Dowladda Mareykanka ayaa dalalka Soomaaliya, Yemen iyo Libya ku dartay liiska dalalka walaaca laga qabo, marka la eego barnaamijka ogolaanaya in Visa la'aan lasoo galo Mareykanka (Visa Waiver Program), waaxda ammaanka gudaha ee Homeland Security ayaa shalay ku dhawaaqday talaabadan, oo dadka booqday dalalka Soomaaliya, Yemen iyo Libya shanti sano ee lasoo dhaafay ku adkeyn doonta hanaanka lagu helo Visa-ha Mareykanka.
Xayiraad cusub ayaa la soo rogay iyadoo loo cuskanayo sharciga la ansixiyey ka dib weerarkii November ee Paris ee ay geysteen kooxda Islamic State ama Daacish, muwaadiniinta wadamada la saaxiibka ah Mareykanka oo markii hore Mareykanka usoo safri jirey Visa la,aanta ayaa hadda laga doonayaa in ay Visa ka dalbadaan qunsuliyada Mareykanka, hadii ay shanti sano ee lasoo dhaafay u safreen mid ka mid ah dalalka Soomaaliya, Yemen iyo Libya sida warka lagu yiri.
Waaxda ammaanka gudaha ayaa sheegtay in shuruudaha cusub aysan si toos ah u saamayn doonin muwaadiniinta ka yimid dalalka Soomaaliya, Yemen iyo Libya ee aan Visaha u baahneyn in ay Mareykan soo galaan oo ay ku jiraan muwaadiniinta labada dhalasho heysta ee Yemen, Soomaaliya iyo Liibiya.
Xanibaadan cusub ee helitaanka dal ku galka Mareykanka ayaa la soo rogey iyadoo hay'adaha ammaanka Mareykanka ay diirada ku hayaan qataraha ka iman kara dagaalyahanada shisheeye ee xagjirka ah,si loo adkeeyo fursadaha ay kooxdani u yeelan karto in ay ka faa'ideystaan dal ku galka aan adkeyn ee wadamada qaar ayaa mar kale qoraalka lagu yiri.
from NEWS AND ENTERTAINMENT http://ift.tt/1otSRbt
via IFTTT
No comments:
Post a Comment