Waxaa maanta si rasmiya uga furmaya magaalada Istanbul ee dalka Turkiga Shirka Cahdiga cusub ee looga hadlayo aayaha Soomaaliya, shirkan ayaa lagu sheegay in uu yahay Madasha u sareysa ee lagu go'aaminayo aayaha Soomaaliya, kaas oo ay soo qaban qaabisey Qaramada Midoobey iyo dowladda federaalka sida lagu yiri warsaxaafeed laga soo saarey ka hor furitaanka shirka.
Shirka lixaad ee Cahdiga Cusub (New Deal) ayaa waxaa wada shir guddoominaya Madaxweynaha Turkiga Recep Tayyip Erdogan, Madaxweynaha Soomaaliya Xasan Shiikh Maxamuud iyo kuxigeenka Xoghayaha guud ee Qaramada Midoobey Jan Eliasson, Shirka waxaa ka soo qaybgalaya dalal ka badan 50 dal, 12 urur oo caalami ah, Dowaldda dhexe ee Soomaaliya iyo madaxda Dowlad Goboleedyada dalka jira
Qodobada inta uu shirku socdo laga hadlayo ayaa Waxaa ka mid ah: Xaaladda amniga iyo nabadgelyada Soomaaliya, dib u dhiska hay'adaha dowliga ah, siyaasadda dib u heshiisiinta, arrimaha federaalka, dimoqraadiyeynta iyo Geeddi socodka doorashooyinka, dib u eegista dastuurka, hormarinmta dhaqaalaha bulshada
Shirkaasi maanta ka furmaya Istanbul ayaa Turkigu sheegay in uu noqon doono mid ay ka soo baxaan barnaamij siyaasadeed oo dhamaystiran, kaas oo Turkigu caalamka ku cadaadin doono, taabo gelinta dhismaha haykalka dowladnimo, nabadda iyo xasiloonida Soomaaliya, sida lagu yiri war-saxaafdeedka.
Shirka Istanbuul ayaa la sheegayaa in uu yahay mid aan dhinacyada Soomaalidu u dhameyn, sida Puntland weli mowqif cad aan shirkaasi ka qaadan kaas oo ku saabsan in ay ka qayb galayaan iyo in kale, ilaa haddana aan wax wefdi ah u dirin, sidoo kale Somaliland ayaan shirkaasi ka qaybgalaynin lamana sheegin in la casumey iyo in kale.
Dhinaca kale waxaa shirka weyn ee maanta furmaya lagu dhinac qabanayaa laba shir oo kale oo kala ah: Ganacsiga iyo maalgashiga Soomaaliya, waxaa soo qaban qaabisey: Turkey-Somalia Business and Investment Forum, waxaana shirkaasi oo shalay furmay khudbado ka jeediyey Ra'isul wasaaraha Soomaaliya Cumar Cabdirashiid iyo ku-xigeenka Raysalwasaaraha Turkiga Lütfi Elvan. Shirkaan ayaa laga soo saari doonaa qodobo muhiim ay oo ay ka midyihiin sidii loo sii xoogin lahaa ganacsiga iyo maalgashiga Soomaaliya gaar ahaan kaalinta ay dowladda Turkiga ku leedahay horumarinta Soomaaliya.
from NEWS AND ENTERTAINMENT http://ift.tt/1PUmyfc
via IFTTT
No comments:
Post a Comment