Hogaamiyaha maamulka Koofur galbeed Shariif Xasan Sheekh Aadan ayaa ugu baaqay dowladda Soomaaliya iyo beesha caalamka inay gurmad deg deg ah la gaaraan dadkii ku waxyeeloobay qaraxyadii ka dhacay magaalada Baydhabo, Shariif Xasan ayaa xusay inay jiraan dad aan waxba looga qaban karin isbitaalada Baydhabo, loona baahanyahay in kaalmo caafimaad oo dibadda ah loo qaado si loo baxnaaniyo.
"Naftood haligayaal ah ayaa dadka haligay, dhibaato badan ayeyna geysteen, waxaa ka codsaneynaa dowladda iyo caalamka inay si degdeg ah loogu soo gurmado dadkii dhibaatada soo gaartay, gaar ahaan kuwa aan waxba halkan looga qaban karin" ayuu yiri Shariif Xasan.
Shariif Xasan ayaa sheegay inay adagtahay in qof raba inuu is qarxiyo in laga hortago, hase ahaatee waxa uu xusay inay socdaan qorshayaal ka dhan ah Al-shabaab oo looga saarayo deegaanada gobolada dalka, Al-shabaab ayaa sheegatay mas'uuliyada qaraxyadaas, isla markaana la beegsaday saraakiil iyo mas'uuliyiin ka tirsan maamulka Koofur galbeed.
from NEWS AND ENTERTAINMENT http://ift.tt/1UvL49Q
via IFTTT
No comments:
Post a Comment