Ugu yaraan 20-ruux oo ay ku jiraan ciidamo ka tirsan kuwa dowladda soomaaliya iyo dad rayid ah ayaa ku Geeriyooday, tiro kale oo intaasi k badanna waa ay ku dhaawacmeen Qaraxyo iyo Iska-horimaad Fiidnimadii xalay ka dhacay Muqdisho, kuwaasoo Mas'uuliyadooda ay sheegatay xarakada Al-shabaab.
Qaraxa hore ayaa ahaa baabuur weyn oo waxyaabaha qarxa laga soo buuxiyay, kaas oo ahaa mid aad u xooganaa, waxaana qaraxa hore uu sababay bur bur dhismayaal ku yiilay wadada laamiga iyo dhimashada dad badan isagoo dhulka dhigay dhismayal badan oo ku dhow halka uu qaruxu k dhacay,waxaana dadka indhinya ka mid ahaa dhowr haween ah oo qaarkood ay yihiin kuwa nadaafadda iyo kuwo kale oo ka mid ah kuwa qaadka iibiya ,iyadoo sidoo kale ay halkaasi ku dhinteen ciidamo la sheegay inay joojiyeen gaariga qarxay kuwaas la sheegay inay joogeen bar kontorool oo ku taalla inta u dhaxaysa Hotelka SYL iyo Ex fiyoore halka looyaqaano.
Qaraxaasi ka dib ayaa la sheegay in weerar toos ah ay dhinac hotelka ku qaadeen 4-5 nin oo hubeysnaa kuwaas oo la sheegay inay ka tirsan yihiin Al-shabaab waxaana iska horimaad xooggani uu dhexmaray iyaga iyo ciidamo ka tirsan kuwa nabadsugidda iyo weliba ilaaladii hotelka SYL,iyadoo markii dambe ay ciidamadu sheegeen inay dileen kooxihii hubeysnaa ee weerarka soo qaaday.
Dhinaca kale Qaraxa labaad ayaa dhacay 30 daqiiqo ka dib qarixii hore kaas oo ahaa gaari waxyaabaha qarxaahi saaran yihiin kaas oo la dhigay Maqaayadda Muno oo u dhow Beerta Nabada, waxaana ka dhashay isna dhimasho iyo dhaawac aan la ogeyn inta ay gaarsiisan yihiin,waxaana la sheegay in qarxaasi dambe uu saameeyey dadkii ku sugnaa halka loo yaqaano Beerta Nabadda oo ah goob loo dalxiis tago maalmaha jimcaha
Dhanka kale Ku dhowaad 30 ruux oo qaba dhaawacyo kala duwan ayaa la geeyay goobaha caafimaadka Muqdisho, waxaana intooda badan lakala dhigay Isbitaalada Madiina iyo Daaru-Shifa, qoraalka la soo dhigay barta Twitter-ka NISA ayaa lagu sheegay inay jirto dhimasho badan, hase ahaatee tiro sax ah ma sheegin, waxaana ay tilmaameen inay dad badan soo bad baadiyeen.
Dhinaca kale Al-shabaab ayaa sheegatay mas'uuliyada qaraxyadii xalay ka dhacay muqdisho, isla markaana waxa ay sheegeen inay weerartay Hotelka SYL, waxayna Al-shabaab warbixin kooban oo ay soo saartay ku xustay inay Weeraradaan fuliyeen xoogaggooda ku sugan Muqdisho, iyagoo yiri, "Xoogaggeenna ayaa weerar la beegsaday Hotel SYL, waxayna gudaha u galeen Hoteelka", waxayna intaas ku dareen in weerarkan uu ahaa mid qorsheysan.
Si kastaba ha ahaatee weeraradii xalay ayaa kusoo beegmaya iyadoo doraad Hoobiyeyaal lagu Weeraray Madaxtooyada Soomaaliya, iyadoo qaar kamid ah ay ku dhaceen Xaafado ka tirsan degmooyinka Howlwadaag iyo Wardhiigley ayna ku Geeriyoodeen Shan ruux, kuwaasoo ay ku jireen kuwo isku Qoys ahaa, sidoo kale askar katirsan ciidamada ayaa weerarkaasi uu ka soo gaaray khasaare kala duwan oo isugu jira dhimasho iyo dhaawac.
from NEWS AND ENTERTAINMENT http://ift.tt/1n3qMXq
via IFTTT
No comments:
Post a Comment