Dowladda Kenya ayaa si caro leh uga jawaabtay hadal ka soo yeeray madaxweyna Soomaaliya oo sheegay in weerarkii Al-shabaab ay ku qaadeen bil ka hor deegaanka Ceel-cadde lagu dilay ciidamo ka badan 180-askari oo Kenyaan ah, waxaana warkaasi si caro leh uga hadashay dowladda Kenya oo waxba kama jiraan ku tilmaantay warkaasi.
Afhayeen u hadlay ciidamada dalka Kenya oo lagu magacaabo David Obonyo ayaa beeniyay hadal ka soo baxay Madaxweynaha Soomaaliya Xasan Sheekh Maxamuud, wuxuuna sheegay afhayeenku in madaxweynaha Soomaaliya warkiisa uu yahay mid aan xaqiiqa ku fadhin, isagoo xusay in warkaasi uu yahay mid been abuur ah oo la iska yiri sida uu hadalka u dhigay.
"Haddii aynu nahay Kenya weligeen saxaafadda kalama hadlin tirada ciidamada nalooga dilay deegaanka Ceelcadde ee gobolka Gedo, waayo haddii aan sheegno tirade cid kasta way dhibi laheyd wayna ka argagixi laheyd oo saameyn weyn ayey ku reebi laheyd, marka ma aheyn in madaxweynaha Soomaaliya uu sidaasi u hadlo, warkiisana waa waxba kama jiraan la dhoodhoobay" ayuu yiri afhayeenka ciidanka Kenya David Obonyo.
Afhayeenka ayaa sidoo kale yiri "Madaxweynaha Soomaaliya wuxuu ku jiraa kooxda Al-shabaab iyaga ayuu garab siiyey, wuuna naga hiiliyey, tirada uu sheegay waa wax ka baxsan ciidankii deganaa Ceel-cadde, tirada uu sheegay maba deganeyn xeradaasi".
Si kastaba Kenya ayaa diiday inay shaaciso tirada rasmiga ah ee looga dilay ciidankooda weerarkii Ceel-cadde, waxayna sababta ku sheegeen inay ilaalinayaan in haddii ay sheegayaan uu saameyn ku yeesho hadalkooda qalbiyada shacabka Kenya, taasina ay keentay inay diidaan sheegashada tirade looga dilay Ceel-cadde.
from NEWS AND ENTERTAINMENT http://ift.tt/1S7IUfX
via IFTTT
No comments:
Post a Comment