha ee Magaaladaasi.
Qaar ka mid ah dadka deegaanka ayaa sheegay inay arkeen cutubto ka tirsan ciidanka Kenya oo isaga baxaya saldhigooda garoonka Kismaayo, isla markaana ay soo galayaan ciidanka Itoobiya, kuwaas howlgallo ka sameeyay nawaaxiga garoonka diyaaradaha ee magaalada Kismaayo.
Mid ka mid ah dadka ku nool Kismaayo ayaa tilmaamay inaan la ogeyn sababta ciidanka Kenya uga baxeen garoonka diyaaradaha ee Kismaayo, balse loo malaynayo in salka ku hayso duqeymo Maalmihii la soo dhaafay lagu weerarayey dhismaha garoonkaasi oo qiyaastii 5Km u jira Kismaayo.
Xiriiro aan la samaynay saraakiisha maamulka Jubbaland si aan wax badan uga ogaano waxa keenay in garoonka diyaaradaha Kismaayo ay amaankiisa la wareegaan ciidamada ka socda Itoobiya ayeysan noo suuragelin, saraakiishuna way ka gaabsadeen inay ka hadlaan arrimahaasi.
Ciidamado Itoobiya ayaa waxay dhawaan gaareen magaalada Kismaayo iyo Magaalooyin kale oo katirsan gobolada Jubbooyinka kuwaasi oo beladay ciidankii Siraliyoon ee ka baxay dalka Somalia dhamaadkii sanadkii 2014-kii, madaxweynaha Jubbaland Axmed Madoobe ayaa gaartitaanka ciidanka Itoobiya ee Jubbooyinka ayaa ku micneeyay inay tahay sidii ay maamulkiisa gacan uga siin lahaayeen howlgal militari oo Al-shabaab looga saarayo deegaanada iyo degmooyinka hoosyimaado maamulkiisa.
from NEWS AND ENTERTAINMENT http://ift.tt/1Wt0OZv
via IFTTT
No comments:
Post a Comment